ازرع توتة واسمع زغروطة
مضان جاي يا رجالة
فيه حاجة كل رمضان بنعملها
بنزرع شجر في العشر ليالي الاخيرة
طب ليه
لان في ليلة منهم حتكون باذن الله ليلة القدر
طب وماله
لا دي ثواب ليلة القدر يساوي الف شهر
يعني لو زرعت شجرة في ليلة القدر كاني بازرع شجر لمدة اكتر من ثمانين سنة
طب وانا ايش عرفني ليلة القدر امتى
ما هو احنا حنزرع كل ليلة بعد الافطار شجر قوم بقى ليلة منهم تبقى ليلة القدر قوم ناخد ثواب الليلة
كل يوم نزرع
ايوة كل يوم نزرع بعد الافطار
يعني في الليلة ذات نفسها
اللي حابب يجي يزرع يامرحب
فريق العمل بيزرع لنا كل ليلة
طب السنة دي كمان حنعمل ايه
حنزرع سيادتك غيط توت في قرية عبد الصادق اللي عملنا لها تنمية خلال السنة اللي فاتت
غيط يعني ايه
يعني كذا الف شجرة
ودول بيطلعوا توت
ويعملوا ورق تاكله دودة القز تطلع لنا حرير
والورق اللي يفضل فيه ناس عايزة تشتريه مننا مجفف
يعني كل الخير
وبكدة يبقى
انت زرعت ثمانين سنة شجر
الناس اكلت توت وباعت توت وكسبي
والاسر اشتغلت في صناعة الحرير
وانا زغرطت من الفرحة
لولولول لي ي ي ي ي
زغروطة بديل كبير
تعليقات
إرسال تعليق