الدعاء لمن

قُلِ ادْعُواْ اللَّهَ أَوِ ادْعُواْ الرَّحْمَنَ أَيًّا مَّا تَدْعُواْ فَلَهُ الأَسْمَاء الْحُسْنَى وَلاَ تَجْهَرْ بِصَلاتِكَ وَلاَ تُخَافِتْ بِهَا وَابْتَغِ بَيْنَ ذَلِكَ سَبِيلاً
.
والله انا حسيت من الاية دي غير ان الصلاة ما تكونش بصوت عالي او بصمت ان ربنا عايزنا نحترم صلاتنا مش نحط المايكروفون والامام يخلي الناس مش بس جوة الجامع ولكن في المنطقة اللي حواليهم كلها سامعة كل حاجة بيقولها على بعد مئات الامتار
المفروض ان الصوت يكون داخل المسجد
فيه حاجة كمان
هنا ربنا بيقول ادعوا الله او ادعوا الرحمن اشمعنى الاسمين دول
باحس ان الله هو الاسم الجامع لكل صفات الله مفيهوش واحد عن التاني
والرحمن هو الاسم اللي يخص الله لانه اشتق اسمه من الرحم
والرحم كلمة اكبر من الكون
انا باحس ان الكون نفسه رحم
ربنا خلقه كله لنا وكان بيهيئة علشان يستقبلنا
خلق مخير يختار الله طواعية ويعبده ويحبه ويسلم له دون ان يراه
حتى الارض كانت بتستعد لنا بكل اللي اتخلقوا فيها بما فيهم الديناصورات اللي بقت بترول بعد كدة هي والغابات الكتيرة وغيرها
باحس ان التطور الطبيعي اللي وصل الارض انها تستقبلنا هي اللي خلت واحد زي داروين فاكر اننا كنا قرود وتطورنا رغم ان نظريات الدي ان ايه DNA الحديثة اثبتت انه فيه اختلاف البصمة بين الانسان والحيوان لكن نلاقي ان تطور الحيوانات الى وصولها الى انها تستقبل المخلوق المكرم الماشي على قدميه مرفوع الرأس صاحب العقل واولي اللب واصبح رحم حواء يقود الى رحم نسلها الى ان يصل الى رحم كل امرأة انجبت للكون فردا مكرم مرفوع الرأس
وربنا بيقولنا ادعولي باي اسم من اسماءي اللي انا نزلتها وهي الاسماء الحسنى
الحسنى
شوفوا جمال انها يطلق عليها الحسنى
افضل من حسن اللي هو من برة ومن جوة