طفلة للابد

http://www.youtube.com/watch?v=br4DBRvmd7k&feature=youtu.be

كان عندي شغالة وكنت متأكدة انها مش بتسرق مش عشان باعرف المستخبي ولكن عشان لم تثبت عليها الجريمة وفي يوم المقص بتاعي ضاع المقص ده اساسا كان سينجر والدتي اعطيتهولي وهي بتقول لي المقص ده سنجر ومادام قالت سنجر يبقى ماركة يبقى حاجة كويسة يبقى لازم احافظ عليه الشغالة جت وسألتها على المقص ما شفتوش المقص يا بنتي مش عارفة هو فين قلت لها بكرة انا نازلة وحتدوريلي على المقص في البيت كله ومش حتكملي معايا لو ما لقيتش المقص نزلت تاني يوم ورجعت الظهر قلت لها لقيتي المقص قالتلي واسمعوا الجملة اللي جاية انا دورت في البيت كله وما لقيتهوش لكن الحتة الوحيدة اللي مادورتش فيها هي درج النيش الشمال اللي فوق يعني كل البيت بكل حجراته بكل ادراجه بكل شيء تصل اليه يدك دورت عليه ما عدا الدرج الشمال فوق مش محتاجة واحد واخد دراسات عليا علشان يعرف انها حطته في درج النيش الشمال فوق قلت لها خلاص انا حادور في الدرج اوبااا لقيته في الدرج الشمال فوق مش الشمال تحت ولا اليمين فوق ولا اليمين تحت قلت لها وانا كلي مفاجاة ان الدرج الوحيد اللي مادورتش عليه لقيت فيه المقص مع العلم ان انا كنت بادور قدامها في ا...

ساعات يبقى نفسك تتكلم مع حد عشان تفضي قلبك يعني مش الغرض ان عندك مشكلة عايزة تتحل او عايز تسمع رايه فيها انت غرضك تتكلم وبدل ما تكلم نفسك في المراية انت عايز انسان يتفاعل يعني يزعل لما تقول له مظلووم ويضحك لما تقول له عملت فيه مقلب المهم ان انت مش عايز مدرس والا ام تانية تزعقلك وتقول لك اعمل وما تعملش فيه ناس تبتدي تقول لها اسكت انا تعبان من كذا ويفضل يقول انت غلطان وكان لازم ما تعملش كذا ولازم تعمل كذا وازاي عملت كذا وما عملتش كذا ويفضل يقرف اهلك عشان غاطت واتكلمت في الموضوع ومن هؤلاء الاشخاص انا واعوذ بالله من قولة الانا تصوروا اني اكتشف بعد خمسين سنة من حياتي اني مش لازم اعطي حلول للناس مش لازم اتعاطف للدرجة اللي تخليني اتابع صاحب المشكلة لما اقرفه كان لي صديقة تشتكيلي وانا اقعد اقول لها ازااااااي مين قاااااااال واعملي وما تمعمليش وكانت يتشتكيلي وانا متاكدة انها في الآخر حتشتكي مني وفي لحظة كدة من اياهم قلت لها هو انتي بتشتكيلي عشان نحل المشكلة مع بعض والا انت بس بتفضفضي قالت لي بافضفض طيب كويس قولي يا ختي وفضفضي براحتك ومن ساعتها لما اقعد مع حد ويشتكيلي اسأله دي فض...

على قدر حناني وحبي لكل من حولي ولكن مصلحتهم تكن اولى وابدى في كل وضع يعني بالبلدي لو الموضوع ضد مصلحة شخص لا يمكن اطبطب لازم اتنمر وتصل الى ان اقسو وبالتالي كنت اقص القصص واطهو اجمل الوجبات وادلع وادادي ولكن عند الجد معنديش هزار كان زوجي بالعكس يكفهر بسهوله ويبتسم بحساب وقسوته كانت في الشكل واحيانا تنبع من قلة العطاء العاطفي فقط وكنا نجلس انا وزوجي ليحدثني عن الاولاد الواد مش عاجبني بيهزر كتير البنت مش عاجباني رفيعة ومش بتاكل الولد مش عاجبني ما صلاش العصر البنت مش عاجباني بتعاكس اخوها وفي مرة فضل يشحني على الاولاد لما بقيت مش قادرة انتظر وكنت عايزة اكلهم من كتر الغضب فتركته وكنا وقتها ساكنين في فيلا وبالتالي الاولاد في الدور الفوقاني قمت عشان اروح امارس امومتي في التوبيخ والضرب ولقيت جوزي بيجري يسبقني على فوق وعلى ما وصلت للاولاد لقيته واقف وحاطط ايده زي اللي في مبارايات كرة السلة علشان ما اوصلش للمنطقة المهمة الا وهي منطقة وجود الاولاد وبيقول لي خلاص خلاص هم كويسين ومش حيعملوا كدة تاني وانا عمالة احاول اوصل لاي حد منهم عشان اضربه وهو مصر انه يمنعني طبعا الاولاد كانوا ف...

اول مرة سمعت عن التيمم استغربت جدا الله طيب انا باغسل بالمية عشان انظف الوساخة يبقى ازاي اتوضأ بالرملة دي مسأله فيها كلام اسمع الطريقة الاقي نفسي باتوسخ بالرملة علشان ايه اتطهر كنت صغيرة وظل هذا الموضوع في بالي وانا متعودة اني استنى حكمة الله تظهر يعني قلت لما ربنا قال كدة يبقى ربنا عارف وانا مش عارفة الايام دي لقيت ان ربنا عايزنا نتطهر قبل ما نصلي نتطهر من ايه من الوساخة بس لا طبعا نتطهر من ارتباطنا بالدنيا عشان نتكلم مع الخالق يعني اتوسخنا نتطهر عملنا ما يغضب الله نتطهر عملنا لمتعتنا الشخصية نتطهر الطهارة عندي ما بقيتش مية بتنزل على جسمي الطهارة بقت رمز بقت من جوه ومعاها من برة حاجة الرمل اللي باتطهر بيه لازم يكون جاف هو بيشرب المية اللي في المية بتشيل وتحط علي او تشيل مني وتحط على الارض عشان كدة لو مفيش مية تشيل مني يبقى الرمل يشيل مني مش عارفة حاسة ان موضوع التيمم ده قصة كبيرة قوي لازم اقعد اتكلم عنها وافكر فيها اللهم اجعلنا من المتطهرين  والركع السجود

اخي الصغير جميل جدا وحبوب وكان صاحب مزاج بمعنى لما يحب يعمل حاجة لازم يعملها وهو عايز ولازم يكون مبسوط وتطلع مش حاقولكم عاملة ازاي حاجة اشي خيال مرة من ذات المرات والدتي كانت مسافرة وكان الشباب عزاب والدي واخويا الكبير واخويا الصغير وقرر اخويا الصغير انه يعمل ارز جاب ارز امريكي اسمه دكتور بنز مش زي المفك البنز ولا مفتاح البنز هو اسمه كدة محدش يتريق الكوب منه لازم له اثنبن ونصف كوب مياه وعمايل الارز مش موضوع ولكن لما اخويا الصغير يقرر يعمل ارز يبقى احلى رز فيكي يا مصر والدي واخويا الكبير اكلوا منه مرة ومن ساعتها ممكن رز عايزين رز لو سمحت نفسنا ناكل رز من ايديك الحلوة رز يا باشا هو مفيش رز النهاردة اخويا الصغير اتخنق مكانتش مرة عمل فيها الرز حلو قوم اتدبس فيه مدى الحياة مخمخ كويس وقرر انه يعمل حاجة صحى اخويا الكبير وقال له النهاردة احنا عايزين رز من ايديك الحلوة دي اخويا الصغير جاب كوب من ارز دكتور بنز وقصاد الكوب اديله بتاع اربعة ماء واصبح الماء فيه ارز بنز طبعا ساعة الغذاء والكل جوعان يبقى الارز معجن مش معجن حيتاكل حيتاكل ومحدش اعترض قالك يمكن جركن ميه وقع بالغلط جو...

عاش ولد في بيئة فقيرة وكان يريد ان يصبح شيئا مذكورا عاش يجوب حقل ابيه يمينا ويسارا بحثا عن شيء مفقود ذو قيمة لعله يحصل على ما يحلم به الكثيرون لعله يرى مصباح علاء الدين او خاتم سليمان او حتى قطعة من الذهب او كنز مدفون كان يعلم ان هذا الحقل تم حرثه آلاف المرات ولكنه لم يمنع نفسه من الحلم سقط في ليلة من ليالي الصيف شهابا بارقا واخلف خلفه حفرة استيقظ الولد صباحا وهو مختنق من اليأس في ان يصبح شيئا فسار الى حقل ابيه لعله يحلم بعيدا عن فراشه نظر الى الارض فوجد فيها تلك الحفرة تعجب ولكنه فرح حفرة دون ان يحفرها احد اذا الاحلام يمكن ان تتحقق قفز الى داخل الحفرة ليجد صخرة صغيره امسكها في يده وخرج بها وجلس تحت شجرة التوت ليتحدث اليها امسك الصخرة وقال لها اتيت لا اعلم من اين وستذهبين مثلما ذهبت امثالك تحت التراب فلتقومي بعمل جيد وساعديني في ان احصل على حلم واحد كاد ان يتوقف قلبه من الخوف لان الصخرة اضاءت لونا ازرقا مخضرا وقفزت من يده ليتغير شكلها وتدور وتكبر لتصبح اقرب لحجمه وشاع اللون الازرق في المنطقه من حوله وسمع خوارا ثم صفيرا ثم وجد شخصا امامه صورة طبق الاصل منه ما هذا من ا...

كنت في فترة من الوقت بادور على شغالة تساعدني لاني كنت باشتغل واولادي في المدرسة وفي نفس الوقت مرهقة ولا اعلم السبب وبالتالي استعنت بصديق وطلبت من كل الناس اللي اعرفها ان يبعتولي شغالة وجاءت السيدة الفاضلة الشغالة المنظر العام : سيدة محترمة ولكنها تضع الكثير من الكحل على العيون الخلفية : موظفة حكومية قررت ترك الوظيفة لانها لا تدر عليها ما ستدره الاعمال المنزلية تمت المقابلة الاولى بنجاح ولكن وآه من ولكن اول يوم كنت في البيت وهي جاءت وبدأت في التنظيف ثم اتت ومعها بروش ثمين وهي تشخط وتنتطر لو عايزة تعرفي اذا كنت امينة والا لأ بلاش الاختبارات دي اهو جبتهولك اهو طبعا انا لم اكن اعلم ان البروش ضايع مني وقد يكون وقع مني في وقت وانا مش عارفة وعشان برستيجي قدامها ما رضيتش اقول اني اتفاجئت فقلت لها برافو عليكي انا بادور عليه لقيتيه فين وكنت اتحدث بصدق لدرجة انها غيرت نبرة الزعيق الى نبرة المنتصر ايوة لقيتها تحت الكنبة في الصالون طيب هاتي الحلاوة عشان لقيته ان آااان بعد كدة فوجئت ان عمل سيدة من الموظفات مش حلو فهي لازم تاخد اجازة سنوية وعارضة وكانت بتتكلم على العلاوة بتاعة مايو وكل ...

انا باحب القطط ولكن والدي الله يرحمه كان يرفض وجودهم في البيت وبعد الزواج وجدت ان حمايا الله يرحمه يحب القطط الله حيبقى فيه بيت فيه قطط وبمباركة العائلة المالكة وحالعب معاها واديها حنان السنين وحب السنين ولعب السنين وبالاخص ان قائد القوات المنزلية في صفي دخلت البيت بعد ما حمايا جاب القطة وقلت له هي فين يا انكل قال لي تلاقيها مستخبية في حتة بس بس يا فلانه سألته هي اسمها ايه قال لي ما سميتهاش طب شكلها ايه قطة حتكون شكلها ايه فار يعني استنيت تطلع من مخبأها مفيش يا هانم يا ست يا بتاعة انتي فين عايزة اصاحبك والعب معاكي عدى اليوم اللي بنتغدى فيه عند حمايا وهي ولا حس ولا خبر تاني يوم يالا يا حبيبي نقضي اليوم مع والدك طبعا هو ما حيصدق ويالا بينا دخلت ادور عليها مفيش هي بجد موجودة لان شفت مخلفاتها في الحمام جاتها القرف بعد ساعة كدة وانا قاعدة في حجرة المعيشة قوم الاقيها بتخربش رجلي هو ده اللي قدرتي عليه مسكتها من ايدها وطلعتها قطة فعلا ومفيهاش مسحة جمال الوانها غريبة وشرسة حاولت العب معاها فشر هي اتخلقت تغلس علي بس خلتني طول ما انا قاعدة رافعة رجلي فوق لان الشراب ...

كان يا ما كان بيت مصري اصيل ما فيهوش قط والبنت الصغيرة صاحبة الثمانية عشر ربيعا عايزة قط ( ايوة بنت صغيرة لاني باكتب القصة وانا عندي قرب الستين سنة عادي ) المهم ان والد تلك الفتاة الصغيرة (عادي فوتوها) مش بيحب القطط قررت تلك الفتاة انها تجيب قطة لما اهلها يسافروا وفعلا لما دخلت الكلية وهم كانوا في بلد وهي في بلد جابت قطة سيامي جميلة جميلة دلوعة شقية بس حولة ايه يعني عشان عينيها بتبص بعيد مش حتشوف الفيران مثلا ايوة جميلة وحولة بس زي العسل شقية شقاوة لا توصف ممكن تبقى واقفة بتتدلع علي وفجأة دريجن دريجن دريجن تجري تاخد بيت والدتي من اوله لاخره والاقيها على الستارة فوق ليه يا بنت الحلال مين زعلك مفيش هي جالها مزاجها تجري وتطلع فوق الستارة وفي النهاية ترجع تكمل لعب بعد شوية كنت باحب اعاكسها مع العلم ان انا مش مبدأي المعاكسة انا غالبا كنت لسة صغيرة بس ولذلك لما عرفت انها بتحب الكريم شانتييه على عكس كل القطط اللي ممكن تعرفوها لان القطط مش بتحب الحلويات كنت احطلها الكريمة على ام رأسها عشان تاخد وقتها على ما تجيبها من فوق وتاكلها كنت احب جدا جدا الف رجلها باللزق السوليتيب...

القطة كائن لطيف الناس بتجيبه عشان تلعب بيه او معاه او جنبه بس المهم انه دائما يحب اللعب وبالتالي مسلي وبالذات للي ما عندهمش وسيلة للتسلية او اطفال طيب الحتة دي عرفناها اما موضوع القطط معايا فهو قصة لوحده وانا صغيرة كان نفسي في قطة والدي رفض ليه قال كفاية علي انتم يا حبايبي طيب احنا ومعانا قطة لا انتم بس المهم بعد عدة محاولات مستميته ولان اختي الكبيرة تتميز بالحنان الجميل فقررت تحقق لي امنية حياتي وهي اقتناء قطة عرفت بوجود واحدة امريكانية مسافرة ونفسها حد ياخد القط بتاعها يربيه وياخد باله منه وكان شرطها الاساسي ان الناس تحبه وانا باحبه من غير ما اشوفه اسمه سيلفستر مش مشكلة الاسم نحلها بعدين ما انا اسمي كوهينور وعدت طلبت السيدة الامريكانية عاشقة القطط ان تعمل انترفيو عشان توافق او ترفض ماشي رحت عملت الانترفيو وشافت الحب الملتهب بيني وبين القطة فوافقت من اول مرة بس لازم اخذه يوم تاني بعد ما امهد له مكان في البيت واعطتني المانيوال الساعة 10 يفطر الساعة اتناشر البسكوت الساعة 3 يلعب بكورة بينج بونج بالليل الوجبة الاساسية ومش عايزة اقول حاجة ان بيت السيدة المحترمة متقطع وم...

كان كل معرفتي بالحرامية هي عصابة القناع الاسود وهم بالزي المخطط بتاعهم  ولكن في مصر في الستينات وفاكراها كانها النهاردة وكنا في سيدي جابر المحطة واحد بيجري وناس كتير وراه وبينادوا حراااامي وهو ولا اجدع عداء اولومبيو لما مر جنب قهوة الناس سابت المشاريب وجريت وراه وانا باتفرج من شباك العربية وحاسة اني مش عايزة ابقى مكانه ابدا بعد كدة كنت اسمع عن حكايات الحرامي اللي دخل بيت خال والدتي وهو نايم وكان مصمم يسرق سجادة الصالون وكل ما يحرك كرسي الخال يسأله انت لسه صاحي يا نبيل (كان ابنه في ثانوي وعنده امتحان) فيرد الحرامي بمنتهى البجاحة ايوة فترد الام انت بردت من قاعدة الصالون وصوتك اتنبح اهوه روح نام ويصر الحرامي ان يستكمل مهمته في برم السجادة لسرقتها الى ان قال خالو حتنام والا اجيلك فهرب الحرامي قبل ما يجيله وقالتلي واحدة عن حرامي لذيذ دخل الى حجرة نوم صاحب البيت وكان مصمما ان ياخذ الساعة من ايده وهو يحدثه على انه ابنه ويريدها والاب تنازل عن الساعة ثم اكتشف ان ابنه مسافر ايضا صديقتي حكيت لي على جارتها وهي بتسمع صلاة الجمعة في التليفزيون وهي في المطبخ بتحضر الغذاء وهي في دور ارضي...

اعطاني الله مبلغا من المال في وقت ما وقررت ان اقوم به بمشروع لله تعالى وهو تربية ارانب وتوزيعها على الاسر الفقيرة اوكلت المهمة لسيدة كانت تعمل لدي كطاهية وكانت متفتحة الذهن ومثقفة نوعا ما واتفقت معي على ان تقوم بعمل هذا المشروع في منزلها  اشترينا الارانب السلالة كما يطلق عليها للتربية ومهدنا الحجرة التي ستقوم بتربية الارانب فيها وقامت بكل الترتيبات التي تعلمتها من صاحب مزرعة ارانب اعطاها السر كله وكيفية اعطائهم العلاج والوقاية وغيرها  مر شهر والتزمت السيدة بكل التعليمات  في الشهر الذي يليه بدأت تتلاعب معي  تتاخر في المجيئ تدعي التعب والمرض  وبدأت تتحدث عن ان المكان لا يسع المشروع ولماذا لا اقوم بشراء ارض واضع كل الارانب عليها لكي تعيش بطريقة افضل ويكون مشروع كبير  شعرت انها طمعت في هذا المشروع وفي مرة غابت اكثر من عدة ايام فقلت لها اذا كان هذا المشروع بيننا هو ما يجعلك تتعاملين معي بهذه الطريقة فتفرغي للمشروع وانا سابحث عن طاهية اخرى تلتزم بالمواعيد فما كان منها الا ان طلبت مني ان اعفيها من المشروع وان آخذه عندي وهي تعلم تمام العلم ان...

نظرا لان مذكرات شغالتي اعجبت الكثيرين فقررت اقص بعض من الذكريات التي اخلفتها اسم النبي حارسها الشغالة جاءت لي واحدة من الشغالات بعد جهد جهيد لكي تساعدني في اعمال المنزل وكنت ومازلت وساظل اصحوا من النوم بصعوبة وكنت اجتهد لافتح لها الباب ثم ادخل مرة اخرى لاتمتع بدفء الغطاء ولو عشرة دقائق لاجدها تسابقني للسرير كي تأخذ الغطاء وتضعه على الشرفة وتنظر لي قائلة حاهويلك الفرش كانها تخبرني عيب عليكي انا طالعة من بيتنا بقالي ساعة احترمي مشاعري تلك السيدة الجليلة كانت تاتي لي كل عشرة دقائق لتسالني انتي ناديتي علي اجيب بأدب لا محصلش وبعد عشرة دقائق أخرى تاتي مهرولة من المطبخ ناديتيني اجيب بهدوء ما حصلش ثم حين اريدها وانادي علية وهو اسمها يا عليه يا عليااااااااااااااا وارفع من صوتي واصرخ عاااللييييييااااااااااااه ثم اخطو وانا انادي الى ان اصل للمطبخ وانا على بابه عليه عااللييييه ثم اقف بجوارها الى ان اربت على كتفها لتنتفض وهي تن تنظر لي بتعجب فيه حاجة بعد ان اطلب ما اريده اعود وهي خلفي لتسالني بتنادي علي اكيد شفتوها وهي بتجري وانا وراها عايزة اعضها الحمد لله اللي بعدها...

http://today.almasryalyoum.com/search.aspx?Keyword=كوهينور

مش مهم ايه السبب مش مهم مين السبب المهم انه اتقتل المهم ان دمه اتهدر مين اللي داس على الزناد مين اللي دفع الثمن مين زعل مين فرح مين اتكدر كل ده في الآخر كلام في الآخر فيه روح راحت لربها تتحاسب واو يتغفر لها انما اهلها مش حيشوفوه تاني كان مصري كان عسكري كان اخواني البشر نقصوا نفر

وقف زعيم الذئاب في وسط الغابة ينادي  هلموا الي يا معشر الذئاب  التم حوله كل ذئب شلرد او قطيع مارد وقالوا  عايز ايه يا زعيم  قال لهم  انظروا حولكم  نظروا فوجدوا الغابة حولهم  قال  هل هناك ذئب واحد في الغابة ام انكم كلكم في المنتصف  قالوا  لا والله الذئاب كلها هنا  فقال بصوت جهوري  ارايتم لقد نبذتكم الغابة وائتمرت عليكم  انكم محاصرون محاصرون وان لم تدافعوا عن انفسكم الآن ستبيدكم الغابة باكملها  اظهروا مخالبكم واسنانكم ليعلم اهل الغابة كلهم اننا شرسون لا نخاف من احد ولن يقتلنا منهم احد  ظل زعيم الذئاب الليب بطوله يتلوا تعليماته للذئاب و يريهم وضع الدفاع والقتال الى ان بزغ الفجر  قامت الغابة على عواااء متواصل تصدره الذئاب فالتمت حولهم تنظر فهذه اول مرة تتعامل الذئاب مع اهل الغابة بكل تلك العدوانية والشراسة  كلما اقترب احد منهم التفوا حوله وقطعوه باسنانهم ومزقوه بانيابهم ومخالبهم وصاح الزعيم من وسط الذئاب  هكذا الذئاب لا يلتف عليها الحشد وتجبن  ذهب الثعلب الى الاسد المأنتخ اللي ...

اضرب كمان خليني اتوب قالها العبد لجلاده وكلما ازداد عنف الجلاد كلما اطمأن العبد انه يتبع سيد قوي عتيد يحميه من اسواط العالم اجمع ولا يعلم هذا العبد ان الله كتب له الا يجلد الا من هذا الجلاد

يعني ايه الوطن يعني ايه كلمة وطن  يعني ارض كانت ملك لابويا وجدي واجداده ووصلتني  ارض ماتوا عشانها واتهانوا عشان يحافظوا عليها ووصلتني يعني عيلة بتحبني واخوات ساكنين فيها وفي قلبي قبل منها يعني اكلة حبيتها وريحة ورد في موسم ربيع كل حواسي فاكراها وما تنساهاش  يعني هزارة يعني شتيمة يعني رصة صينية في فرن  يعني قمصة من صاحبة عشان ما عزمتهاش على عيد ميلاد يعني شلة فاكراني ولو كنت في بلد تانية  يعني ناس تحبني وما شفتهاش وناس تساعدني وتسيبني قبل ما اعرف اسمها  يعني تاريخ افتخر بيه  يعني تراث في كل حارة ما يتسابش  يعني حتى الزبالة اللي في كل زاوية توريني الكرم والتلقائية  يعني زمارة طويلة لحد مش عارف انها تؤذي مريض  يعني فريق كورة حاسة انه فوق العالم كله بجون يتيم دخله في شبكة في وقت ضايع  يعني ولد في شارع ابتسمت في وشة قام اعتبر ان الدنيا فتحت ابوابها  يعني نصاب فاكرني عبيطة وانا نيتي اديله عشان ثواب  يعني صعيدي بريء ممكن يموت حد شهامة منه لو لقاه بيؤذيني  يعني جاري المسيحي اللي لو حبيته حس ان كل ال...

احنا شعب نميز تمام بين الفرض والسنة فالفرض بالنسبة لنا ما نفعله خوفا من عقاب او طمعا في اجر ولكن السنة في الحياة تعني ما لا نفعله براحة ضمير ولكن نتمنى ان نداوم عليه وننتهي بان نتركه بلا تضرر وبالتالي تجد المتطوع في العمل الخيري يعتبره سنة و التفوق في الكلية سنة والعمل الجيد سنة والباكورة في النهوض والتفاعل سنة ويكون الفرض ان نعمل اتقاء لشر او طمعا في خير ولكن ما عداه سنة