نلاحظ ان ربنا سبحانه وتعالى لما اتكلم على المؤمنون اول صفة كانت الخشوع والخشوع ده نوع عالي من الايمان
انا اعرف ناس كتير بتصلي ومخها رايح في كل حتة و ده ما يعنيش انهم وحشين بالعكس ده بيحصل مع كل الناس بدليل القصة بتاعة سيدنا علي لما كان بيؤنب واحد لما راح للرسول علشان مش بيعرف يركز في الصلاة و الرسول عليه الصلاة والسلام قال له لو عرفت تصلي بدون ما تفكر في اي حاجة تانية حاعطيك البردة بتاعتي و راح صلى ورجع يضحك وهو بيقول انه طول الصلاة كان بيفكر في انهي بردة منهم حياخدها
الخشوع بقى انك تبقى في حضرة الله سبحانه وتعالى
قلبك يقدر يخليك في حالة من الحب والسعادة بلحظة كاملة مع الله
علشان كدة هي اول صفة للفلاح في الايمان لان ربنا قال افلح المؤمنون
طيب الصفة التانية ودي صعبة بالذات اليومين دول لان الناس كلها عايشة في اللغو
واللغو هو الكلام اللي مش بيجيب فايدة زي تقريبا ثلاث ارباع البرامج الحوارية اللي في التليفزيون
خلوا بالكم فيه فرق بين اللهو واللغو لان على الاقل اللهو انت بتطلع منه مبسوط
والتالتة هي الزكاة او حق المجتمع عليك
يعني علشان تبقى مؤمن مظبوط و تنجح لازم اولا تكون بتحب ربنا ولما تقابله في صلاة تكون خاشع بكل جوارحك او حاول انك تعمل كدة
ثانيا انك تبعد عن التفاهات والحاجات اللي مالهاش فايدة في الكلام الكتير و التهييس
ثالثا انك تعمل الواجب عليك للمجتمع اللي معاك و اهمها الزكاة طبعا
اعوذ بالله من الشيطان الرجيم
بسم الله الرحمن الرحيم
تعليقات
إرسال تعليق