#احنا_نبات_نبات_ونصحى_نبات

مرة واحد هندي هوميوباث لقى ان فيه نوع من التناغم بين مجموعة من الافراد في طريقة نظرتهم للحياة ورد فعلهم ومخاوفهم وعمل دراسة وقال ان الناس بتنقسم الى ثلاث اقسام 
القسم الصخري والملحي والمعدني 
القسم النباتي 
القسم الحيواني 
ومن الواضح ان الموضوع ده متطور حسب ما تطورت الحياة 
القسم الاول بيكون له نظام في حياته وبيضع كل حاجة في مكانها مش من الناحية الفعلية وان كان ممكن ولكن من الناحية العقلية والنفسية يعني الام والاب لهم مكانهم والاولاد والعائلة والشغل وبينشغل بانه يحافظ على توازن حياته بحيث كل حاجة في حياته تكون موجودة وده لانه زي المادة البسيطة لازم يكون فيه مركز والكترونات بتدور حواليها في مدارات معروفة وهؤلاء الاشخاص يحبون الا يهتز عالمهم وينقص منهم اشياء وحسب المادة اللي يتبعها بيكون قدرته على التوازن وعلى الثقة وعلى العطاء يعني اللي مادته نيتروجين اكيد مش حيكون زي الاكسجين
القسم التاني هو النباتي وهو القسم اللي مش بيحب يغير وضعه ولا شغله ولا حياته بيحب يستقر في مكان ويشعر بالامان فيه ويحب الناس تساعده وتاخد بالها منه زي النبات ما عايز اللي يسقيه ويراعيه ويلاقي الشمس والاكل كل حاجة هي اللي بتجيله ويدور عليها وفيه المتسلق وفيه الشجر وهذا الشخص بيخاف انه يصبح وحيدا وكل واحد وطريقته في انه يطمئن بوجود حد جنبه او معاه
القسم الثالث وهو القسم الحيواني وهو كبير قوي لان فيه الحشرة اللي بتلزق وفيه الثعبان اللي بيلدغ وفيه البقرة اللي بتحلب وفيه الفراشة اللي بتتغير وفيه الحرباية اللي بتتلون ولكن هذا القسم عقله وحياته عادة ما تكون معقدة اكثر من الاخرين ودائما يبحث عن البقاء يعني بيشعر بالتهديد الدائم من المجتمع والناس وبيعيش يحاول جاهدا انه ما يتهاجمش وساعات هو اللي بيهاجم
الشعب المصري بقى اغلبه نباتي
عايز يقعد ويمد جذوره ونسقيه
وبناء عليه القوانين وضعت وتغيرت علشان يشعر دائما بالاطمئنان والامان
اللي في مدينة بصعوبة يسيبها ويحب ابنه وبنته جنبه وياريت لو في نفس العمارة والشغل ما يغيروش ويقعد جنب الظلة في الصيف وفي الشمساية الحلوة في الشتاء
#احنا_نبات_نبات_ونصحى_نبات