كارت احمر للشيوخ

-
تحيا مصر التي في خاطري وفي فمي
فانا احبها من كل روحي و دمي
انظر الآن الى الاخبار المتداولة بين الشباب فاجد استقالة يحيى الجمل من الاخبار الاكثر انتشارا
وارجع للوراء عدة شهور لاجد ان آخر ما يمكن ان يثير شعرة في راس اي شاب هو استقالة نائب رئيس مجلس الوزراء خاصة وان كلمة نائب لم تكن دارجة في السياسة المصرية
انا احب الثورة التي اعطت شهادة للشباب بانه مثقف واعطت الشيوخ الكارت الاحمر واعطت ليحيى الجمل كارت اصفر

تعليقات

  1. غير معرف23 يونيو 2011 في 4:52 م

    يتهيألى ان السبب فى عدم وصول الثورة لمواقع التغيير هو إن اللى عملوها مش هما اللى بيحكموا,يعنى الشباب و مش بس الشباب اللى انضم ليهم و عنده رغبة حقيقية فى التغيير مش فى التطوير و لا الاصلاح المحدود و لاالترقيع زى اللى بيحصل دلوقت...احنا مش حاسين بتغيير احنا حاسين بإصلاح بس احنا عايزين تغيير و تغيير جذرى..و المشكلة كمان ان الكلام ده لو جه من الشباب..فالحيلة الدفاعية جاهزة عند العواجيز..إنتو متربيتوش متعلمتوش تحترموا الكبير..انتو كل اللى بتعرفوه الثورة و المعارضة لكن ماعندكوش خبرة التغيير اللى بتتكلموا عليه..انتو عايزين تغطوا على غيركم بصوتكم العالى..مش دى الطريقة اللى تتكلم بيها مع اللى اكبر منك!!
    لكن لو الكلام جالهم من ناس كبار زيهم...أعتقد الرد مش حيبقى كده

    ردحذف
  2. cocca hanem24 يونيو 2011 في 4:48 م

    واضح انك شاب ومن حقك تحبط لان العجلة مش ماشية زي مانت عايز ولكن لحكمة شيوخ مصر خلوا الثورة المصرية مثلا يحتذي في الشعوب كلها وهي الثورة اللي بتحقق كل هدفها بدون اندفاع الثوار
    انا معاك و عايزة انام و اقوم الاقي الدنيا مفيهاش الناس الخونة اللي حطتنا في المكان اللي مش ولا بد ولكن لو قدرنا نوصل للي عايزينه من غير الاندفاع يبقى اكتر من كويس

    ردحذف
  3. cocca hanem22 سبتمبر 2011 في 11:10 ص

    انا غلطانة مفيش حكمة للشيوخ دي اسمها خباثة ولبسونا في الحيطة منهم لله

    ردحذف

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد