الحرب الاهلية القادمة في مصر ، متى وكيف

-
شفت مصري قبل كدة ماسك مصري وطحنه ضرب . لا ـ إلا اذا كان بلطجي والا مجرم
عمرك شفت مصري بيضرب واحد في الشارع ويكسر له اسنانة
لما العربية داست على المصريين كلنا ما عرفناش ننام
محدش من المسلمين قام نط من الفرحة ان كنيسة اتحرقت ولا حد هنأ حد بان المسيحيين ماتوا
شفت في بلاد تانية لما يعرف ان ملة تانية او نفس الديانة بس مذهب تاني بيتقتل يقول يستاهلوا
اتحاكالي في بلد تانية الفيضان بيوقع بيت وجيرانه بيتفرجوا وهم قاعدين على سور بيتهم ما اتحركتلهمش شعره
شفت في بلاد تانية فيضان فيه عربيات غرقانة وبتجري في الميه وجواها ناس واللي بيتفرج بيضحك على المنظر وكان اللي في العربيات مش بني ادم
في مصر لا يمكن تسمع عن موت او قتل وحد يفرح
لا يمكن يكون جارك في مصيبة وتسيبه
لا يمكن تضرب واحد لما تدخله في غيبوبة
الا الضباط لانهم ومن اول دقيقة دخلوا كلية الشرطة قالولهم انتم غير البشر
قالولهم ان المجرم يموت في داهية
قالولهم ان شغلك بيخلص بمكانتك في المجتمع والخوف منك
قالولهم محدش يقدر يحاكمك على حاجة
وعلشان كدة لما حبوا يعملوا فتنة والناس تموت بعض افتكسوها لان من نفسنا مش حنعملها
ولما حبوا يولعوا في كنايس اجرو ناس من عندهم ودفعولهم فلوس
مصر مش ممكن يحصل فيها حرب اهلية الا لما تغيروا ناسها وتجيبوا ناس تانية من بلاد تانية
مصر حتفضل تحب شعبها وناسها وحيضحوا علشان بعض وقت الزنقة
مصر حلوة من غير بوليس مصر هي التحرير
ياريت كلنا نعيش مصريين وما نغيرش طبعنا ابدا

تعليقات

  1. Angie Tawfik25 سبتمبر 2011 في 1:03 ص

    "مصر مش ممكن يحصل فيها حرب اهلية الا لما تغيروا ناسها وتجيبوا ناس تانية من بلاد تانية"

    ردحذف

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد