احزاب اخر زمن

-
الاحزاب ايام الريس (لما كان جمال عبد الناصر) كان مفيش غير الاتحاد الاشتراكي والناس كلها انضمت وكان اعضاء الاتحاد يتجسسوا على كل الناس قانون الغدر اديله حبس عمال على بطال وده ضد النظام وده حيقلب النظام وكلمة النظام اللي مش ممكن تيجي جنبها تسجن اجدع شنب حتى القضاة
وبعد نكسة 67 ووكسة الريس اللي كنا بنسمع اغاني ناقص تخليه رب الكل اتكسر يا عيني ومات بحسرته
جاء السادات وبقى هو الريس وبعد ما كسب الحرب وشعر بقوته بدا يغير في سياسة البلد  والاحزاب تبعه ما احنا لازم نبقى دلاديل والخوف ما راحش والافتراء زي ما هو واللي في منصب من بتوع الدولة تبقى الدولة في جيبه والحزب اللي كان ريسه هو اللي مشي والباقي مات علشان احنا تبع الريس
مات الريس وجاء الريس وكنا فاكرينه مش حيكمل لاننا كلنا ما حسيناش بالرهبة بتاعة الرؤساء اللي قبله يعني لا خطابات قوية ولا مواقف تحترمها والناس كلها في الآخر رمت طوبته وقلنا استقرار
بس الاستقرار ياعم مش معناها الموت او الاستقرار على الارض
وجاءت الثورة وطمع كام واحد انه يبقى الريس
الريس المجلس لا الريس هو رئيس المجلس الريس هو الطنطاوي لا عنان لا شهين لا عتمان
مع ان الثورة قالت الريس هو الشعب
وكل ما تطول المدة كل ما الناس حتنافق الريس واكم من ريس عندنا
وبدأت الاحزاب
تان تاااااااااان
موسيقى تصويرية
احزاب كتييييييرة وصغيرة والكل اتحمس وقال انا اهو ملك لبلدي وعايز اكون في المجلس عشان المجلس اللي فات كان قاعدة عربي على شلت
الاحزاب دي عاملة زي سكاشن الكلية بس من غير منهج
انت معانا في الحزب ايوة خذ الملزمة ذاكرها
الامتحان امتى
في الانتخابات
والانتخابات امتى
اسكت وذاكر
وتقعد تذاكر تلاقي الانتخابات جت والاحزاب راحت فردي والفردي دخل الاحزاب واللي الاحزاب منزلاه مش من الاحزاب واللي في الحزب نازل فردي والاحزاب تتخانق وتتفق وتنكش شعر بعض وتسرح لبعض
والريس اقصد العشرين ريس هاتك يا ضحك
هو ده اللي احنا عايزينه
اتمنى من ربنا ان الانتخابات تجيب ناس لها رؤية وبتحب بلدها يارب
اموت وانا مرتاحه وقلبي وربي يرضى عنك يابن بلدي
يارب بحق اليوم المفترج اللي فديت بيه خلقك تفدي ثورتنا الجميلة وترجعلنا بلدنا تبقى بتاعتنا مش بتاعة اي ريس
امين يا رب العالمين

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد