25 يناير
عشت ايام سودا على الرغم من انها اسعد ايامي
يعني حضرت مظاهرات في ليبيا وانا في ثانوي وهتفنا ورجعنا
حضرت التدريب في الهلال الاحمر وقت الحرب 73
كنت كل يوم اتمنى اكون راجل علشان اخش الجيش و احارب العدو
ولما الفرصة تجيني علشان اقدر اشارك في حرب تنقذ بلدي من القيود المهولة اللي اتبنت حوالينا ما رحتش
المظاهرات حوالي وجوزي مسافر واولادي امانه في عنقي
اسيبهم واروح المظاهرة
طب اروح المظاهرة ورجلي توجعني من الروماتيزم واقع منهم من المجهود بس ابقى اسمي معاهم
الحل اني اقعد كل يوم قدام التليفزيون اتفرج وكاني جوه الشاشة لغاية لما كل الناس في العالم تنام وتقوم
الحل اني اقعد قدام الشاشة بالذات لما الانترنت اتقطعت
الحب اني اسبح ربنا واطلب منه يحميهم من امن الدولة ومن الدولة ومن انفسهم
في اول فبراير قلتلهم
انا من جيل يوافق على انصاف الحلول وممكن ارضى ان حسني يغير الوزارة ولكن بعد ما جددتوا شبابي فانا مش حاقبل غير انه يمشي
كل سنة وانتم طيبين وخلينا وراكم علشان انتم سبقتونا
تعليقات
إرسال تعليق