ما تقولش انا مسير
لما يبقى قدامك طريقين وعليك الاختيار
ما تقولش انا مسير
انت في اللحظة دي عندك الخيار
يبقى قرارك يفرق في مستقبلك
مش بيحدده
بس بيفرق فيه
ساعتها فكر
انهي فيه تعمير اكتر
انهي ميسر لك وسهل وقلبك مفتوح له
انهي يستفاد فيه ناس معاك اكتر
انا ما قلتش انهي اسهل على فكرة
انا باقول ميسر
يعني حتسافر مصر لقيت واحد صاحبك بيقولك انا مسافر دلوقتي ما تيجي معايا
ممكن في السفر العجلة تفرقع بتاعته ويكون مرواحك معاه علشان تقف جنبه
الميسر ده علامة من ربنا انه بيقول لك روح من السكة دي
لكن ساعات بيكون الميسر ده مش اجمل طريق ولا اريح طريق بس مفتوح لك بشكل بيقول لك تعالى
لو قررت تاخده في كل خطوة خلي ربنا جنبك ومعاك
ما تنساش وجوده
الصبح يارب
الظهر يارب
العصر يارب
المغرب يارب
بالليل يارب
و شوف ربنا ساعتها حيعمل معاك ايه
حيخليك ترضى بكل اللي تعاصره وتشوفه
حيخليك مبسوط حتى لو خسران فلوس
ساعات الفلوس دي بتكون فداء صحة او سعادة مع اولادك وحاجات كتير الفلوس بتفديها
توكل على الله
توكل على الحي الذي لا يموت
تعليقات
إرسال تعليق