انتج واكسب بشرف وكرامة

-
بدات المشروع من سنين فاتت بعد ما اخذت فكرة الانتاج من زوج اختي واتعلمت منه الموزاييك وقلت مفيش احسن من تكسير السيراميك لاولاد الشوارع يكسروا البلاط علشان يكسروا الحزن اللي جواهم والظلم اللي اتعرضوله
وفعلا في اسبوع واحد عملولي اكتر من عشر لوحات بكسر السيراميك وكانت مفاجأة
اتطور المشروع من لوحات ساذجة جميلة قام بيها الاولاد في سن 7 سنوات الى مشروع احترافي مهني يقوم بيه برضه اولاد الشوارع المقيمين في المؤسسات ويعملوا لوحات غاية في الجمال ويتصارع الاولاد في دخول ورشة الموزايك للحصول على ابتسامة عريضة من القائمين على المشروع
انا فخورة بكل طفل عمل في هذا المشروع وانتج شكلا جميلا لن تصدق ان هذا الطفل المتشرد المنسي والذي يخاف الناس من ان يقترب منهم ، لن تصدق وانت ترى اللوحات ذات الالوان المبهجة والتناسق الجميل وهي تزين حوائط المؤسسة ويبتسم الطفل بفخر وهو يعلقها على الجدران
المعرض الرابع لاولاد المؤسسات في ارض الوحدة الاجتماعية بطريق مطار النزهة بالاسكندرية
يجب ان تساعدونا في تشجيع هؤلاء الاولاد بالحضور



































شكرا مقدما 

تعليقات

  1. demosforever25 ديسمبر 2011 في 6:29 م

    بارك الله فيكم وزادكم قدرة على العمل والانتاج وأثابكم جنات تجرى من تحتها الانهار

    ردحذف
  2. noha25 ديسمبر 2011 في 6:37 م

    تحفة بجد... ربنا يباااارك فيكم ياااا رب.... أنا عارفة إننا اللي جنجيب حقهم و نردلهم كرامتهم و حقوقهم لإن ربنا عز و جل معانا ... و عارف اننا عاوزين الخير لكل مصر,,,, مصر الخراب و الدماااار.... كل المصريين حيحبوا بعض غصب عن اللي مش عاجبه... اسمحولنا بنقل التجربة لمحافظة تانية ... و شكرااا

    ردحذف
  3. مها25 ديسمبر 2011 في 6:39 م

    برافوا حلوين جدا بارك الله فيكم ويارب دايماً افكار جديده ودايماً فى الخير ... والمكسب كمان

    ردحذف
  4. esraa25 ديسمبر 2011 في 6:49 م

    ماشاء الله بجد شغل هايل ربنا يوافقوا

    ردحذف

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد