لا تهدم فتتهدم

الدورة الدموية بتتحرك في جسمك ولو توقفت في اي مكان ممكن يمرض وساعات بنضطر نبتره لان الجسد يتعفن

الدورة العصبية والصراحة ده اصطلاح جديد لانه لا يتم تعريفه بالدورة لاننا بنتعامل معاه على انه له بداية ونهاية ومش بيرجع تاني والحقيقة اللي تنبينتها الايام دي ان الجهاز العصبي بيتعامل مع الجسم بشكل دوري يعني هناك طاقة في الجسم اسمها الطاقة الحيوية بتتعامل مع الجسد على انها مسئولة عنه بمعنى تحافظ عليه وتبقيه حيا وبالتالي عليها معرفة مدى صلاحية الجسم للاستمرار في الحياة

طيب اعرف الجسم كويس والا لا ازاي

عن طريق المجسات العصبية الموجودة في كل انحاء الجسم

والمجسات دي بتوصل للمخ بالمسارات العصبية

يعني المخ اللي بيقدم التقرير للقوة الحيوية اللي بتخليك تتحرك وتروح وتيجي وتكذب علشان مصلحتك وتجري علشان خايف من حاجة وتاكل لما تجوع هي دي القوة الحيوية اللي بتحركنا وبتحافظ علينا من وجهة نظرها طبعا

القوة الحيوية دي لو لقت ان فيه جزء في الجسم مش حاسة بيه زي رجليك مثلا بتقعد تفكر تعمل ايه لو اتعرضت لخطر

او لو مش حاسة بايدك تفكر تعمل ايه لما تحب تاكل وتشرب

كل ما كانت الرسائل اللي بترجع لها من المجسات قليلة كل ما تقلق اكتر

علشان كدة الانسان الرياضي بيكون اهدأ حالا لانها عارفة انه يقدر يدافع عن نفسه ويقدر يوفر لنفسه الاكل والشرب

القوة الحيوية دي والانسان لسة طفل بتخليه يتحرك بناء على برنامج ربنا حطه في المخ يعني من غير تفكير ولكن مع الوقت كل ما المجسات ما تشتغل وهي تاخد ثقة اكتر تخليه يتصرف اكثر ويتحرك اكثر ويعتمد على نفسه اكتر ويفكر اكتر وينضح اكتر ويحقق البرنامج اللي هي واخداه ساعة ما اتخلقت

البرنامج ده من عند ربنا ومبني بناء على صفات واخداها من اهلها و من بيئتها ومن الوقت والبلد اللي مولوده بيه يعني موروثات هي لم تتدخل فيها

لكن البرنامج بيقول لها في الاخر لازم تكوني بتعمري الارض لان انا نزلتك علشان كدة

نزلتك في الجسم ده علشان تكوني خليفتي هنا في الارض

لما الانسان بيعمل حاجة عكس البرنامج ده القوة الحيوية بتمرض وتتعب وتبتدي تتعب الجسد

الحل الامثل لتحسين القوة الحيوية هو حاجتين

1- اتحرك وتلامس مع الحياة حواليك خلي كل اطرافك تشعر باللي حواليها من الخشن والناعم والبارد والسخن خلي ايدك ورجلك قوية علشان الطاقة الحيوية تتطمئن وبالتالي سلوكك يكون افضل واهدا

2- لا تهدم ولا تتسبب في هدم شيء ولا تخطط ايضا لهدم شيء حتى الشخصيات البشرية لا تهدمها لان كل هدم تقم به يؤثر سلبا في قوتك الحيوية فتمرض وتظهر عليك اعراضا يبدأ بعدها الطب التقليدي في علاجها بشكل قد يزيل اعراضها ولكن اسبابها تظل فتغير القوة الحيوية تلك الاعراض الى اعراض اقوى واعمق وتنتهي ان تهدم نفسك اما بسرطان او بمرض مناعي لا يستطيع الاطباء علاجه

#ربنا_يديم_عليكم_الصحة

#حافظ_على_قوتك_الحيوية

#كن_بناء_مبدع

#لا_تهدم_فتتهدم