آخر واحدة تتفسح معاها

من الطبيعي لما تكون في مطعم والمياه تنسكب على الترابيزة ان الطفل اللي سكبها ولو البيبسي وقع يبقى الاطفال وهي دي مشكلتي لما اخرج مع احد الاطفال وبالأخص ابنة أختي التي ولدت على يدي وكنت اول من رآها قبل أمها وأهلها كلهم بنت أختي فتاة رقيقة محافظة ولاني مش أمها فتربيتها كانت مثالية مفيش كذب مفيش تمثيل مفيش حركات ولذلك كدنا نخسر بعض في كذا موقف مرة لما كنت في ويمبي لمن لم يحضره فهو مثل ماك دونالد ولكن مع فارق الخدمة كنت كعادتي من كثرة الحركة وبدون ان اشعر ضربت كوب البيبسي واندلقت على الترابيزة وبدون ان تهتز لي شعرة ناديت على الجارسون وبثقة شديدة قلت له لو سمحت تمسح البيبسي لان البنت دلقته وانا انظر الى بنت أختي أكملت الجملة ورفضت ان انظر اليها حتى لا اضحك وبعد ان تركنا ليجلب فوطة نظرت اليها وعلى وجهها علامة ذهول وعيون مستديرة وفم مفتوح قعدت اضحك فيها لغاية لما جاء الجارسون وهي توضح له ان البيبسي المسكوب بتاعتي انا مش بتاعتها هي والمرة الثانية بعديها بعدة سنوات ونفس الحادث وكانت اكبر سنا ومعي أولادي وهي وجلسنا في نفس الترابيزة ونفس الحادث ونفس التعليق لو سمحت تمسح البيبسي اللي الأولاد وقعوه نفس العيون بس معاها أولادي كمان وهم بيقولوا للجارسون وبصوت عالي ده هي اللي وقعته وانا ماسكة الضحك وأبصر له بطريقة كأنهم بيداروا بعديها لا يمكن ان بنت أختي تقعد معايا على نفس الترابيزة اول ما نخرج سوا تدخل المطعم وتبعد قدر الإمكان وقد تاخد ترابية لوحدها ألذ ما حصل بعد كدة أني حكيت الموضوع لزملائي ومرؤوسي في العمل واضحكهم أني ماليش أمان وفي اجتماع لقسم الحاسب الآلي اللي كنت رئيسته في معهد تدريب المواني طلبت قهوة وحطيتها جنبي وقعدت أتكلم وبعدين هوبا كبيت الفنجان وفي ثانية ناديت على الفراش وقلتله من فضلك تمسح القهوة اللي وقعها الباشمهندس سكت المهندس وابتسمت عليه نفس الدهشة وانا اضحك على موقفه ودهشته وقال لي انا سمعت الحكاية لكن لم أتخيل أبدا انها ستطبق علي في يوم من الايام محدش يزعل مني لو عملتها فيه انا حذرتكم