الناس معادن
والدنيا كلها مواد ربنا خلقها و سعى العلماء في اكتشافها واكتشاف خواصها طوال القرون الماضية
لما نقول ان انت هيدروجين
يبقى اكيد مش على بعضك وبتدور على اكسجين علشان تعمل منه مياه وتولع في ثانية لان عايز تتحد مع الاكسجين بسرعة
ولما نقول ان ذهب يبقى انت مستقر تماما ومش محتاج حد وحاسس بنفسك وبتعتبر ان مصيرك بايدك
ولما نقول انك كالسيوم يبقى انت عضمة ناشفة و يعتمد عليط
ولما نقول ان فوسفور يبقى بتنهي نفسك في ثانية و بتتأثر بكل حاجة حواليك ولما تولع تنور الدنيا وتنطفي بعدها
الهوميوباثي درست الناس ودرست المعادن وقعدت شافت كل واحد مننا لو كان معدن كان بقى ايه
خصوصا ان المعادن مش كلها موجودة بنفسها في الحياة و بالتالي المعادن بتكون املاح ساعات وساعات احماض و شاف الشكل العام للمعدن
طيب استفدنا ايه لما نلاقي نفسنا معدن معين
معناها اننا احيانا بنحتاج دعم لحياتنا علشان نقدر نستمر بقوة وعزيمة
طيب هل لو انا حديد حاشرب حديد
لا انا محتاجة الطاقة بتاعة الحديد علشان تزود السلبي في الطاقة بتاعتي
وازاي احصل على طاقة الحديد
دي هنا بالهوميوباثي بيكون اخذ الحديد او اي من املاحه وقعد يدقه في عامل محايد ساعات و يقلبه ساعات ويخفف ويدق ويخفف ويقلب وده طريقة اساسية لتحضير ترياق الهوميوباثي
لكن حاليا قالوا ده الطاقة تمثل في التردد الطبيعي للمادة وده تردد معروف لكل مادة
طيب ما انا اخذ التردد ده واعمله على هيئة طاقة صوتية
طيب ما احوله الى صفارة
والصفارة دي لو لمست المادة تنقل لها هذا التردد
يبقى ممكن صفارة تسمعها تحسن من صحتك واداءك
الكلام ده حقيقي انا مجرباه على نفسي
باسمع صفارة لتردد زهرة الاجنيشيا باشعر بتحسن في حالتي النفسية واتقبل بعض ما اراه محبط
بعد ما حصل كدة فهمت ليه القرآن نزل مسموع
ليه القرآن مش مكتوب
القرآن فيه طاقة ايجابية في قراءته بتغير فينا من جوه
تعليقات
إرسال تعليق