Rania Bakry Back to Roots (13)

-

 

Rania Bakry


Back to Roots (13)
صمغ النحل او البروبيليس
طبعا كلنا عارفين فوائد العسل و شمع العسل و غذاء ملكات النحل ..لكن صمغ النحل مش مشهور اوى زيهم رغم انه مفيد للغاية. فى بعض الدول العربية بيسموه العكبر. شمع العسل يعتبر مضاد حيوى طبيعى.
صمغ النحل هى مادة صمغية بيستعملها النحل لملئ الشقوق الصغيرة فى الخلية وبالتالى يمنع دخول الميكروبات و الفطريات او لو داخل الخلية لو دخلت اى حشرة بيقوم بتغطيتها بالمادة الصمغية دى..وكمان النحل بيستعمل البروبليس لتقوية الخلية.
البروبليس النحل بيكونه من مواد صمغية من قشور الاشجار مع بعض حبوب اللقاح و الشمع..وبالتالى حماية للخلية.
و علشان كده البروبليس بيكون مضاد للبكتيريا و الفطريات و احيانا الفيروسات و كمان البروبليس بيحترم على مضادات للاكسدة و احماض امينية ومعادن و زيوت عطرية .
البروبليس بيستعمل لعلاج الفطريات فى الفم و فى مشاكل اللثة. بيساعد فى مشاكل الجهاز الهضمى و بيساعد البكتريا النافعة فى الامعاء. فى ابحاث اثبتت انه بيساعد فى علاج الهيربس البسيط و بيساعد على التئام الجروح و كمان بيستعمل للبشرة و الشعر و له فوائد فى علاج سقوط الشعر. بيدخل فى العديد من المستحضرات.
مش هاطول عليكم.
هو ممكن يساعد فى تخفيف من الحساسية لحبوب اللقاح لكن فى بعض الاشخاص ممكن يسبب لهم حساسية.
فى كثير من الدول الغربية مستخلص البروبليس موجود فى الصيدلية المنزلية..اول ما الواحد يشعر بدخول دور برد بياخد ١٠-١٥ نقطة على نصف كوب ماء و يشربهم.
المستخلص ده فى العامة بيكون فى كحول…لكن فيه مستخلصات بتكون خالية من الكحول بتكون فى جليسرين نباتى طبى او ممكن نحطه فى خل و نخففه عند الاستعمال او نضع جزء منه فى العسل و نتناول منه.
صمغ النحل مش بيدوب فى الماء.
الاسبوع اللى واحدة كانت بتبيع ايس كريم بالبروبليس
طبعا استعمال الاعشاب الطبية و الحاجات الاخرى محتاجة ان الواحد يستشير الدكتور قبل ما ياخدها لو عنده امراض اخرى

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الاولويات تقلل من الحوادث بس للي مش معقد من حياته

-
  مشكلة المرور الاكبر هو احترام الاولويات يعني لما تكون في اشارة حمراء يبقى الاولوية للي اشارته خضراء لكن لو مفيش اشارات لازم انت نفسك تكون عارف مين يعدي الاول مش علشان هو احسن منك ولا علشان هو ابن باشا او ظابط ولا علشان انت عينيك مش خضراء وشعرك ناعم ولا علشان شبه محمد صلاح الالولويات بيحددها قانون المرور اللي احنا ناس كتير بتعتبره زيادة الفبريكة وسبوبة للي شغالين في المرور تعالوا نناقش الاولويات 1- الطريق الرئيسي بيكون له اولوية على الطرق الجانبية وبالتالي اللي طالع من الطرق الجانبية لازم يبص كويس قوي قوي امتى يدخل في الشارع الرئيسي (طبعا احنا بنعتبر اننا دايما في طريق رئيسي وان اي ح..ر ما يقفش يبقى لا مؤاخذة برضه ح..ر ) 2- لو احنا في طريقين فرعيين يعني انت شارع صغير في تقاطع والشارع اللي بيقطع اتجاهين يبقى الاولوية اللى على يمينك مش علشان هو ابن ناس وانت وحش ولا علشان هو خاله لواء 3- لو احنا في طريقين فرعيين و لو الطريق المتقاطع معاك اتجاهه شمال يعني بيقطع من على شمالك يبقى انت لك الاولوية مش علشان هو وزنه خفيف ولا علشان عاطل عن الشغل ولا علشان مش من كليات القمة و لكن علشان انت على ي
قراءة المزيد