البيت الكبير

لو انت في الغربة بتحاول تعمل لنفسك بيت حلو وعملت البيت ونزلت ولقيت ان المكان اللي انت فيه بقى زحمة جدا وشعبي جدا وانت نفسك تعيش في هدوء او على الاقل تتباهى بالفلوس اللي تعبت فيها في الغربة
ساعتها بتدور على البيت التاني اللي حتنقل فيه
البيت اللي لازم تشتغل له هو البيت الاصلي اللي حيعجبك ولا عمرك حتضايق منه وحيبقى عندك الخدم والحشم والكل تحت امرك وحتبقى فرحان فيه لانه بيسموه الوضع النهائي وخصوصا ان ما فيهوش جيران سمجة تضايقك ولا حد يتباهى عليك ويبوظه قدام عينيك
البيت ده هو البيت اللي عند ربنا هنااااااك
حتشتغل على بيوت الدنيا مش حيقضيك عمرك ولا عمر جنب عمرك علشان تبقى في حتة تقول ليس في الامكان ابدع مما كان لان دايما حتلاقي الابدع والاحسن والاغلى واللي يخليك حاسس ان ناقصك حاجة
لو اشتغلت على البيت الكبير اللي عند ربنا ده يا سلام عمرك ما حتزعل لما توصل له.
من كام شهر قريت بوست استفزني جدا .
بيتكلم واحد ان العجمي بعد ما كانت الاصل بقت شعبية وبعديها مارينا وبعديها هايسيندا وهلم جرا
وبيقول حنروح فين يعني
اللي بيتكلم ده عايز يتحط في فقاعة مع نفسه هو واللي حاسس انهم في مستواه بعيد عن عامة الشعب وغيره وغيره زي ما يكون ربنا خلقه لنفسه يستمتع وخلاص وهو لو عمل للبيت الكبير اكيد حيستمتع لكن لسة شويتين على ما يوصل له وياريت يوصل له