طفلة للابد

سورة الرعد شايفاها سورة المعجزات ياسلام . وَهُوَ الَّذِي مَدَّ الأَرْضَ وَجَعَلَ فِيهَا رَوَاسِيَ وَأَنْهَارًا وَمِن كُلِّ الثَّمَرَاتِ جَعَلَ فِيهَا زَوْجَيْنِ اثْنَيْنِ يُغْشِي اللَّيْلَ النَّهَارَ إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ . ايات كتيرة بيتكلم عن خلق ومعجزاته اللي قدامنا واحنا مش حاسين بيها او مش بنفكر فيها اتكلم الاول عن الشمس والقمر وانهم بيجروا في الكون لمستقر لهم النظريات قالت الكون بيتمدد وان كل الاجرام بتجري فيه ويوم القيامة ربنا حيطوي الكون زي ما فرده في الاول كنت كتبت بوست عن طي الكون وان شاء الله لما تيجي الاية حارجع اكتب عنه السورة بتاخدنا في ايات كتيرة الاية اللي فاتت كانت بتتكلم عن رفع السماء بدون عمد يعني احنا بمخنا القاصر ما نتخيلش ان حاجة تقف من غير ما تتسند طيب السموات دي فيه منها في الارض يعني سماء الارض دي سبع طبقات ولما نقرأ عن فوائد الطبقات نلاقي انها بتحمي من الضوء الضار ومن الاجرام اللي بتدخل الارض بتتحرق وهي نازلة وغيرها انا ما اعرفش كل الفوائد لكن بالفعل ربنا حطها طبقة وراء طبقة ولا واحدة منهم عايزة اللي يسندها...

وَإِن تَعْجَبْ فَعَجَبٌ قَوْلُهُمْ أَئِذَا كُنَّا تُرَابًا أَئِنَّا لَفِي خَلْقٍ جَدِيدٍ أُوْلَئِكَ الَّذِينَ كَفَرُواْ بِرَبِّهِمْ وَأُولَئِكَ الأَغْلالُ فِي أَعْنَاقِهِمْ وَأُولَئِكَ أَصْحَابُ النَّارِ هُمْ فِيهَا خَالِدُونَ . . معجزة اعادة الخلق وان الكفر باعادة الخلق ويوم القيامة فيه عذاب كبير

اللَّهُ يَعْلَمُ مَا تَحْمِلُ كُلُّ أُنثَى وَمَا تَغِيضُ الأَرْحَامُ وَمَا تَزْدَادُ وَكُلُّ شَيْءٍ عِندَهُ بِمِقْدَارٍ . . ايه كمان والاية الاكبر هي المقدار كل شيء عنده بمقدار ياااه انتم عارفين اللي كنت باقوله لو عايز تنقل حاجة من مكان لمكان تحتاج قد ايه مثلا للنقل تحديد المقدار المناسب ده علم كبير يعني نسبة الستات للرجالة بمقدار نسبة الاكسجين في الهواء بمقدار نسبة الاكسجين في الدم  بمقدار مقدار كل شيء عنده يااااه الله اكبر في الهندسة كل شيء لازم نحسبه ونحسب العوامل بتاعته وتأثيراته  لا يمكن ان يحسب كل المقدار الا الله الواحد  يعني ازاي  مخي يضرب بس لما افكر ازاي تتعمل  يارب اعبدك واحبك واشعر بعظمتك 

يامرايتي يا مرايتي مين اجمل واحدة في الدنيا دي اللي قالته الملكة ولما المراية قالتلها سنو وايت و بياض الثلج قررت قتلها فيه ناس مش بتشوف نفسها في المراية لكن بتشوف المراية تقول لها ايه فيه كتير من الناس بتستنى تشوف الناس تقول لها ايه عن نفسها وتعتمد على الكلام ده في انها تشوف نفسها اعرف بنت صغيرة المدرسة كانت بتتكلم عن التميز في الشكل واشارت الى حجم انف الفتاة انها تتميز بانف كبيرة والله اعلم ان انفها جميل ومتناسق مع وجهها وان تلك الفتاة كانت جميلة ولكن هذا الوصف حول في حي اة الطفلة وافقدها الكثير من الثقة في النفس . ياريت نشوف نفسنا في المراية زي ما ربنا خلقنا نشوف انسان جميل سجد له الملائكة وغضب الله على ابليس لانه لم يسجد له نشوف خلق الله الجميل اللي مهما شعرنا ان فيه عيوب لكنها مش عيوب ده تميز نشوف قلبنا قبل وجهنا مفيش داعي تعتمد على رؤية الناس لك علشان تعرف انت مين لازم تعتمد على رؤيتك ولو شفت حاجة مش عاجباك حليها باخلاقك وعطفك وحنيتك

كل شعرة بيضاء على رأس بشر تتويج لخبرة مرت به وحياة ذاقها بحلوها ومرها الحياة لو لم يكن بها المر لما استطعمت حلوها مرحبا بالشيب ده مش انا طبعا دي حتة كده على الصبح للناس العواجيز اللي مش زيي

النهاردة حاتكلم في السعي في سبيل الله الناس بتفتكر ان السعي في سبيل الله لازم يكون يا اما عمل خير لناس او حاجة الغي فيها نفسي ولكن الحقيقة ان العمل هو سعي ولو انت الصبح كدة نويت انك تسعى لله تعالى يعني كانك بتشتغل عند ربنا ورسوله وان ربنا حيستلم منك الشغل تفتكر ساعتها انك حتشتغل شوية وتأنتخ شوية والا حتقول شايف يارب انا باعمل ايه شايف يارسول الله انا جدع ازاي تفتكر انك ساعتها حتمسك التليفون تبص على الماسنجر تضحك وتفتكر انها دقيقة تلاقي نصف ساعة عدت وانت سايب الشغل ممكن طبعا تعمل كدة كل ساعتين لمدة عشر دقائق كنوع من الراحة ولكن فيه ناس بتسيب شغلها وتنسى نفسها جدد نيتك انك بتعمل عند الله كل يوم وانك بتسعى لما امره الله لك حتلاقي المرتب فيه بركة غريبة والوقت بيعدي وانت مبسوط لانك بترضي ربنا بمعدل يومي كل يوم بتجاهد في سبيل الله على فكرة الفلوس مش بتيجي بالسعي ده الفلوس محسوبالك من يوم ما اتولدت وجايالك ايا كانت الوسيلة تخيل بقى لما تجيلك وانت شاطر وعامل الواجب طعمها احلى طبعا كل يوم جدد نيتك حتفرح والله وحتقول كوهينور قالت

من يومين اتكلمت عن الدعاء ان الانسان يحذر مما يدعوا به هنا سيدنا يوسف كان في اختبار سيء تاني يعني مرة اخواته تأمروا عليه ومرة الست اللي اتربى في بيتها وجوزها قال لها ده زي ابننا بتتآمر عليه وتتعامل معاه بشهوة هو مش متخيلها بدل ما يطلب من ربنا يساعده في التغلب على الموضوع قال السجن احب اعتقد انه حب العزلة او شعر انه لما كان في البير كان حاسس ان ربنا معاه اكتر اعتقد انه شعر بكيد الناس وسوء تعاملهم معاه وشعر ان السجن ده مكان يبعده عن الناس . فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ إِنَّهُ هُوَ السَّمِيعُ الْعَلِيمُ . ربنا صرف عنه كيدهم لكن هو طلب السجن . ثُمَّ بَدَا لَهُم مِّن بَعْدِ مَا رَأَوُاْ الآيَاتِ لَيَسْجُنُنَّهُ حَتَّى حِينٍ . والسجن جاله

في تفسير الطبري قال ان سيدنا يوسف غلط ثلاث مرات وفي كل مرة اخذ العقاب في ساعتها . عن عكرمة , عن ابن عباس: (ليسجننه حتى حين) ، عثر يوسف عليه السلام ثلاثَ عثرات: حين همَّ بها فسجن. وحين قال: اذْكُرْنِي عِنْدَ رَبِّكَ ، فلبث في السجن بضع سنين، وأنساه الشيطان ذكر ربه. وقال لهم: إِنَّكُمْ لَسَارِقُونَ ، فقالوا: إِنْ يَسْرِقْ فَقَدْ سَرَقَ أَخٌ لَهُ مِنْ قَبْلُ وان السجن عقاب لانه ضعف وكان حيهم بها المهم انه اتسجن رغم انه بريء وبرأوه ولكن الاية بتقول . ثُمَّ بَدَا لَهُم مِّن بَعْدِ مَا رَأَوُاْ الآيَاتِ لَيَسْجُنُنَّهُ حَتَّى حِينٍ . بدا لهم وفي الطبري بيقول عدة اراء منها ان حد شاف كدة وقال يسجنوه وانهم هم قالوا يسجنوه علشان ما يتكلمش وكلام كتير عن ليه اتسجن ايا كان السبب هو كان بيقول السجن احب الي وهو اعتبر ان السجن ده ملجأ له يبعد بيه عن الخطأ وده ساعات الواحد بيفكر كدة لما يتزنق بيبقى عايز يهرب انما انا دلوقتي باروح الجأ لربنا قبل ما اهرب كنت طول عمري لما اتضايق او حد يضايقني اهرب من الموقف لاني مش باحب المواجهة وده مش علشان باخاف من المواجهة بالعكس انا لما باواجه بكل...

سيدنا يوسف في كذا مكان في السورة يوصف انه من المحسنين . وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا وَكَذَلِكَ نَجْزِي الْمُحْسِنِينَ . وَدَخَلَ مَعَهُ السِّجْنَ فَتَيَانَ قَالَ أَحَدُهُمَا إِنِّي أَرَانِي أَعْصِرُ خَمْرًا وَقَالَ الآخَرُ إِنِّي أَرَانِي أَحْمِلُ فَوْقَ رَأْسِي خُبْزًا تَأْكُلُ الطَّيْرُ مِنْهُ نَبِّئْنَا بِتَأْوِيلِهِ إِنَّا نَرَاكَ مِنَ الْمُحْسِنِينَ . وَكَذَلِكَ مَكَّنَّا لِيُوسُفَ فِي الأَرْضِ يَتَبَوَّأُ مِنْهَا حَيْثُ يَشَاء نُصِيبُ بِرَحْمَتِنَا مَن نَّشَاء وَلاَ نُضِيعُ أَجْرَ الْمُحْسِنِينَ . قَالُواْ يَا أَيُّهَا الْعَزِيزُ إِنَّ لَهُ أَبًا شَيْخًا كَبِيرًا فَخُذْ أَحَدَنَا مَكَانَهُ إِنَّا نَرَاكَ مِنَ الْمُحْسِنِينَ . قَالُواْ أَإِنَّكَ لَأَنتَ يُوسُفُ قَالَ أَنَاْ يُوسُفُ وَهَذَا أَخِي قَدْ مَنَّ اللَّهُ عَلَيْنَا إِنَّهُ مَنَّ يَتَّقِ وَيَصْبِرْ فَإِنَّ اللَّهَ لاَ يُضِيعُ أَجْرَ الْمُحْسِنِينَ.. . . يعني هو محسن وهو صغير وشاب و في السجن ولما ربنا خلاه ماسك خزائن الارض ومع اخواته وهو قال ربنا عمره ما يضيع اجر المحسنين ...

صباح جمعوي جميل ان شاء الله الجو بدأ يجيب نسمة حلوة سنة 73 زي النهاردة كان يوم كله انفعالات وخوف وفرح خوف على اولادنا اللي في الجبهة وفرح انهم في 6 ساعات كانوا في سيناء اسرائيل كانت مصدرة للعالم كله ان خط بارليف المانع الصاد اللي هي حاطاه على طرف القناة قدامنا منيع فزيع مريع محدش في العالم يقدر يعديه وانه لو اتضرب بقنبلة نووية حيصمد وشوية حيشتكانات صهيونية عجيبة اتكسر بالمياه هاهاها جاتهم خيبة على خيبتهم المصري الذكي طلع برة الصندوق يا صهيونييين اليوم ده كان يوم كل الانفعالات طلعت على الوش انا كنت مخلصة ثانوية عامة واتقبلت في هندسة اسكندرية ومستنية دخول الكلية وحصل العبور وفضلت الرصاصة في جيبي على راي محمود يس كنت لسة جاية من طرابلس بعد غيبة ما عنديش اصحاب فاكريني وفاكراهم لان اتغيرت الدنيا وزمان كان التليفونات الارضي مش عند كل الناس وبالتالي ما عنديش تليفونات كتير اعرف حتى اتواصل معاهم الفترة دي كانت حياتي كلها مرتبطة باخويا الكبير اللي بيني وبينه اقل من سنة او توأم روحي كنت ما بين التليفزيون والراديو اسمع التفاصيل واشوف ...

في سورة هود قصص لأنبياء كثر وكل قصة بتنتهي بنجاة الرسول يعني قصة سيدنا نوح . قِيلَ يَا نُوحُ اهْبِطْ بِسَلامٍ مِّنَّا وَبَرَكَاتٍ عَلَيْكَ وَعَلَى أُمَمٍ مِّمَّن مَّعَكَ وَأُمَمٌ سَنُمَتِّعُهُمْ ثُمَّ يَمَسُّهُم مِّنَّا عَذَابٌ أَلِيمٌ . وقصة سيدنا هود . وَلَمَّا جَاءَ أَمْرُنَا نَجَّيْنَا هُودًا وَالَّذِينَ آمَنُواْ مَعَهُ بِرَحْمَةٍ مِّنَّا وَنَجَّيْنَاهُم مِّنْ عَذَابٍ غَلِيظٍ . وقصة سيدنا صالح . فَلَمَّا جَاءَ أَمْرُنَا نَجَّيْنَا صَالِحًا وَالَّذِينَ آمَنُواْ مَعَهُ بِرَحْمَةٍ مِّنَّا وَمِنْ خِزْيِ يَوْمِئِذٍ إِنَّ رَبَّكَ هُوَ الْقَوِيُّ الْعَزِيزُ . وسيدنا ابراهيم طبعا نجاه من النار بس في سورة هود اتكلم على البشارة بالمولود لما بشروها الملائكة بيه . قَالُواْ أَتَعْجَبِينَ مِنْ أَمْرِ اللَّهِ رَحْمَتُ اللَّهِ وَبَرَكَاتُهُ عَلَيْكُمْ أَهْلَ الْبَيْتِ إِنَّهُ حَمِيدٌ مَّجِيدٌ . وقصة سيدنا لوط لما خاف من اهله ليوصلوا للملائكة فقالوله امشي احنا حنعذبهم . قَالُواْ يَا لُوطُ إِنَّا رُسُلُ رَبِّكَ لَن يَصِلُواْ إِلَيْكَ فَأَسْرِ بِأَهْلِكَ بِقِطْعٍ مِّنَ ...

والله لا تقلق فلله مقاليد كل شيء ساعة ما لقينا حريق شديد جدا في المستشفى اللي تحت وسامعة ناس بتصوت ورحت لقيت الحريق من عزمه صوته واصل لعندي في الدور السادس تخيلت في لحظة ان النار حتمسك في كل الستاير والشبابيك الخشب رحت مكلمة بوليس النجدة وقعد يديني نمرة من سبع ارقام اكلمها علشان المطافي تيجي وكلام فاضي من ده ووصلت للمطافي وبلغت رحت على الاولاد قلتلهم انزلوا وانتم في السكة اضربوا جرس على كل باب وقولولهم حريقة في المستشفى علشان ينزلوا ما تسيبوش حد كلمت اللي اعرفهم في الادوار اللي اعلى مني ورحت على الدرج اللي فيه الصيغة والفلوس والاوراق اللي قدرت احطهم في شنطة حطيتهم وده كان قبل ما يتسرق الدهب بتاعي يعني الحرامي حيوفر علي خطوة نزلت ومعايا الشنطة لقيت الشارع بتاعنا ماليان عربيات بنتي قالتلي لازم نوسع لعربية المطافي جت العربية وطلع من الصعب الوصول لورا والاهم مفيهاش مية وبتدور على مياة عندنا المهم وصلناها بمياهة الحريقة اللي رئيس مجلس الادارة ولله الحمد عملها من نفسه حماية للعمارة قعدنا مدة بيطفوا النار طلعت بعد ساعة والا ساعة ونصف ولقيت الرجالة واقفة على المكان كل ما تحرك ...

انا كنت بافكر في مشروع اسمه كفالة مريض عملت منه كام مثال يعني واحدة مريضة نفسية روشتتها تصل للالف والاب والام مش عارفين يجيبوها وكانوا بيسيبوها من غير علاج وكانت بتولع في نفسها وتقلع وتمشي وتسافر ويدوروا عليها جيبنالهم بقرة تحلب وتصرف على البنت البنت ما شاء الله عليها حالتها مستقرة الاهل بياكلوا وبيشربوا لبن كل يوم الحالة التانية واحد قرب السبعين ايدة اتجبست غلط ومكسورة مش بيشتغل ومراته واخته معاه وكبار في السن ما يقدرش لا يعمل مشروع ولا يراعي مشروع اشترينا البقرة وشاركناه مع واحد تاني مضمون الراجل التاني بيعطيه نصف اللبن ونصف الخلفة اللي تيجي من البقرة بقى بياكل ويشرب لبن ويطلعله مبلغ وكل سنة تخلف يجيله مبلغ كمان المشروع ده كويس بيخلي المريض عنده راس مال وكرامة نفس الحاجة عملناها مع واحدة بتغسل كليتها وكل الفلوس بتروح ما بين المواصلات وبالتالي ساعدنا برضه ببقرة لو قدرنا نفكر بالطريقة دي اننا نلاقي وسيط من الريف مع احد المرضى في المدن الوسيط يعمل المشروع عنده ويوفر للي ساكن في المدينة فلوس العلاج الموضوع ده ممكن يكون من زكاة المال او الصدقة الجارية طبعا لو حد حابب ...

https://www.youtube.com/watch?v=XFA9c3Gwjfg

خلصت النهاردة سورة هود كانت رحلة مع الانبياء اللي كلهم قالوا ان اجري الا على الله وقالوا لاهلهم استغفروا الله ثم توبوا اليه وكلهم ربنا نجاهم من اهلهم وظلم اهلهم وربنا قالنا اننا رايحينله وعرفنا مين اللي رايح له وفي الاخر قال انتم مختلفين وانا سايبكم كدة لو عايز كنت خليتكم زي بعض في كل حاجة من بكرة ان شاء الله سورة يوسف او حكاية يوسف او حياة يوسف كلها معاني كبيرة قوي وحياة ماليانة من كل المواقف والصعب فيها ان المواقف بين الاخوات وبعضها وان الحكم الاب

في قصة سيدنا يوسف كنت ساعات باحس ان اخواته ظلمة وساعات كنت باقول هم عذرهم ان فيه اختلاف في المعاملة والحب والصراحة كنت باحتار هو ليه بيفرق بينهم للدرجة اللي تخليهم عايزين يموتوه واستغرب ازاي نبي من انبياء الله مش عارف يربي اولاده يحبوا بعض حاجات كتيرة كانت بتخليني حتى مش باحب اقرأ السورة او اعدي عليها او اسمعها لانها كانت بتحرك في مشاعر كتيرة لكن السورة بتخلص بكل الحكاية وتعرفنا ان الاحداث كلها متتالية وان اللي تحت بيبقى فوق واللي فوق بيبقى تحت وان هم كانوا عايزين حب ابوه م وللاسف ابوهم لما اختفى ابنه فقد بصره وكان حطام القصة بتاخدنا فوق وتحت ويصعب علينا يوسف وفي النهاية يبقى هو اللي على خزائن الارض يعني في النهاية ربنا بيعزه عزة تخلي اخواته اللي رموه في البير بيسجدوا امامه سبحان الله فعلا احسن القصص

قَالُواْ يَا أَبَانَا مَا لَكَ لاَ تَأْمَنَّا عَلَى يُوسُفَ وَإِنَّا لَهُ لَنَاصِحُونَ . اخوات يوسف لانهم عايزين يؤذوه ما قدروش يقولوا حافظون هم رايحين يرموه في بير قالوا لابوهم ناصحون سبحان الله هم بيرتبوا لاذى الولد وابوهم حاسس وهداهم انهم يسيبوه وقال لهم اوعوا تسيبوه لحسن الديب ياكله واعتقد ان دي كانت من عند يعقوب انهم بدل ما يؤذوه يسيبوه وهو عارف ان ربنا هو الحافظ وانه مهيء له مستقبل كبير يمكرون ويمكر الله والله خير الماكرين

شهدائنا في القلب الناس اللي ضحت بحياتها علشان احنا نعيش ويبقى لنا كرامة في القلب الناس اللي سابت اسرتها واطفالها وقعدت في الجبهة وكانت من اشجع الفرسان على الراس من فوق احنا عشنا في اكتوبر 73 ايام كلها كرامة وعزة كان العالم كلة بيتكلم عن شجاعة الجندي والظابط المصري في الستينات والسبعينات كانت اسرائيل مصدرة صورة الجيش الاسرائيلي الذي لا يقهر خصوصا بعد هزيمة 67 انهم عندهم جيش لا يمكن هزيمته كنا في الستينات والسبعينات بنشوف جنودهم وظباطهم بيستحموا في القناة وبنتقهر ومش عارفين حنعمل ايه كنا في الستينات والسبعينات لما بنسافر في اوروبا ويعرفوا اننا مصريين يضحكوا علينا علشان انسحبنا من كل سيناء ف 6 ايام وكنا في حالة من الخزي الجيش بتاعنا ربنا يحيمه رجع لنا ارضنا ورفع راسنا بين العالم كله كل عيد عزة وكرامة وانتم طيبين وربنا يجعل كل شهدائنا في نعيم تحت عرشه

فَلَمَّا ذَهَبُواْ بِهِ وَأَجْمَعُواْ أَن يَجْعَلُوهُ فِي غَيَابَةِ الْجُبِّ وَأَوْحَيْنَا إِلَيْهِ لَتُنَبِّئَنَّهُم بِأَمْرِهِمْ هَذَا وَهُمْ لاَ يَشْعُرُونَ . . لما اجتمعوا عليه اخواته ورموه في البير اكيد كان اسوأ يوم في حياته المفروض اخواته سنده المفروض انهم يحموه اكيد لما رموه كان زعلان ربنا ما رضاش يسيبه كدة قال له انا حاخليك انت اللي تعاتبهم دول هم جدود اليهود الحاليين دول اولاد اسرائيل او اولاد يعقوب لان يعقوب هو اسرائيل ويقال ان ايل يعني الاله واسرا يعني اسري به زي سيدنا محمد لان يقال ان سيدنا يعقوب اسري به من ارض فلسطين وسمي اسرائيل يعني من اسري به الى الاله وبالتالي هم كانوا اسباط يعني 12 سبط حتى لما كان سيدنا موسى معاهم وقالوله عايزين نشرب في سيناء طلبوا ان كل سبط يبقاله المياه بتاعته يعني متعبين من يومهم وضرب في الارض وربنا عمل لهم عيون موسى اللي في سيناء القصة لسة مكملة واحنا لسة في اولها شاب صغير اجتمع عليه اخواته ورموه في البئر لان ابوه بيحبه وعلى طول معاه الشاب ربنا اوحى له انه في يوم من الايام حيواجه اخواته وجها لوجه ويعاتبهم منه لهم اكيد كانت...

قَالُواْ يَا أَبَانَا إِنَّا ذَهَبْنَا نَسْتَبِقُ وَتَرَكْنَا يُوسُفَ عِندَ مَتَاعِنَا فَأَكَلَهُ الذِّئْبُ وَمَا أَنتَ بِمُؤْمِنٍ لَّنَا وَلَوْ كُنَّا صَادِقِينَ . . عملوا اللي كانوا عايزينه وسيدنا يعقوب كان قال لهم ما تعملوش كدة يعني اعطاهم الفكرة فهم رجعوا بنفس الفكرة وبالتأكيد هم عارفين انه عارف انهم بيكذبوا وقالوله عمرك ما حتصدقنا طبعا تمثيلية وهو عارفها لكن الحلم اللي سمعه من يوسف اكيد كان مطمئنة ان يوسف بخير وانه بمشيئة الله حيوصل لليوم اللي يسجدوا قدامه