ماذا نفعل في الفتن (1)

 الفتن اللي بتقابلنا في حياتنا كتير وحاليا احنا فعلا في عصر مليء بالفتن واولادنا واحفادنا ربنا يعينهم عليها

في سورة الكهف ربنا بيورينا تصرفات ناس عملت ايه في وقت الفتن وربنا ساعدها ازاي

اولا لما فيه اولاد في سن الشباب والمراهقة وجدوا ان المجتمع مش مؤمن بالله ولقوا قومهم اتخذوا الهة غير الله هربوا بدينهم في مجتمع بسيط صغير وقالوا ان ربنا حيرفق بيهم و دي واضحة جدا في الاية دي

اعوذ بالله من الشيطان الرجيم

وَإِذِ اعْتَزَلْتُمُوهُمْ وَمَا يَعْبُدُونَ إِلاَّ اللَّهَ فَأْوُوا إِلَى الْكَهْفِ يَنشُرْ لَكُمْ رَبُّكُم مِّن رَّحْمَتِه ويُهَيِّئْ لَكُم مِّنْ أَمْرِكُم مِّرْفَقًا

صدق الله العظيم

ربنا حينشر لكم من رحمته وهيهيء لكم من امركم مرفقا والرفق هنا بيوجد المرافق اللي الانسان بيعيش محتاجها زي المياه و الصرف وغيرها من وسائل الحياة اللي بتتميز بالرفق

وفعلا على الرغم من انهم ناموا ثلاثمائة سنين وازدادوا تسعة لما تتحسب بالقمرية السنة اقل وبالتالي ال 300 حتبقى اكتر

لكن مش كل اللي بيكون مجموعة و يبعد عن الفتن حينام

حاليا الشباب بتروح الوادي الجديد وتعمل مشروع تنموي جميل ويكبر وهي بعيدة عن فتن المدن وحالها اللي عمال يزيد في المفاسد

وهنا انهى الحتة دي بانه طلب مننا نصبر نفسنا مع الناس كويسة وبلاش نختلط كتير بناس ناسية ربنا في الاية

اعوذ بالله من الشيطان الرجيم

وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا

صدق الله العظيم

يعني في الدنيا حاول تخليك مع الناس اللي عايزة وجه الله ودول مش كتير قوي حوالينا

معظم الناس يقولك مصلحتي اولا و بيبرر الموضوع ده لان الحياة صعبة وان اللي عنده مش مكفيه لانه ما جربش بالفعل ان يبقى باصص دائما لوجه الله

الفتنة التانية في البوست التاني لانكم حتسرحوا مني

#زمن_الفتن_خلوا_بالكم