عايزة افرحكم

-
عايزة افرحكم في اليوم الغامق ده 
فيه شاب اتخرج من الجامعة وكان امل اسرته كلها انه يشتغل ويصرف عليهم لان الاب والام مرضى وباقي الاسرة لديهم مشاكل ربنا يقويهم عليها 
هذا الشاب لما ما عرفش يقوم بمهمته جهاز المناعة عنده حصل له مشكلة وبدأ ياكل في نفسه يعني مصارينه بتتعرض لهجوم داخلي من الجسم نفسه وبالتالي دائما وابدا في حالة من النزيف والاسهال 
الولد ده مش بيعرف يشتغل شغلانة عايزة وقت ولا مجهود ولكن الاخت الوحيدة اللي ربنا عافاها قررت هي وزوجها انهم يساعدوه في انه يعمل في توزيع زبادي في شارع واحد وهو بيسوق العربية وهذا الشارع قريب من بيته علشان في اي وقت حب يرجع يقدر يرجع
الشاب ده كان بيحلم انه يبقى زي اي شاب تاني ويكون عنده شقة له لان اخته مريضة وابنتها مريضة والام والاب مرضى وبالتالي مش قادر حتى يفكر انه يكون له حياة منفردة
الشاب ده كان بيحلم بشقة والسيسي بيوزع الشقق على امثال هذا الشاب ولكن بعد ما يدفع 20 الف يستلم الشقة ويدفع اقساط شهرية بسيطة
انا كان نفسي يقدر ياخد الشقة
النهاردة جاء له 20 الف من صديقة قريبة من قلبي وقالتلي كلمة
انا مستعدة اصرف كل اللي معايا بس الناس اللي زيه ما تعانيش
بلغته ان حلمه حيتحقق
بيبكي من ساعتها
اللي فاضل سرير على كام كرسي على دولاب على شوية حاجات نفرش له بيها الشقة
يالا بينا
اي حد عنده حاجة مش محتاجها يقول لي بس بعد ما يستلم الشقة
هو حيستلمها بمجرد ما يدفع الفلوس ان شاء الله
ايه رايكم في الخبر الجميل ده في اليوم اللي كلنا قايمين زعلانين فيه

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد