طفلة للابد

اتعلمت من صغري ان البيانو جزء مهم من التعليم بتاعي المدرسة اسمها كيتي تيجي كيتي وتعلمني وانا اتمرن ولما يجوا ضيوف تعالي يا كوكا ورينا الشطارة طبعا التعليم غير الهواية انا باتعلم بيانو مش بالعب يعني لما اقول دو والكتاب يقول دو والاستاذ العظيم باخ قال دو ما ينفعش ساعتها العبها ري ولا مي قوم بقى اييه وانا باضرب النوتة احط ايدي بالغلط على ري واسكت وابص لمامتي قال يعني مامتي ممكن تفتن وتقول لباخ مثلا اني بابوظ التراث بتاعه والمقطوعة تقف والمعزوفه تتلخبط وفي الآخر الناس كلها تعرف اني غلطت وقعدت والدتي تقنعني ان محدش من اللي قاعدين فاهمين ان النوتة بتاعة باخ فيها دو في الحتة دي وبالتالي من الانسب اني لما اغلط امشي الامور وما افهمش حد اني غلطت واكمل طبعا مش طبيعتي ومش باقدر واكيد بما اضرب صباع غلط اجز على اسناني وابص لمامتي بصات كلها معاني علشان حلتني اتخابث على اصحابها وافهمهم ان باخ العظيم كان بيلعب غلط عدت الايام وكرهت كيتي وكرهت البيانو بس لما قامت حرب اكتوبر المجيدة وكنت في اسكندرية لوحدي وماليش فيها اصحاب قررت العب بيانو تاني بس بحب حبيت البيانو على كبر حبيت النوتة ا...

الحياة مجموعة من العقبات توضع امامك لكي تعبرها فتصل الى اليوم الذي ياتيك فيه ملك الموت فلا تجد الثانية الواحدة التي يمكن ان تقيم فيها ما تعمل واو ما لم تعمل 2013 كانت معوقاتها للاخواني : يشعر انه يفني نفسه ولا يقدر له احد ما يفعله وهو لا يعلم ان ما يفعله يتسم بالانانية واحادية التفكير وان هناك من يتصيد له الاخطاء ولم تكن لديه الحكمه الكافية للبقاء متماسكا ومحبا للوطن قدر حبه لجماعته وبالتالي تمكنت كل القوى المضادة من اسقاطه وهو ظل متكبرا مكابرا مغالبا كل من حوله واثقا في قدرته على البقاء بقوة السلاح الى ان جاء اليوم الذي فاق رد الفعل كبرياءه وعلم باليقين انه مخدوع في نفسه للمصري الليبرالي : شعر ان الاخوان اخذوه عنوة وظل يشك في النتيجة والانتخابات وكل ما يحيط بهم وظل قوى الخوف من الديكتاتورية الدينية تحيط بهم الى ان اسقط خوفهم كبرياء الاخوان ولكن من الخوف للكره للقسوة في التعامل للرغبة في الافناء الثائر المصري تجمدت مشاريعه ووقفت حياته انتظارا لوعودا بالنهوض للبلد وتكسرت على صخرة القوى المتناحرة صاحبة المصالح وبكى على المفقود وحاول اصلاح الموجود ففشل وانتهت اماله بان انضم الى اللي...

كل واحد مننا عايزله اصحاب عايز حد يحبه ويتصاحب عليه ويبقى معاه على طول انا طول عمري باغير مدارس من مدرسة لمدرسة وفي كل مدرسة اخذ شوية وقت لغاية لما اعمل اول صاحبة لي وهوبا بقى المدرسة كلها اصحابي عشان بافك من الخوف والقلق مرة رحت مدرسة في ليبيا وكان اول مرة اتكلم مع الليبيات وكانوا بيخلوني اتكلم عشان بافكرهم بفاتن حمامة وبالاخص اني كنت في المدرسة ومعايا واحدة بس مصرية وكانت بتتكلم معاهم بالليبي ولكن انا ماما كانت تقول مش عايزة حد يتكلم الا مصري وفي مرة قعدت جنبي واحدة بنت كانت في منتهى الجمال زي الاميرات اللي في القصص طول وحلاوة والوان ورقي في الشكل ولكنها كانت عايزة تسألني على حاجات بالمصري كل الفصل ساكت وهي جنبي وانا انبسطت انها عايزة تصاحبني لانها اجمل بنت بحقيقي بالاضافة لذكاءها يعني كانت الاولى على الفصل قبل ما اكشر انيابي طبعا قعدت تسألني على الكلمات الابيحة في اللهجة المصرية وهي ما تعرفش ان احنا في بيتنا ما نطلعش العيبة وانا من الاصل ما كنتش اعرفها ولا اعرف معناها من اصله المهم اجتهدت عشان ما ابانش عبيطة وبقيت اقولها اي هجص في اي هبالة راحت بعد ما عملت صاحبتي وبعد الفس...

اخواتي الصبيان الاتنين ربنا يخليهم كانوا دايما رياضيين او نقدر نقول بيحبوا الرياضة لانها تفرق كانوا يروحوا الجيم او صالة الالعاب السويدي في النادي او صالة الالعاب برة النادي وهي فيها مدربين من نوع آخر اكثر جدية واللي معاهم عايشين على الشقا وبالتالي بيستحملوا اكثر شوية ولذلك قرر اخواي انهم ينتظموا في مركز تدريب رياضي خارج نطاق النادي بتاعنا كانوا بيروحوا يوم ويرجع الواحد منهم يضرب الجرس وانا افتح يفضل واقف اتفضل يا سعاة البيه احنا في انتظارك يقول لي مش قادر احرك رجلي خذيني يا بنتي لغاية الحمام عشان آخد دش وعلى ما ادخله ييجي اخويا التاني بعد ما حط العربية في الجاراج ويضرب الجرس اقول له مش انت معاك المفتاح يقول لي في جيبي بس مش قادر اطلعه وييجي يطلعه يقع على الارض يبص له ويبص لي ويبص لي ويبص له افهم انه عايزني اجيبه كان من الواضح انهم بيتعبوا ويشقوا جامد وكل ده تمهيد قبل التدريب على فنون الدفاع عن النفس وهي فن الجودو وما ادراك ما فن الجودو اول يوم رجع اخويا الكبير من التدريب وفتحت الباب راح هوب لقيتني على الارض فيه ايه يا عم اصل النهاردة عرفنا ازاي ممكن نفقد الخصم ا...

اكبر حاجة في خيره مصر  هي البشر البشر هم اللي عملوا مصر مش نيلها ولا مالها في ابيس عندي اولاد صغيرين والله العظيم والله العظيم منتهى الذكاء والفطنة ذكاء فوق الوصف اغبى واحد فيهم اذكى من ناس كتير في بلاد كتير وفي الآخر تلاقيه قاعد ينظف في مطعم وامكانياته الذهنية تخليه عالم صواريخ  احنا لو ما خليناش الاولاد دي تاخد حقها في الدنيا زي ما تستحق نبقى بنرمي ثروتنا البشرية والذهنية في الارض فيه ولد صغير في مدرسة في ابيس وفي الصيف بيشتغل في قرية بلبع وقف معايا مرة وانا باعمل نشاط مع الاولاد وكنت عاطية فرشة لواحد يدهن الباب والولد كان بيوسخ اكتر ما يدهن فقال لي مش خسارة البوية اللي عمال يدلدقها قلتله مش مشكلة المرة الجاية حيعملها احسن بص لي وقال لي يعني تقصدي انك عايزاه يتعلم اهم ما عايزة الباب يتدهن بعديها وقف يتكلم معايا وقال لي انا في قرية بلبع والشيف اللي معايا بيقول لي المدرسة مش مهمة لانه متخرج من الكلية وبيشتغل طباخ قلتله لا التعليم مهم بس المهم كمان تتعلم حرفة تخليك لو ما لقيتش شغلانة بالشهادة تعرف تشتغل بحاجة تجيبلك فلوس

يارب بلاي ستيشن   المشهد الاول : الجد واقف قدام دولاب ويبص الجد : النهاردة لازم حفيدي يعرف سر العائلة ينادي الجد : يا مروان تعالى حالا انا عايزك والحفيد يدخل عليه يجري برعونة ومعه كرة على رأسه ويتحدث بلا اهتمام الحفيد :  خير يا جدي ، انت عايزني ، ميسي جايلك اهو الجد : بص يابني انا عايز اقولك سر ما تعرفوش عن عيلتك ولازم تعرفه الحفيد : ايه يا جدي انت مش جدي والا انا مش ابنك ولا حفيدك مش قريبك الجد : انا باتكلم بجد تعالى معايا اوريك في ايه في الدولاب الحفيد ينظر بتشوف الجد يخرج من الدولاب جهاز بلاي ستيشن الحفيد : ان آن أأن أن الجد : انت مش عارف ان الجهاز ده عمل انسان مشهور ومطلوب من كل دول العالم الحفيد : ارهابي   الجد : ولد ، بطل هزار انا بجد عايز اعرفك الجهاز ده عمل ايه في ابوك الحفيد : ابويا الجد : ايوة ابوك الحفيد : ابويا الاستاذ الدكتور البروفيسور غريب السيد غريب الجهاز ده هو اللي عمله وانا كنت شاكك اني روبوت لغاية امبارح الجد : ابوك غريب كان طفل بتاع مشاكل وساب المدرسة وطول النهار بيلعب كورة الاضاءة تخفت وصوت الجد ي...

اكيد الواحدة مننا لما تجوز وتخلف بتبقى عايزة تشعر انها اجمل ام في الدنيا والجمال هنا مش بتاع العينين الخضراء والشعر السايح لا ابسلوتلي الجمال هنا يعني ام الاولاد نفسهم يدوها عنيهم ويفخروا بيها انا بقى كنت عايزة ابقى هذه الام اول حاجة عملتها اني ركزت جامد وركزت اكتر و في النهاية طلعت ام مختلفة حبتين يمكن مش جميلة زي ما كنت متخيلة لكن مختلفة ازاي بقى يكثر شرحها مثلا انا كنت باعيش سنهم سنة بسنة وبالتالي ياما كان جوزي يجي من برة يلاقي الاولاد نايمين على الكنب وانا صاحية اكمل فيلم الكارتون مثلا مرة ابني واقف يفرجني على حاجة عملها وهي انه حط العنب بين شفايفه واسنانة وبيقول لي بصي وانا حبيت افقعهم بضربه واحدة والنتيجة اني لقيت ابني واقع على الارض من قوة الضربه وبيبص لي ويقول لي فيه ايه والعنب لسة زي ما هو ما اتفعصش شرحتله الموضوع وعدت مرة مثلا كنا بناكل منجة واتسابقنا للحمام عشان نشوف مين اللي يغسل ايده الاول ولما ابني وصل الاول مسكته من هدومه ومسحت ايدي في وشه بالكامل وهو مندهش وقلتله روح استحمى في الحمام التاني وبكدة اكون انتصرت كنا بنتخانق على مجلة ميكي مين يقراها الاول وب...

القى الريح ببذرة فجل في حقل من البنفسج حينما ازهرت سعدت ولكن ذهبت الذهرة وظلت الفجلة كل يوم تنظر للزهور الجميلة وتقل غريبة في ارض عزيزة لست منكم وان تمنيت اكلها المزارع في يوم فمشت في عروقه وانتهى الربيع فذبلت الازهار وتطاير عطرها 

شكل البيه بلاوي جايبينه عشان على ما زمن المحاسبة ييجي يكون شيع نمر ويتحاكم في القبر بعد كدة  انا اللي شايفاه ان فض رابعة كان فتيل لازمة ستظل سنوات وان التعامل مع ملف الاخوان كان سيء ولكنه في نفس الوقت كشفهم واظهر اسوأ ما فيهم  اولا : اظهر ان قياداتهم جبانة تؤمن بمبدأ اضرب واجري وسيب العيال تشيل وبعد كدة الطم وصوت ولم عليهم الجيران ثانيا : ان استعمال الاخوان لدين الله الاسلام كوسيلة وليس غاية فضحهم امام المتدين الحقيقي الذي يبغي وجه الله بحق وعرف الناس ان ليس المسلم من قال انا مسلم ولكن من مارس الاسلام في افشاء السلام  ثالثا : استعانة الاخوان بالجهاديين الذين قاتلوا في افغانستان لكي يفرضوا واقع بقاءهم في السلطة زاد من حنق الشعب المصري وابعدهم عن قلوب الناس وبدلا من ان يدافع عنهم من قسوة السلطة الحالية اكتفى بكرسي المتفرج  رابعا : الشعب المصري ذكي وعنيد وذكاءه في تحليل المواقف جعله يتقبل عودة الداخلية والجيش في المعادلة السياسية بدلا من الاخوان لتأكده من ان الاخوان اتخذوا تأييده لهم ضد فلول النظام السابق وسيلة للوصول للحكم فقط ولم يكن شفيعا لهم في تبنى ن...

طبعا مع اتنين اخوات صبيان مش معقول اعيش دور البنت الرقيقة الامورة ومع ذلك كنت باحاول كان الكبير يتعمد كل يوم لما اصبح عليه صباح الخير يرد علي مين اقول له انا كوكا يقول لي كنت فاكرك اخويا هاها ده طبعا هو بيضحك فرحان ان انا باتغاظ وانا باضحك من غيطي هـ ا ا ا واليوم التاني اصبح على اخويا التاني يقول لي نفس الحاجة مين انا كوكا ماعرفتكيش اصل صوتك طخين وفضل موضوع صوتي طخين لما اصحى من النوم حدوتة عندنا وحكاية وجيت اتخطبت ايوة اتخطبت على الرغم من صوتي الطخين لما اصحى من النوم وقلت اهو مش حيعرف الموضوع ده الا لما نتجوز واصحى من النوم وساعتها حيكون الفاس وقعت في الراس ومفيش خلعان وفي مرة من ذات المرات اخذت دور انفلونزا وكنت في السرير ومن حظي الجميل ان خطيبي بيسأل علي كلمني في التليفون فماما قالتله  هي في السرير حاشوفهالك كوكا اصحي كلمني خطيبك يا نهار ازرق كدة حيسمعني وانا صاحية من النوم رحت منحنحة وجبت ارفع طبقة صوت عندي يعني حبل واحد من الحبال الصوتية كلها واديله الوووووووو لقيته مش بيرد قلت بصوت ارق كمان شوية الووووو رد وقال مين معايا يا دي النيلة ما انا بار...

اول ما اتجوزت كانت واخداني الحماسة الفطار خمس نجوم وفوطة حمراء وفوطة صفراء ولازم حاجة سخنة وحاجة باردة وعصير والغذاء خمس نجوم برضه فوطة حمراء وفوطة صفراء وحاجة مغذية والعشاء نقول اربعة عشان ما اكذبش انزل اشتري الخضار بنفسي وانقي كل حاجة اقف طوابير الفراخ ولكن اياميها الحمد لله اتحلت الازمة وبقينا نلاقي من غير ما نقف طابور وده لرغبتي ان جوزي يتفرغ للبحث العلمي ويترقى وانا كنت مهندسة كمبيوتر لكن عارفة ارتب نفسي المهم ان انا كنت باحب اعمل الحاجة كويس لغاية لما خلفت اصبح الوقت مش سايع لا خمس نجوم ولا خمس كواكب ولكن على مين انا اموت نفسي بس اعمل الحاجة كويس خلفت تاني الكواكب بقت مصابيح لكن برضه باحاول وفي يوم قلت لجوزي بعد اذنك وانت راجع من الكلية اشتريلي خضار لان معايا الاتنين مش باعرف اشتري بيهم قال لي من عيوني وجاء الظهر ومعاه الخضار فتحت الكيس لقيت خمسة كيلو بصل ثلاثة كيلو فاصوليا بس خلاص الله هو ده الخضار قال لي ما انتي مش بتقولي عايزة ايه اللي لقيته قلت له معاك حق هو ده اللي حتاكله يوم السبت فاصوليا يوم الاحد فاصوليا يوم الاثنين فاصوليا يوم الثلاثاء وهو راجع...

انك تنام دي مشكلة ومش مشكلة مش مشكلة لبعض الناس لانهم بيناموا بسرعة وقد تكون مشكلة للي حواليهم لانهم بيعانوا جنبهم من غير ما اللي نام يعرف ومشكلة للي عنده ارق مزمن انا مين فيهم اللي عنده ارق مزمن يبقى عندي مشكلتين مشكلتي اني مش باعرف انام ومشكلتي من اللي نايم جنبي طيب مشكلتي اني مش باعرف انام ودي عارفينها انما ايه مشكلتي من اللي نايم جنبي اولا وانا طفلة صغيرة كانت مشكلتي مثلا اني لازم اسكت عشان اخواتي ناموا مشكلتي اني دايما باكون ادفا من اللي جنبي وبالتالي اي حد في الشتاء يستنى بتاع ساعة وبعدين يبتدي زي الفامباير يمص الدفاء مني بكل الوسائل ومنها تلاقي اختي مثلا تيجي من ناحيتي في السرير وتقول لي ادخلي جوة كدة السرير مفتوح من الناحيتين مفيهوش جوه ولكن لا هي تقول لي كدة وتعتمد على ان انا في مود الكسل ولا اناقش فاتنقل للناحية التانية البااااارددددداااااا مشكلتي مثلا لما كنت انام جنب اي طفل يشلط في ويزقني برجله وايده طول الليل وكان فيه بعض قرايبي من الاطفال يستنى وانا في عز النوم وده في اصله عزيز يعني ما يجيش بسرعة ويقوم طرااااخ ضاربني حتة قلم على وشي والصبح اشتكي للام فتقو...

وانا بنت كانت كلمة ماما الجيران لبعضيها  مثلا كان في مرة  جيرانا من اليونان وكنا لبعضينا يعني ممكن العب مع بنت جارتنا الاجريجية وبقيت بحب قوي لما اخرج اعمل نفسي من اليونان واتكلم زي اليونانيين باللغة اليوناني مثلا  انتي اسمك ايه للولد  انا لازم اسوفك انت قول ايه  هو ده بالنسبة لي الكلام اليوناني زي ما بنت جارتنا بتتكلم  ونتيجة اننا عائلة متنقلة فكتير من الاوقات نتنقل بين الشقق كمان  وبالتالي كان لي جيران كتير واصحاب كتير  ولما اتجوزت فهمت معنى الاستقرار  نوعا ما  يعني ان انا ممكن انام واقوم في نفس اللشقة ونفس السرير ونفس المدينة ونفس البلد لاكتر من عامين متتاليين  ويكون جيراني هم جيراني  جارتي وصديقتي وزميلتي في الكلية ورفيقتي في العمل مش اكتر من كدة تصوروا وبالتالي علاقتنا توطدت بسهولة  وكنا نمارس مبدأ الجيران لبعضيها كويس  عندك ملح  عندك طماطم  عندك ليمون  وفي يوم وانا باتفرج على التليفزيون وهم بيزيعوا جريمة قتل سيدة لزوجها وتقطيعه ووضعه في اكياس والمذيعة تقول لها وجالك...

الشقلباظ هو الانقلاب على الارض مع لف الجسم بالكامل ده تعريفة كل واحد فينا في حياة اتشقلظ واتقلب انا واحدة منهم فاكراهم كلهم مرة اتشقلبت لما سمعت صوت رعد جامد وكنا في طرابلس وهناك الجو ابرد شوية من اسكندرية وساعة الرعد هوبا واحد طويل اخذت فيه الصالة مرة تانية كنت في السيرك وقاعدة مع اصحابنا المهمين اللي دايما بيجيبولنا لوج او بنوار او كراسي جنب المسرح وانا قاعدة لا بي ولا علي وهوبا الاقي فيل طالع من وراء الستارة وواخد في وشه وجاي ناحيتي حسيت ان دي النهاية وحياتي مرت قدام عيوني وهوبا لقوني تحت الكرسي ومستنية لما الفيل يرجع وراء الستارة تاني مرة ثانية كنت رايحة اعرف اتنين لبعض عشان يتجوزوا وانا طنط بقى اللي تعرف الاتنين ودي فلانة وده فلان والحكاية والرواية ولقيت ان انا اللي باتكلم وكله بيسمع قلت عيب امشي وسيبيهم يتعارفوا عن اذنكم يا اولاد عشان عندي ميعاد وهوباااا واحد شقلباظ على الارض في الكوفي شوي واديله زحلقة وكل الكوفي شوي وقف يساعدني اقوم وانا اقولهم انا كويسة المهم سيبيوهم يتعارفوا ومرة تانية كنت نازلة من بيتنا باقول يا شر اشتر عشان ازعق لمكتب من البريد السريع وهم ...

من الحكمة ان تشاهد وترى فالمشاهدة ان يمر عليك امام اعينك ويترجمه العقل بمشاهد ولكن الرؤية ان تترجم ما تشاهده وتعقله ليتحول الى خبرة مع الزمن وحكمة ان اردت ان تكون الخبرة هي العامل الذي يحرك مستقبلك وعلاقاتك بما حولك ومن حولك شاهدت ما يحدث في مصر من اوقات الثورة وحتى الآن وبالاخص حين أتى الرئيس المنتخب الى ميدان التحرير وتحدث مع الشعب  في التحرير والهب مشاعرهم وهو يتحدث بنفس اللغة وعلى نفس التردد واشعرهم ان الثورة نجحت وستنتصر ان شاء الله ورأيت ان اكتب المشاهدة الاول - حركة كفاية اشعرت الناس ان هناك من يعترضون على الحكم مثلهم ولكنهم اكثر ايجابية - ايمن نور ظهر على الشاشة وعلى الرغم من تشكيك الاعلام فيه الا ان حركة 6 ابريل كانت من نتاج هذا الحراك - بداية العصيان المدني في 6 ابريل والقبض على بعض افرادها وتحرك الشارع السياسي تجاه اخراجهم من الاعتقال - تزوير الانتخابات بطريقة مستفزة - ظهور جمال بطريقة فجة وتحضيره للميراث - ظهور حركة رفض تجاوزات الشرطة وامن الدولة وخالد سعيد - حسنين هيكل فجر موضوع انه  يوجد في مصر من يصلح للرئاسة واقترح عمرو موسى والبرادعي وزويل - ظهور ال...

مصر البلد الوحيدة في العالم اللي فيه تكافل بين الشعب وبعضه بطريقة جميلة البلد الوحيدة اللي البقال لازم يلزق في البيت ولما تضطر تعدي الشارع تزعل البلد الوحيدة اللي بتاع الخضار على كل ناصية وتشتري منه الطماطم المعظوبة عادي البلد الوخيدة اللي المكوجي يخبط على الباب ويسأل على المكوة وساعات تقول ليه تعالى بعد ما الم الغسيل البلد الوحيدة اللي ناقص تذاكر السينما يجي واحد يديهالك ومش بعيد يحضرلك الفيلم لان الدنيا بتمطر  البلد الوخيدة اللي الفلاح بيشتري العيش المدعم عشان يأكل بيه الفراخ البلد اللي فيها المنادية اكتر من الشحاتين واللي بيمسح الزجاج بخرقة وسخة ويقولك جعان البلد اللي الست فيها بتبيع المناديل في الاشارة وتحسسك بتأنيب الضمير علشان اخذت منها المنديل بعد ما دفعت البلد اللي بيكون واحد واقف يشحت يديك ورقة متصورة فيها علامات الصم والبكم من غير ما يكلمك على انه معاق ولما واحد يناديله من بعيد يزعقله البلد اللي ممكن الصبح يكونوا ماسكين سكاكين لبعض ولما واحد يصالحهم ممكن يقسم العشا بينهم وينسوا اللي حصل البلد اللي ممكن تلاقي واحد غلبان بيشحت ويقولك جعان ولما تديله سندويتش يقولك عن...

تأثير الافلام علينا له ايجابياته وسلبياته يعني مثلا الافلام الكوميدي بتخلينا نضحك ويعدي علينا الوقت جميل والافلام الاكشن بنتفرج عليها عشان نشوف عالم تاني غير بتاعنا اما افلام الدراما فانا من الناس اللي مكانتش بتؤثر في ولا ابكي ولا انحنح ولا اعيط ولا حاجة زمان ايام التليفزيون الجبس كان يوم الخميس بيكون فيه فيلم عربي من الافلام الكلاسيكية المصرية اشي صراع في النيل والخطايا وكلام من ده وانا واحدة من الناس ممكن اقعد افصص الفيلم يعني وانا باتفرج اشوف كام كاميرا بتشتغل في الشوط الواحد وهل الكاميرا مان بيغير كل قد ايه الكادر وكلام فاضي على اساس ان انا مخرج الروائع اللي لسة ما اتعملتش في مرة يوم جمعة من ذات الجمعات لاحظت ان جوزي خايف علي شوية زيادة وخلي بالك على نفسك ومش عايزك تموتي بدري وصحتك مش عاجباني انا ما فهمتش عدى الاسبوع وعلى الجمعة اللي بعديها ولا كأن فيه حاجة عادي قومي اعملي وسوي وهاتي على الرغم ان ساعتها كنت تعبانة ومع تكرار موقف خلي بالك من نفسك على فترات بدأت اربط بين الفيلم العربي اللي بنتفرج عليه وبين الخوف علي صحتي لان البطلة لما تكون مريضة او عيانة جوزي يخاف علي وي...

مش عارفة ليه الستات مش بتحب حد يعرف عمرها يعني لو انا عندي خمسين وشكلي يدي على عشرين تفتكروا الناس لو قالت عندي ثلاثين ازعل او لو عندي ثلاثين وشكلي يدي على ستين وواحد قال لي انتي عندك خمسين ازعل انا مش حازعل بس الستات كلها بتزعل انا باقول عندي كام سنة وبشجاعة ولذلك كان الستات ما تحبش تقعد جنبي في اي قاعدة لان الموضوع ممكن يتفقش وانا في الثلاثين كنت باقول اني في الثلاثين وكنت بالبس غويشة (الله يرحمها اتسرقت مع الدهب اللي اتسرق كله ) كان فيها في كل سنة من عمري قطعة مكتوب عليها السنة واستمرت الى ان انتهت الحلقات ولم ينتهي عمري البريد الخاص بي في اخره 1955 وهو سنة الميلاد وكان في الزمن الماضي قبل ما البنت تدخل الكليات وتتخرج وتقدم شهادة الميلاد من مصوغات التعيين وتطلع على المعاش كانت الستات في الزمن الجميل تقعد مستتة لغاية لما ييجي العريس ودايما يكون الحد الفاصل هي عندها كام سنة وهي اكبر والا اختها اكبر لان زمان كان الاخت الكبيرة تتجوز الاول وحاجات من هذا القبيل اتعودت على ان سن الست من المواضيع الشائكة ولذلك نصحتني والدتي ان لما حد من اولادي يسألني عندك كام سنة لازم تقولي سن صغي...