الدستور فين يا مصريين
عيب المصري انه ملك النقد ولا يملك ادوات البناء الكافية
بم يعلمه المعلم ان يفكر في المدرسة بل تعلم ان يقرا و يكتب ما قرا وبالتالي فيقرأ الشعب المصري المقال من دول وهاتك يا زعيق
ده غلط وما ينفعش ويكلم جاره او زميلة في الشغل والتاني تركبه الحماسة وفي التاكسي يكلم السواق عن المقال اللي ما قراهوش انما سمع من زميله
وسواق التاكسي ما يكدبش خبر كل ما واحد يركب لازم يسخنه على الموضوع اللي في المقال اللي سمعه من واحد سمعه من واحد قراه
وكل واحد من اللي ركبوا التاكسي ياخدوا الموضوع بعلاته مع فكرة القارئ مع فكرة المستمع مع فكر اللي بيحكي والتويتر يتملي كلام عن الموضوع اللي كان اتكتب وواحد قراه وقاله لواحد سمعه قاله لواحد ردده
الموضوع ده بيتكرر كتير كتير كتير لكن كان في الفنانين والسياسيين ودلوقتي بقى في الدستور والانتخابات والفلوس اللي برة وكله عايز ينام ويقوم يلاقي مصر فل الفل
ازاي ومصر دي زي بابور الزلط علشان تتحرك ولا الف واحد يزقوا
مين اللي بيزق اللي ماسكين الحكم ياعيني عليهم ومين اللي بيتفرج الثمانين مليون وعليهم كام عيل بيرضع
لازم نبطل ننقد من غير ما نفهم علشان بابور الزلط يتحرك
البابور مش حيتحرك من غير ما الدستور يجهز والريس ينتخب والانتاج ينتظم
ارجوكم قرروا بس بعد ما تقروا بنفسكم وتسمعوا وتحكموا
وعلي انا الدستور مهم ولكن امتى مش مهم
ياللا ايدك معايا عايزين نزق
تعليقات
إرسال تعليق