مش لازم تستأذن

-
ابنتي مؤدبة جدا ودايما تستأذن وعلمتها الادب من اول يوم عرفت تتكلم فيه
لازم لو سمحتي
من فضلك
اطلبي بادب وهي تصدق كل كمة قال وبالتالي اصبحت في منتهي الادب وتمتثل للقواعد المعمول بها واستمرت الى ان اصبحت في المدرسة وهي تسأل قبل دخول الحمام وقد تسأل ايضا عن نوع ما ستفعله في الحمام وعلى الرغم من اني اقنعتها ان البيت بيتها وانه يمكنها ان تدخل الحمام وقت ما تحب وتعمل اللي هي عايزاه انما مين احنا لازم نستأذن
وفي مرة قلت اعاكسها وقالت عايزة اعمل تواليت
قلتلها لأ طبعا
راحت معيطة
قلتلها يا بنتي انا مش قافلاه بالمفتاح
روحي
ومن ضمن القواعد المهمة ايضا ان لما تصلي اقولها حرما تقولي جمعا
ولو صلت من غير ما اقولها حرما تقريبا تشعر ان الصلاة مش نافعة او مش حتتقبل وبالتالي لو صلت قدامي اقولها حرما ترد وتقول جمعا
وفي مرة كان معايا ناس اصحابي وسمعتها من فوق لاننا كنا في فيلا في سلطنة  عمان وسمعتها بتقول هه هااااااااااه هاااااااااااه
قلتلها هااا ايه
انا مش فاهمة
تقول لي هاااااا هاااا
رحتلها وسبت اصحابي وقلتلها هااا ايه
قالتلي انا صليت وانتي ما قلتيش حرما
قلتلها وانا اشعرفني انك صليتي
واتفقت معاها انها لما تصلي تقول لي جمعا فانا اعرف واقول حرما
وفي الآخر ريحتها وريحت نفسي وقلتلها
على فكرة البنات لما بتكبر مش بتسمع كلام مامتها قوي
وبطلت تسألني قبل الحمام وبطلت تقول حرما وبطلت تسمع كلامي من اصله
واضح انها بتسمع الكلام بحذافيره

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد