اعتذر للشباب
اللي قاهرني اني ما كرهتوش
كنت باضحك عليه وعلى سذاجته
كنت باقول ازاي واحد زيه يبقى ريس
كنت عارفة ان حوالية منتفعين
لكن عمره ما خلاني اكرهه
عمره ما كان جريء في تصريحاته
عمره ما كان بيحاول يستفزني
اتاريه مش عبيط ولكن بيستعبط
اتاريه عارف ان انا وحش صامت ومش عايز يستفزني
واللي غايظني اني ما اكتشفتش ده لوحدي
سبته توحش وابنه توحش وانا قاعدة مع جيلي بنتفرج على التليفزيون و اعصابنا تنهار
عمرنا ما كنا حنرفع السلاح على بعض
عمرنا ما كنا حنقتل واحد مصري بدم بارد
لكن هو عملها بايدين البوليس بتاعه وخلا الوحش يقوم
ابنه معذور ما شافش مصر بالشكل ده وعمره ما قرأ تاريخها
انا اسفة يا شباب مصر انا وجيلي سبناكم لغاية لما عرفتوها لوحدكم ومشتوه
عفارم عليكم
تعليقات
إرسال تعليق