دروس خصوصية في الحالة الامنية

الشعب المصري خضع لعرف الدروس الخصوصية في كل حياته ومنهم خريجي الشرطة اللي عايزين درس خصوصي لحفظ الامن

اتبع ما يلي :

·         لازم كلبشات يا عم علشان لما تقبض على حد ما تدورش على حبل

·         المسدس يستخدم لو حد ثبتك مش تديهوله من غير مقاومة

·         لو حد كلمك وقال الحقني يبقى تروحله مش تقوله لما يموتوا بعض قولولي امسك الجثث

·         الشرطة في خدمة الشعب يعني ما ينفعش ان احنا نخدمكم العملية مش حتظبط 

·        الظابط مش بس بينظم المرور وياخد المخالفات الضابط واحد بيدخل الكلية علشان يمسك في الحرامية مش الحرامية تثبته وتاخد سلاحه

·        الضابط بيدرس في الكلية وسائل الدفاع عن النفس والهجوم على الحرامي مش يجيب العساكر الضعفانة بتاعة الانيميا ويقول لها بستك عليهم

·        الادلة الجنائية مش لازم معمل من ضمنها البصمات وان فيه شهود كتير شافوا الواقعة

·        لو البلطجي حبيبي برضه اسلمه للنيابة علشان تحبسه واكيد حلاقي غيره يجيبلي الاخبار ده احنا عالم نمامة مالناش غير لسان

·        المتلبس متهم لانه ثبت انه متهم ما ينفعش تسيبه ، هو ده اللي يتسجن مش الواد ابو دقن اللي مروح بيته ياكل عياله

·        المسدسات ممكن تستخدمها على الحرامية وتضربهم على رجليهم لو هددوك مش تديهم اسلحتك عيب الاسلحة دي بتاعتك محدش ياخدها منك

·        السرقات بنمسك فيها حرامية مش بنروح سوبر ماركت المضبوطات علشان ننقي اللي يعجبنا احنا اتسرقنا مش لازم نسرق احنا كمان

·        لمااسوق بسرعة 20 كيلو في الساعة وباقف كل اشارة نصف ساعة الحزام مش حيحميني من الحوادث ده حيثبتني لما حد ييجي يسرقني

·        حوادث المرور اللي في الطريق دي انت حتتحاسب عليها لانك انت اللي بتنظم المرور مش هو ده مهمتك الاولية اللي رجعتلها من بعد الثورة

·        ممكن توقف خناقة بين اتنين مصريين مش لازم واحد منهم يكون عسكري شرطة

·        مش كل اللي بدقن يتمسك ولا كل اللي في الحزب صديق ولا كل من حافظ على الحكومة وطني ولا كل بلطجي مرشد ولا كل لواء يضربله تعظيم سلام