التعلب فات وفي ديله سبع لفات

-
وقف زعيم الذئاب في وسط الغابة ينادي
 هلموا الي يا معشر الذئاب
 التم حوله كل ذئب شلرد او قطيع مارد وقالوا
 عايز ايه يا زعيم
 قال لهم
 انظروا حولكم
 نظروا فوجدوا الغابة حولهم
 قال
 هل هناك ذئب واحد في الغابة ام انكم كلكم في المنتصف
 قالوا
 لا والله الذئاب كلها هنا
 فقال بصوت جهوري
 ارايتم لقد نبذتكم الغابة وائتمرت عليكم
 انكم محاصرون محاصرون وان لم تدافعوا عن انفسكم الآن ستبيدكم الغابة باكملها
 اظهروا مخالبكم واسنانكم ليعلم اهل الغابة كلهم اننا شرسون لا نخاف من احد ولن يقتلنا منهم احد
 ظل زعيم الذئاب الليب بطوله يتلوا تعليماته للذئاب و يريهم وضع الدفاع والقتال الى ان بزغ الفجر
 قامت الغابة على عواااء متواصل تصدره الذئاب فالتمت حولهم تنظر فهذه اول مرة تتعامل الذئاب مع اهل الغابة بكل تلك العدوانية والشراسة
 كلما اقترب احد منهم التفوا حوله وقطعوه باسنانهم ومزقوه بانيابهم ومخالبهم وصاح الزعيم من وسط الذئاب
 هكذا الذئاب لا يلتف عليها الحشد وتجبن
 ذهب الثعلب الى الاسد المأنتخ اللي عايش طول عمره ياكل ده ويقزقز ده
 قال له
 الذئاب تاكلنا وكاننا بلا ملك
 احمي الغابة منهم
 نظر الملك الى الذئاب من بعيد واستمع لشكوى اخل الغابة الكرام ثم قام ينفض عنه تراب الكسل ومشي بعيدا والكل ينتظر
 عاد ومعه صيادون بالبنادق وقال لهم
 اذا قتلتم الذئاب اهديكم من الحيوانات
 فيلا تاخذون نابه
 ثعلبا تسلخونه
 ومن كل فصيلة طفلا تضعونه في حديقة حيوان الاكبر في العالم
 قال زعيم الصيادين
 لا يا باشا لازم تفويض انت عايز الغابة تقلب علينا وما نعرفش نعيش تاني
 وقف الاسد وجمع الغابة وقال
 فوضوني اقتل الذئاب التي تهددكم وتعيشون مرتاحي البال
 هييييه الاسد جه الاسد جه
 صاح الاطفال والضعفاء كل من كان يخاف الذئاب وكل من احب الاسد وكل من احب ان يميل الى جدار القوةء
 هييه الاسد جه الاسد جه وبيكلمنا زي الاصحاب
 نظر الاسد للصياد وقال له
 شوف شغلك يا كابتن
 سمع زعيم الذئاب بان الصياد قادم فوقف في منتصف الذئاب وقال لهم
 ارأيتم كيف استضعفوكم
 انا ذاهب استدعي باقي ذئاب الكون لنقف وقفة ذئبية واحدة واكملوا مشواركم والا شتتوكم وكسروا كل ما تبقى لكم من كرامة وشرف
 لبس الزعيم عباءة الغزال وخرج من الداخل يجري وهو يقول
 الحمد لله انقذني الله من براثنهم
 امسك الصياد مدفع وصوبه الى منتصف الغابة فقتل من قتل واصاب من اصاب
 وعاد فاخذ الفيل واستخدم نابه واصبح يتسلى على اطفال الغابة واحد تلو الآخر بمباركة الملك
 وعاشت الذئاب في تلك الغابة للابد مكروهة
 وذهب قائد الذئاب لغابة اخرى وقابل زعيم ذئابهم وطلب منه دعوة الذئاب كلها الى منتصف الغابة
 تفتكروا الحدوتة خلصت
 لا لان لسة في مجموعة غزلان ونعام وزراف وحمير وحشية وطيور وزواحف قرروا يعتبروا ان الغابة بلا ملك ولسة مش عارفين حتمشي ازي لان ما فيهاش هيكل وظيفي واضح

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد