مش الشباب بس زود عليه حبة
لو شباب اليومين دول بيقولك حضرنا ثورة وحرب و شعورهم بالمعاناة لازم يزودوا عليهم حروب تمت على ارض الوطن و معاناة اقتصادية ايام الحروب وبعدها علشان يعرفوا جيل اباءهم وامهاتهم عاصروا ايه زيادة
علامة الاذن التيسير
انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
تعليقات
إرسال تعليق