طفلة للابد

وَقُرْآناً فَرَقْنَاهُ لِتَقْرَأَهُ عَلَى النَّاسِ عَلَى مُكْثٍ وَنَزَّلْنَاهُ تَنزِيلاً . القرآن اللي هو كلام ربنا ما نولش على ورق ولا نزل مكتوب ولكن نزل مقروء وكمان ما نزلش بالترتيب بتاعه اللي احنا بنقراه دلوقتي فيه ايات كانت بتنزل في موقف معين او عند حدث معين وبالتالي يكون اسباب النزول واضحة وصريحة ومع ذلك لما تقرا الايات دي بعديها بقرن تلاقي الاية دي بتكلمك انت على حاجة في بالك كنت عايزها توضح القرآن نزل على سنوات طويلة وكان ربنا قادر ينزله دفعة واحدة ولكن ربنا اراد ان الايات تنزل على مهل وبالراحة ومتفرقة وبعد كدة ييجي جبريل ويرتبها زي ما ربنا عايزها ويثبتها في قلب الرسول زي ما القرآن المفروض يتحط حاليا باحس ان القرآن بياخدني حبة بحبة لربنا وشوية شوية باحس ان ربنا بيكلمنا كلنا بيه وكل على شاكلته برضه يعني كل واحد وطريقته المهم اننا احنا كمان نقراه على مكث ما نستعجلش ونبص فيه ونقلب الاية مرة واتنين ونشوفها ونشوف التفاسير المختلفة وفي الاخر نشوف الاية دي عملت لنا ايه واحنا دخلت قلبنا ازاي انا مرة شفت الناس اللي في جوانتانامو وصورة وواحد بيصلي قلت ده انا لو مكانه مكا...

في سورة الاسراء ايات كتيرة بتبين ان الناس عايزة شواهد عينية وحقيقية على ان النبي او الرسول من عند ربنا سواء عن طريق انه يجعله في الدنيا مقام مدعم بالفلوس والذهب والنعم او يكون بالعقاب المباشر لكل اللي مش ماشي تبعه وربنا في كل موقف يقول انا قادر على كدة وقادر اني اخسف بيكم الارض ولكن ده مش طلبي طلب ربنا اننا بالعقل نشوفه وبالعقل ندركه وبالعقل نذعن له وبالعقل نسلم له انفسنا وهو بالعقل ازاي الكون ده يكون من غير رب استحالة بكل الدقة والكمال ده يكون من غير اله وبالعقل لازم يكو ن اله واحد لان زي ما ربنا قال كان لازم واحد فيهم هو اللي حيسيطر وبالعقل نذعن له لانه اذا كان بالعظمة دي والقوة دي والعزة دي يبقى هو اللي ننحني له ونصلي له ونتواصل معاه في السورة مجادلات من الكفار مع الانبياء وبالاخص بني اسرائيل وكفار قريش في الآخر بيقول . وَبِالْحَقِّ أَنزَلْنَاهُ وَبِالْحَقِّ نَزَلَ وَمَا أَرْسَلْنَاكَ إِلاَّ مُبَشِّرًا وَنَذِيرًا . يعني اعرفوا ان اللي نزلناه بالحق نزل

وَمَن يَهْدِ اللَّهُ فَهُوَ الْمُهْتَدِ وَمَن يُضْلِلْ فَلَن تَجِدَ لَهُمْ أَوْلِيَاء مِن دُونِهِ وَنَحْشُرُهُمْ يَوْمَ الْقِيَامَةِ عَلَى وُجُوهِهِمْ عُمْيًا وَبُكْمًا وَصُمًّا مَّأْوَاهُمْ جَهَنَّمُ كُلَّمَا خَبَتْ زِدْنَاهُمْ سَعِيرًا . الهداية تستلزم شغل يعني لازم اكون شايف وسامع ومتواصل مع اللي حوالي وبالتالي اللي مش طالب الهداية تجيله ازاي الا ان اراد الله يعني فيه ناس بتتعب علشان تتهدي وبتسافر تدور على الصح وربنا بيهديها في الاخر وفيه ناس ربنا بيبقى باعت لها الهداية على طبق من ذهب استعمل حواسك من نظر وسمع وحديث في انك تبعد عن جهنم لانك لو وصلت ليوم القيامة قبل الموضوع ده فلا حيكون لك لا لسان ولا عين ولا اذن تستخدمهم خلاص الوسائل انتهت . ذَلِكَ جَزَاؤُهُم بِأَنَّهُمْ كَفَرُواْ بِآيَاتِنَا وَقَالُواْ أَئِذَا كُنَّا عِظَامًا وَرُفَاتًا أَإِنَّا لَمَبْعُوثُونَ خَلْقًا جَدِيدًا . وده جزاء الناس اللي حكمت غلط وقالت غلط واللسان اللي بتحاول بيه تضرب في الايمان مش حيساعدك الا في انك تقرب من جهنم اكتر . كل عنه مسؤولا

الست اللي بتساعدني بتقول انها بتشقى مش زي المهندسين اللي كل شغلهم على المكاتب 😂

قُلِ ادْعُواْ اللَّهَ أَوِ ادْعُواْ الرَّحْمَنَ أَيًّا مَّا تَدْعُواْ فَلَهُ الأَسْمَاء الْحُسْنَى وَلاَ تَجْهَرْ بِصَلاتِكَ وَلاَ تُخَافِتْ بِهَا وَابْتَغِ بَيْنَ ذَلِكَ سَبِيلاً . والله انا حسيت من الاية دي غير ان الصلاة ما تكونش بصوت عالي او بصمت ان ربنا عايزنا نحترم صلاتنا مش نحط المايكروفون والامام يخلي الناس مش بس جوة الجامع ولكن في المنطقة اللي حواليهم كلها سامعة كل حاجة بيقولها على بعد مئات الامتار المفروض ان الصوت يكون داخل المسجد فيه حاجة كمان هنا ربنا بيقول ادعوا الله او ادعوا الرحمن اشمعنى الاسمين دول باحس ان الله هو الاسم الجامع لكل صفات الله مفيهوش واحد عن التاني والرحمن هو الاسم اللي يخص الله لانه اشتق اسمه من الرحم والرحم كلمة اكبر من الكون انا باحس ان الكون نفسه رحم ربنا خلقه كله لنا وكان بيهيئة علشان يستقبلنا خلق مخير يختار الله طواعية ويعبده ويحبه ويسلم له دون ان يراه حتى الارض كانت بتستعد لنا بكل اللي اتخلقوا فيها بما فيهم الديناصورات اللي بقت بترول بعد كدة هي والغابات الكتيرة وغيرها باحس ان التطور الطبيعي اللي وصل الارض انها تستقبلنا هي اللي خلت...

خلصنا سورة الاسراء وحندخل على سورة الكهف السورة اللي بنقراها كل يوم جمعة علشان تمنع عنا الفتن السورة دي كلها مواقف كتيرة وكل موقف صاحبه اتفتن بحاجة كلمة فتنة بالمعنى البسيط هو الاختبار يعني كل موقف ناس بتختبر بشيء وفيه اللي بينجح وفيه اللي بيسقط ومش بيسقط يعني يدخل النار بالعكس يسقط يعني ما يعرفش انها فتنة وبالتالي يتصرف يطريقة تمنع عنه خير كان بييجي او حييجي السورة دي بتفكرني باية في سورة البقرة بتتكلم عن ان اليهود عارفين ان القرآن ده كتاب الله زي ما هم عارفين اولادهم وا نا بقى باحس ان سورة الكهف دي زي حد من اولادي زي ما تكون اتربت على ايدي الاول كنت باقراها زي باقي القرآن مش لازم افهمها كويس وشهرتها خلتني اقراها وانا عارفة ان فيها قصة سيدنا الخضر وذو القرنين واهل الكهف وكدة ولكن كل مرة اقراها احس زي ما يكون كبرت جوايا حتة زي ما اكون فهمت منها اكتر دلوقتي كبرت بالدرجة اللي مصاحباها يعني لو ما قريتهاش احسن انها وحشتني سورة الكهف غنية بالاحداث والاشخاص والاهداف والوعظ والارشاد ونبتدي معاها باذن الله كل سورة وانتم طيبين

اوعوا من قدامي من كام يوم باكلم واحدة صاحبتي لقيتها بتتألم خفت عليها قلتلها تعالي امارس عليكي تقنيات ماسجوتوفا منها احلل القرشين اللي دفعتهم ثمن الدورة وابقى اتعلمت علشان الناس ترتاح ومنها يمكن ربنا يجعل في ايدي تخفيف لالامها المهم انها صدقتني وجاءت قعدتها على السرير وهات يا رفليكسات ايشي ريفلكس البابينسكي ايشي ريفلكس البيريز ايشي ريفلكس الجالانت وشوية كلام صعب مش حتعرفوه المهم عملت اللي ربنا قدرني عليه قوم لقيتها بتقول لي الالم راح ياراجل الم ايه اللي راح انا ما اخذتش حاجة قالتلي مش حاسة باي وجع نعم طب قولي والله قال ايه الحبة اللي عملتهم ضيعوا الوجع ومن هنا ورايح محدش يناديني الا بدكتور كوكا الفظيعة شوية تدريبات رياضية وريفلكسات حسنوا الالام اللي كانت مش قادرة تكلمني منها الله اكبر يارب يديم عليها نعمة الصحة وبالتالي نتيجة الكلام ده الماسجوتوفا تصلح لعلاج الالام الجسمانية نتيجة امراض المناعة اقولها تاني اللي عنده الام نتيجة الام المناعة لازم يعمل ماسجوتوفا يتواصل مع صفحة ماسجوتوفا مصر يارب يكرمك يا Hoda M. Ellackany ياللي عرفتي مصر على الماسجوتوفا وي...

بنوتة حلوة قاعدة جنب مامتها في ساعة صفا بتقول لها احنا عندنا اجازة علشان المولد اللي هو ايه مامتها : يوم ما اتولد سيدنا محمد البنت : ومين حيجيبله التورتاية انا عارفة سيدنا سليمان # حدث_بالفعل

الْحَمْدُ لِلَّهِ الَّذِي أَنزَلَ عَلَى عَبْدِهِ الْكِتَابَ وَلَمْ يَجْعَل لَّهُ عِوَجًا . عِوَجٌ : منحرف عن القصد ربنا ولله الحمد انزل لنا القرآن وهنا بيعلمنا نحمد ربنا على النعمة دي وبالاخص ان مفيهوش اي انحراف عن القصد يعني اي حاجة معووجة بتكون مش ماشية في الطريق المخصص لها والقرآن المفروض انه يعلمنا المنهج اللي نمشي عليه في حياتنا علشان لما نقابل ربنا نكون وفينا وعملنا الامانة اللي هي الاعمار في الارض والقرآن المفروض هو الكتاب اللي فيه المنهج ده ومن غير اي اعوجاج عن الهدف والقصد والطريق

نروح على سيناء الناس اللي موتت ناس في مسجد فيه ايادي عايزة تخليه له طابع ديني معين يعني ناس لها مذهب بتدمر ناس لها مذهب تاني وده غلط اساسا وكان باطل بيلبس ثوب باطل اوحش منه اللي ماتوا دول شهداء وربنا عارف ان اللي قتلهم خسيس وربنا سايبه ليوم هو اللي حيحاسبه بنفسه واكيد الناس دي حتعيش وتموت وهي مش دايقة طعم الراحة في حياتها الحادثة دي بتفكرني بحادث كنيسة القديسين هنا في اسكندرية اللي كانت حارقة قلبي ان ناس رايحة بيت ربنا ومع ذلك يقتلوها غدر سبحان الله ناس قررت انها تحدد وقت الموت ناس بتدخل في مقدورات زي النمرود لما قال انا احيي واميت فاكر انه هو اللي يحدد امتى الشخص ده يموت او يحيى وده زي الشرك بالله بالظبط الناس اللي اتقلت كان ممكن تموت في حادث قطر او تغرق في فيضان لكن فيه ناس قررت انها هي اللي تاخد ذنب قتلها يارب يرحمهم كلهم ويجعلهم في جنته ويصبر اهلهم وبالذات اللي مات لهم اطفال وهم عايشين ويقدرنا نقف قدام الظلمة الجهلة اللي بيهدروا دماء ناس ابرياء ويقتلوهم بدم بارد يارب يصبرنا ويقدرنا اننا نقضي على الناس دي ويوقف نهر الدم الموصول ده

اللي ايده في المية مش زي اللي ايده في مية النار الناس اللي في سيناء واتقتلوا علشان ما رضيوش يحموا الدواعش دول لازم يتعمل لهم فعلا نصب تذكاري لانهم لازم حتى اولادهم يعرفوا انهم كانوا ابطال وفضلوا بلدهم على فكر مستورد بيفهمهم ان الدين فيه قتل وذبح وترهيب ناس رفضت انها تحمي قتلة فقتلوهم غدرا وهم يصلون لله رب العالمين قتلوا ابناءهم في المساجد بعد عدة سنوات في العمل التنموي وانا وسط الناس بالذات في الاماكن اللي ما شافتش اي حنية ولا قرب ومع احتكاكي بيهم عرفت وتأكدت ان التقدير ا لمعنوي والشعور بانهم مميزون اهم من الاكل والشرب الشعور بالوجود ده غريزة زي حب البقاء لان حب البقاء لا يعني ان الجسد يبقى فقط ولكن يعني ان يبقى الذكرى الحسنة ويبقى في قلوب الناس الجسد سيفنى ان آجلا او عاجلا ولذلك تبحث الروح عن البقاء في العقول والقلوب

سورة الكهف اليوم قَيِّمًا لِّيُنذِرَ بَأْسًا شَدِيدًا مِن لَّدُنْهُ وَيُبَشِّرَ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا حَسَنًا . بنتكلم عن القرآن اللي ربنا لم يجعل به عوجا وقيم كمان القيم دي من عظمة كلام ربنا فيها حاجتين له قيمه بيقدر يعرف قيمة الناس الذي يقوم بشأنهم ويَسُوس أَمرَهم او لو وضع معين استعرض نتائجَه وما حقّقه من تقدُّم ، وقرّر يعني القرآن جاي يقول لنا احنا اللي بنعمله صح والا غلط يعني ولله المثل الاعلى هو الايزو بتاعنا بيقول الغلط والصح وبيهدد للظالم ويبشر للمؤمن وانا لاحظت ان ربنا سبحانه وتعالى بيقول المؤمنين مش المسلمين ولا يقول يا ايها الذين اسلموا ولكن بيقول يا ايها الذين آمنو لان الايمان غير الاسلام الايمان انك تؤمن بربنا والكتب والرسل والملائكة والقدر والجنة والنار وان فيه حساب وانه حيحاسبك ده لوحده كوم وان تعمل الصالحات دي كوم تاني يعني ربنا بيبشر اللي بيعمل الصالحات انه هو اللي حيعطيها الأجر وكمان بيقول حسن يا قوة الله اجر حسن من عند اللي خلق الكون تخيل بقى على قدر ربنا على قدر الاجر اللي بيعطيه والاية اللي ...

رَّبُّكُمُ الَّذِي يُزْجِي لَكُمُ الْفُلْكَ فِي الْبَحْرِ لِتَبْتَغُواْ مِن فَضْلِهِ إِنَّهُ كَانَ بِكُمْ رَحِيمًا (66) وَإِذَا مَسَّكُمُ الضُّرُّ فِي الْبَحْرِ ضَلَّ مَن تَدْعُونَ إِلاَّ إِيَّاهُ فَلَمَّا نَجَّاكُمْ إِلَى الْبَرِّ أَعْرَضْتُمْ وَكَانَ الإِنسَانُ كَفُورًا (67) أَفَأَمِنتُمْ أَن يَخْسِفَ بِكُمْ جَانِبَ الْبَرِّ أَوْ يُرْسِلَ عَلَيْكُمْ حَاصِبًا ثُمَّ لاَ تَجِدُواْ لَكُمْ وَكِيلاً (68) أَمْ أَمِنتُمْ أَن يُعِيدَكُمْ فِيهِ تَارَةً أُخْرَى فَيُرْسِلَ عَلَيْكُمْ قَاصِفاً مِّنَ الرِّيحِ فَيُغْرِقَكُم بِمَا كَفَرْتُمْ ثُمَّ لاَ تَجِدُواْ لَكُمْ عَلَيْنَا بِهِ تَبِيعًا (69) وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً (70) سورة الاسراء . الاسراء جاء للرسول في وقت كان شاعر فيه ان ربنا مش معاه فربنا اخذه للمسجد الاقصى وصلى بالانبياء وبعدين رفعه له وكلمه في مكان افضل من الملائكة وبعدين خلى القبلة زي ما هو نف...

Lobna Mohamed El Sayed ماما، فلان كذب دة حيروح النار، بصي يا لولو اللي بيكذب و يفضل يكذب على طول و ميبطلش خالص او يتوب هو دة اللي ربنا سبحانه و تعالى يدخله النار، طيب يعني ايه يتوب؟ يعني يبطل الحاجة الوحشة اللي هو بيعملها و يقول انه مش حيعمل كدة تاني و لو غلط في حق حد او اخد حاجة حد يروح يرجعها على طول، طيب ما هو ممكن يكذب تاني، هو لو عايز ربنا يحبه على طول كل اما يعمل حاجة غلط يبطلها على طول و يحاول دايما ميعملهاش تاني عشان يدخل الجنة، ماما يا رب ندخل الجنة :-) ملحوظة: السن 5 سنوات

وَاسْتَفْزِزْ مَنِ اسْتَطَعْتَ مِنْهُمْ بِصَوْتِكَ وَأَجْلِبْ عَلَيْهِم بِخَيْلِكَ وَرَجِلِكَ وَشَارِكْهُمْ فِي الأَمْوَالِ وَالأَوْلادِ وَعِدْهُمْ وَمَا يَعِدُهُمُ الشَّيْطَانُ إِلاَّ غُرُورًا . استفزَّ فلانًا : أغضبه وأثاره ، أزعجه ، هيّجه استفزز يعني اعمل اللي انت ناوي تعمله من هيجان واغضاب وازعاج كلها حاجات فيها حركات سلبية يعني خوفهم (ممكن يكون خوف من مستقبل او خوف على الاولاد يتسبب في ان ناس تغلط او تسرق ) او اغضبهم (الشيطان ساعتها زي ما بيقولوا راكبهم وبيخليه يغلط وي قول ويتصرف تصرفات تخليه يغلط ويغضب ربنا ) او هيجهم (طبعا الهورمونات بتساعد في ان يكون هيجان في اتجاه الغلط سواء في الزنا او ما حوله ) او ثرهم (يعني يثير الناس بانهم يفهموا اللي قصادهم بالغلط زي شوف بيبص لك ازاي او شوف بيكلمك وهو بيعتبرك قليل وبيعلي صوته عليك وغيرها من الحاجات اللي تخلي الناس تكره بعض) أجلب عليه : جمع وألَّب واستولى عليه استولى على عقولهم بالاموال والخيل هو ما يتركب يعني اعمل كذا علشان تشتري عربية والا طيارة والرجل هنا الرجال يعني حتسيطر على ناس كتير وفي نفس الوقت تعالى لهم بالخي...

قَالَ أَرَأَيْتَكَ هَذَا الَّذِي كَرَّمْتَ عَلَيَّ لَئِنْ أَخَّرْتَنِ إِلَى يَوْمِ الْقِيَامَةِ لأَحْتَنِكَنَّ ذُرِّيَّتَهُ إِلاَّ قَلِيلاً (62) . .لأحتنكنّ ذرّيّته : لأستولينّ عليهم . أو لأستأصلنّهم بالإغواء " الحَنَكُ من الإنسان والدابة : باطن أَعلى الفم من داخل دي جملة قالها ابليس لما رفض ان يسجد لادم المخلوق من الطين وبيطلب من ربنا يأخره الحتة بتاعة احتنكن سيعني حيسوقهم لان الحنك ده هو الفم يعني زي ما بتمسك الحصان من حنكة وتحط له اللجام هو عارف ان اللي اصله طين حيطلب حاجات دونبة ولكن اللي يزعل انه بيقول انه حيركبهم زي الدابة ويوجههم زي ما العربجي بيمسك الدابة بتاعته من حنكة ويوجهه هو طبعا ما يعرفش الغيب ولكن هو اعتبرها مهمته لغاية يوم القيامة انه يمسكنا ويوجههنا للغلط ويفتنا في الدنيا خلينا احسن منه ونخيب ظنه قدام ربنا وينثبت له اننا على الرغم من اننا من طين لكن احنا عندنا ربنا اهم حاجة في حياتنا قَالَ اذْهَبْ فَمَن تَبِعَكَ مِنْهُمْ فَإِنَّ جَهَنَّمَ جَزَاؤُكُمْ جَزَاء مَّوْفُورًا (63) ربنا بيرد عليه ويقوله انت واللي اتبعك يعني مشي وراء حاحطهم في جهنم ولكن...

فيه ناس مصدقة ان الاسلام بيدعوا للارهاب وفيه ناس غيرانة على ان هي دي صورة الاسلام وبس وفيه ناس معتبرة ان مهمتها انها تبقى المثل الاعلى للمسلم الحقيقي اللي ربنا نزله على الارض علشان يسلم نفسه لربنا ويكون سلام على البيئة والناس وانه يسلم الناس من لسانه ومن يده وان يأتمنه الناس على عرضهم ومالهم شوف انت عايز تبقى مين فيهم

وَلاَ تَمْشِ فِي الأَرْضِ مَرَحًا إِنَّكَ لَن تَخْرِقَ الأَرْضَ وَلَن تَبْلُغَ الْجِبَالَ طُولاً. . مَرِحَ الرَّجُلُ : اِخْتَالَ ، تَبَخْتَرَ : مختالاً متكبِّرًا ، هنا ربنا بينبهنا اننا مهما كبرنا واتخايلنا بقوتنا وعظمتنا لا نقارن بقوة مخلوقات اخرى ربنا خلقها من الجماد

وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُوْلَئِكَ كَانَ عَنْهُ مَسْؤُولاً , في الاية دي ربنا بيطلب مننا ما نتتبعش الاخبار ونمشي وراها وبالاخص اللي مالناش بيه علم وده يختلف عن كلمة ما لا نعلمه لان ليس لي به علم يعني حاجة مش حاتعلم منها يعني لما تسخر حواسك علشان تسمع مواضيع معينة او تتبعها وبالتالي سمعك وبصر وقلبك كمان يجروا وراهم وده اكيد تأثيره برضه على المجتمع كله مضر لان انت مطالب ان تتعلم وان تبحث وتجري على العلم انما اللي ليس لك به علم ما تجريش وراه في النهاية المسئولية زي ما قلنا عليك انت اللي حتتحاسب عليهم عملت بيهم ايه

من اكثر من مائتين عام واحد اسمه هانمان عمل مراجعة لمواد كثيرة في العالم وكل مادة شاف تأثيرها بعد ما تتعالج بطريقة تخليها غير مضرة للجسم بالمرة وده بالتخفيف والدق والتخفيف والرج حسب المادة اللي متخفف بيها وبعد عدة عشرات المرات من التخفيف والرج بياخد تأثير تلك المادة ويستخدمها على الجسم بدون اي ضرر العلم ده اسمه علم الهوميوباثي وفيه مراجع كتيرة اسمها materia medica بيتحط فيها كل المواد اللي اتجربت وقتها وبعديها وتأثيرها الشفائي على الاجسام والمواد دي اما مستخلصة من املاح معد نية او معادن او صخور او نباتات او حيوانات او حشرات دلوقتي هم بيكتشفوا تاثير المواد دي ولكن التأثير الكيميائي وهو مهما كان له ضرر لانه مادة ممكن يمتصها الجسم وتسبب له بعض الاثار الجانبية واحدة من اهم المواد المكتشفة هي نبات اسمه الكاليندولا وهو له تأثير شفائي للجروح القطعية في الجسم وبسرعة شفاء عالية يعني لو استخدمنا المادة دي محضرة بطريقة هانمان او بطريقة الهوميوباثي الجروح تخف ان ما كانش في ساعتها يبقى ان شاء الله في يوم بالكتير او يومين الكاليندولا دي زهرة ولكن بتتحضر بطريقة مخصوصة وبتتباع في اور...

وَأَوْفُوا الْكَيْلَ إِذَا كِلْتُمْ وَزِنُواْ بِالْقِسْطَاسِ الْمُسْتَقِيمِ ذَلِكَ خَيْرٌ وَأَحْسَنُ تَأْوِيلاً . أَوْفَى فلانًا حَقَّه : أَعطاه إيَّاه وافيًا تامًّا يعني ساعة ما تكيل والكيل اعتقد انه غير الميزان يعني زمان اللي مكانش عنده ميزان كان عنده حجم معين يساوي الوزن مثلا كوز حجمه يوزن كيلو مثلا وبالتالي املاها كويس مش تحطها ناقصة والوزن يكون بالقسطاس يعني الميزان اللي فيه علامة يكون عند العلامة والمستقيم يعني المظبوط مش المعووج وتصوروا هنا زي ما يكون ربنا بيقول لنا اعملوا المعيار صح يعني صححوه مش تسيبه زي ما يكون ودلوقتي المهندسين بيعملوا معايرة للاجهزة بين وقت والتاني يعني بعد فترة لازم تتاكد ان الجهاز بيشتغل كويس زي ما يكون ربنا بيقول لنا عايروا اجهزتكم سبحان الله سبحان الله كمان انه بيقول انه ده خير واحسن تأويلا وفي المعاجم بيقولك التأويل يعني الرجوع وساعات يقول الوصول لشيء يعني مش بس احسن للمكان اللي توصل له ولكن احسن لان مفيش حاجة ترجعلك تاني يؤؤل اليه يعني يعود اليه سبحان الله لان الميزان الوحش او الكيل الغلط حيرجعلك تاني بمشاكل من الطرف اللي بتضحك عليه ...

حاليا عندنا كميات من ورق المورينجا حاليا عندنا اعداد من الفراخ المتربية في اجواء بعيدة عن الهورمونات والاكل المليء بالمكونات الحيوانية حاليا عندنا اعداد من البط المتربي في البيوت حاليا عندنا بنات بتشتغل احسن جودة في الكروشيه حاليا عندنا بنات بتشتغل احسن جودة في التاتينج حاليا عندنا بنات بتعمل شغل تلضيم في الخرز وممكن تعمل كمان للمجوهرات مش بس خرز ولكن ما عندناش ناس تهتم بانها تمسك المنظومة وتعمل لنفسها شركة صغيرة تسوق المنتجات دي ليه ما يجيش شاب او شابة متخرجين من الكليات اللي بيدرسوا التسويق ويعمل لنفسه مشروع يستغل المنتجات دي او الناس دي لعمل انتاج ويعمل هو على توزيعه انا بامهد لكم ارض علشان الناس تلاقي مصدر رزق ولكن اللي بينتج عايز اللي يخدم عليه ويبيع له يالا يا شباب اللي شايف ان اي من المنتجات اللي فوق ممكن يلاقيلها سوق منتظم ياخد كميات كبيرة وتبقى win win يتواصل مع Future Protectors Association جمعية حُماة المستقبل

مشكلة مصر مفيهاش حلم الشباب يحلمه ويعيش فيه ويحققه

وَلاَ تَقْرَبُواْ مَالَ الْيَتِيمِ إِلاَّ بِالَّتِي هِيَ أَحْسَنُ حَتَّى يَبْلُغَ أَشُدَّهُ وَأَوْفُواْ بِالْعَهْدِ إِنَّ الْعَهْدَ كَانَ مَسْؤُولاً . في الاية ربنا بيقول ولا تقربوا يعني ما تقربوش منه الا لو كانت حاجة كويسة يعني مسموح انك تقرب من مال اليتيم لو كنت حتعمل حاجة احسن وكلمة احسن يعني احسن من اللي هو فيه يعني ما تجيش تقرر تاخد ماله وتعمل تجارة فاشلة وهو كان في حاجة كويسة وده لغاية لما يشتد ويعرف يقرر هو بنفسه ويستلم ماله وبعدين على طول بعديها بيكلمنا عن العهد اننا لازم نوفي بيه انت عاهدت ربنا او عاهدت نفس او عملت عهد مع حد في جميع الحالات انت مسؤول يعني حتتحاسب عنه لان المسؤول هو الشخص اللي بيتحاسب على الحاجة

منقولة . ما الفرق بين : الأبدي ، الأزلي ، الأمدي ، والسرمدي. ؟؟؟ - الأبدي : الذي لا نهاية له . - الأزلي : الذي لا بداية له . - الأمدي : مابين بداية ونهاية - السرمدي : الذي لا بداية ولا نهاية له . 🌼 ما الفرق بين التحسس والتجسس ؟؟ - التحسّس : تتبّع أخبار الناس بالخير ( اذهبوا فتحسّسوا من يوسف ) - التّجسّس : معرفة أسرار الناس بالشر ( ولا تجسسوا ) ما الفرق بين : الصمت والسكوت ؟ - الصمت : يتولد من الأدب والحكمة . - السكوت : يتولد من الخوف . ✍ ما الفرق بين ✍ الكآبة و الحزن ؟ - الكآبة : تظهر على الوجه . - الحزن : يكون مضمراً بالقلب . أعاذكم الله منهما . ✍ ما الفرق بين ✍ شرقت الشمس و أشرقت الشمس - شرقت : بمعنى طلعت - أشرقت : بمعنى أضاءت ( وأشرقت الأرض بنور ربها ) ✍ مالفرق بين ✍ التعليم والتلقين ؟ - التلقين : يكون في الكلام فقط ، - التعليم : يكون في الكلام وغيره نقول : لقنه الشعر ، ولا يقال : لقنه النجارة . ✍ ما الفرق بين ✍ الجسد والبدن ؟ - الجسد : هو جسم الانسان كاملاً من الرأس إلى القدمين . - البدن : فهو الجزء العلوي فقط من جسم الإنسان ....

من اكبر الموبقات في السنوات الماضية في الريف ان الفلاح شعر انه انهى مهمته مع ابنه حين استلم شهادة التخرج سواء من جامعة او معهد وانه بذلك وضع في خانة الاب الصالح والام الصالحة ومن وسائل الصلاح التي رأيتها ان احدى السيدات طلبت مني مبلغ 200 جنيه لكي تنجح ابنتها وسألتها عن الدروس التي ستأخذها لاني ممكن اساعد ولكنها القت الي بالخبر دول رشوة للناظرة . . لا ادري هل بكيت ام ضحكت وقلت لها وليه تشتري الشهادة ما قيمتها اذا كانت ابنتك لم تتعلم رفضت بشدة ان اساهم في رشوة وتركتني وهي تسب وتلعن لاني وقفت في مستقبل ابنتها . وتقولولي مفيش تعليم لا احنا ما عندنا ش ضمير اساسا

الحب للطفل يعطيه الامان بان هناك من يراعيه ولن يتركه ولكن هناك بعض من الحب المبالغ فيه الذي يشعره ان هذا الحب هو حقه من الجميع وانه يجب ان يكون محبوبا لانه يستحق ذلك دائما اشعره انه يجب ان يراعي الاخرين لكي يحصل على هذا الحب دائما اشعره انه يجب ان يحب الاخرين ولا يؤذيهم دائما اشعره ان مسئول عن نفسه وانه كلما اعتمد على نفسه كلما كان محبوبا اكثر دائما اشعره ان المجتمع من حوله ينظر اليه انه مسئول وليس عالة دائما اشعره ان للحب اشكال وليس كلها ان يتدلل ولكن من انماط الحب التوجيه الطفل يبحث عن الحالة التي كان بها وهو رضيع وهو ان ياكل ويشرب ويلعب ويهتم به الاخرين ولا يتحمل المسئولية لا تترجم له الحب بالهدايا ولكن بالوقت الذي تلعب معه فيها اجعل هناك نصف ساعة في اليوم تقرا له قصة او تلعب معه لعبة لكي تبني جسور التواصل بينكم لكيلا ياتي الوقت الذي تبحث فيه عن تلك الجسور فلا تجدها

صباح الفل النهاردة انا كنت عايزة اتكلم على حاجة مهمة فيه ناس بتبحث عن الحب وان الناس تحبها انا باقول الحب بيذوي في الغالب لان الشيطان بيعرف يلعب فيه ويغير القلب ويستخدم العبرات والنظرات في تأويل ان الحب بينتهي او ان الحب كان له غرض وخلافه ويقولك بص بيقولها ازاي وبص بيبص لك ازاي انما الاحترام ده مش بينتهي وتقدر تتحكم فيه لو اللي قدامك احترمك حيحبك ولكن لو بيبحبك مش لازم يحترمك ممكن بالعكس تلاقي ناس بتحب ناس وبتستهين بيها الاحترام يدوم ما دمت تحترم نفسك وتخاف ان تهبط بها وبالتالي احترام الناس لك يدوم ما دمت محترما ابحث في علاقاتك مع الاخرين على الاحترام وليس الحب وسيأتي الحب آجلا او عاجلا وسيكون مستدام

في سورة الاسراء كل المحذورات والمحظورات من اول الاية 22 تتكرر كلمة لا في اول الجملة الاية 22 لاَّ تَجْعَل مَعَ اللَّهِ إِلَهًا آخَرَ فَتَقْعُدَ مَذْمُومًا مَّخْذُولاً الاية 29 وَلاَ تَجْعَلْ يَدَكَ مَغْلُولَةً إِلَى عُنُقِكَ وَلاَ تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا الاية 31 وَلاَ تَقْتُلُواْ أَوْلادَكُمْ خَشْيَةَ إِمْلاقٍ نَّحْنُ نَرْزُقُهُمْ وَإِيَّاكُم إِنَّ قَتْلَهُمْ كَانَ خِطْءًا كَبِيرًا الاية 32 وَلاَ تَقْرَبُواْ الزِّنَى إِنَّهُ كَانَ فَاحِشَةً وَسَاء سَبِيلاً الاية 33 وَلاَ تَقْتُلُواْ النَّفْسَ الَّتِي حَرَّمَ اللَّهُ إِلاَّ بِالْحَقِّ وَمَن قُتِلَ مَظْلُومًا فَقَدْ جَعَلْنَا لِوَلِيِّهِ سُلْطَانًا فَلاَ يُسْرِف فِّي الْقَتْلِ إِنَّهُ كَانَ مَنْصُورًا الاية 34 وَلاَ تَقْرَبُواْ مَالَ الْيَتِيمِ إِلاَّ بِالَّتِي هِيَ أَحْسَنُ حَتَّى يَبْلُغَ أَشُدَّهُ وَأَوْفُواْ بِالْعَهْدِ إِنَّ الْعَهْدَ كَانَ مَسْؤُولاً الاية 36 وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُوْلَئِكَ كَانَ عَنْه...

وَلاَ تَقْرَبُواْ الزِّنَى إِنَّهُ كَانَ فَاحِشَةً وَسَاء سَبِيلاً . كلمة لا تقربوا كلمة جامدة كلنا عارفين ان لا تقربوا اكتر من كلمة حرام يعني لو قلت لابنك ما تكلمش فلان ولله المثل الاعلى غير ما تقوله ما تقربش منه وبالتالي اي حدث او حاجة او لبس او مكان بيقربني منه يبقى حرام وبالتالي اني اتفرج عليه في فيلم برضه حرام الفَاحِشَةُ : القبيحُ الشنيع من قولٍ أو فعل يعني قبيح حتى لما الافلام بتحاول تحطه بشكل يجعلك تقبله فهو قبيح والكلمة الاخرانية طبعا لمن اتخذه سبيلا والعياذ بالله

وَلاَ تَقْتُلُواْ أَوْلادَكُمْ خَشْيَةَ إِمْلاقٍ نَّحْنُ نَرْزُقُهُمْ وَإِيَّاكُم إِنَّ قَتْلَهُمْ كَانَ خِطْءًا كَبِيرًا . لما قريت الاية دي لقيت الخطأ ربنا قايله خِطْءًا وحبيت اعرف الفرق ولقيت ان في المعاجم كلمة خطِئَ الشَّخصُ : أذنب ، تعمّد الذَّنبَ وده اكيد اللي بيعمله اللي بيموت طفله سواء قبل او بعد ما يتولد تلاقي الام في الجنين تسأل ألف مرة وتحاول تعرف اذا كان ربنا حيسامحها والا لأ وتلاقي الاب اللي بيدفن ابنته في الجاهلية هو عارف ان ذنب وبيعمله طبعا معظم الناس بيهمها الفلوس واذا كان الاجهاض او القتل كما اسميه من خشية الاملاق الاملاق يعني الفقر بس الفقر اللي زي الطبق بعد ما تلحسه امَّلق الشَّيءُ : انملق ، صار أملس يعني اللي خايف من الفقر الشديد بسبب الطفل ده يبقى لازم يعرف ان ربنا عنده رزقه انا ضد ان الناس ما تعملش تحديد للنسل او على الاقل تنسيق او غيره لكن مش بالاجهاض لعل الطفل ده كان رزقك مرهون بيه لعل الطفل ده اللي يشيلك لما تكبر لعل الطفل ده يكون طريقك للجنة الطفل هدية جاءت من عند الله لا انت اللي جبتها ولا رغبتك اللي حققتها انما هي رزق زيها زي الفلوس ويا...

إِنَّ رَبَّكَ يَبْسُطُ الرِّزْقَ لِمَن يَشَاء وَيَقْدِرُ إِنَّهُ كَانَ بِعِبَادِهِ خَبِيرًا بَصِيرًا . . بسط الرزق يعني يبقى سلس كدة ومش معقد وما تطلعش فوق وتنزل تحت زي ما يكون قدامك وحتى احنا لما نقول ده مبسوط بتبقى معنى السلاسة والفرحة ولكن عكسها ربنا ما خلهاش معقدة ولكن خلاها يقدر ويقدر في اللغة العربية يعني "قَدِرَ الشيءُ : قَصُرَ " يعني قصر مش مبسوط للاخر وهي كلمة قريبة من القدر يعني الكمية المحسوبة باحس هنا انا ربنا بيقول ان بيخلي الرزق سهل عليك او بتتعب فيه لانه خبير وبصير بيك ربنا عارفك اكتر واحد وهو اللي عارف امتى يديك وامتى يمنع عنك وامتى يسهل عليك وييسر ويبسط وامتى يقدر ويقصر وعلشان كدة سيبها فعلا على الله حيفتحها ويبسطها لما يشاء وبالشكل اللي بيشاءه هنا كمان ربنا زي ما يكون بيكلمنا بيقول ربك مش الله يعني فيها خصوصية للناس اللي مؤمنة بربها وعارفة ان ربه حيعطيه او يمنع عنه لانه خبير بيه وبصير بحاله

حين يشعر الانسان المصري بمسئوليته المجتمعية سيضع القمامة في مكانها وحيدهن البيت باللون اللي يريح عيون الجيران

مصر ستتقدم فقط حين يعلم كل فرد فيها ان عليه مسئولية مجتمعية وانه جزء من منظومة كبيرة وانه في مقابل كل قبح يجب ان يضيف جمالا وفي مقابل كل فساد يجب ان يضيف امانة وفي مقابل كل كل سيء يجب ان يضيف حسنا حتى يعدل الكفة عشنا عشرات السنوات نقول نفسي نفسي ويجب الان ان نقول وطني وطني

مش لازم تكون دارس للاكواد الكونية ولكن لازم تعرف تقرا الرسائل اللي ربنا بيبعتها انا في يوم كنت عايزة اروح مشوار وقررت اخد تاكسي لان عربيتي وقتها كان واحد سادد عليها من شركة جنبنا وعلى ما يجيبوه انا مش باقدر اقف كتير رحت ناديت على تاكسي وقف ثلاثة في نفس الوقت وواحد منهم كان حيخبط في اللي قدامه اخذت اول تاكسي قدامي وخلصت مشواري وبعدين باطلب تاكسي علشان ارجع لقيت التاكسي وقف ولما ركبت قال لي انا عارف انتي ساكنة فين اتخضيت قال لي الصبح كنت حاخبط في اللي قدامي علشان خاطرك وربنا بعتك بعد الظهر علشان لي نصيب اخذ منك الاجرة رسالة من الله كام مرة اتاخرت وكان التاخير لصالحك كام مرة عكيت الدنيا وافتكرت ان الدنيا اتلخبطت وطلع العك لصالحك كام مرة عييت وطلع العيا ده منعك من حاجة وحشة كام مرة اتعرضت لحاجة وقلت سبحان الله الموضوع ده رسائل كلنا لازم ناخدها في حسباننا ونعرف ان الحكمةم بعد كدة بتجي من قراءة رسائل الرحمن واعتبارها ووضعها خبرة معنا نستدعيها عند اللزوم

· وَلاَ تَجْعَلْ يَدَكَ مَغْلُولَةً إِلَى عُنُقِكَ وَلاَ تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا. . ولا تجعل يدك مغلولة الى عنقك تعبير جامد على الانسان لما يبخل كانه مكتف ايده في رقبته ورمز ان الايد هي اللي بتصرف رغم ان الدماغ هي اللي بتقرر ولكن انا درست السنة اللي فاتت كورس عن تـأثير اعصاب اليد في سلوك الانسان وبالذات في الصرف يعني لو انت مش بتشتغل بايدك كويس يعني مش بتكتب بقلم او بترسم او بتستخدمها ايا كان استخدامك فهي بتتسبب في ان اعصاب الايد بتضعف وبالتالي المخ يبتدي يشعر بان الطريق مش سالك ويبتدي يخاف من انه عنده مشكلة ويبدأ المخ في الشعور بالتهديد وان اول رد فعل يعمله في هذه الحالة انه يحتفظ بما لديه خوفا من ان يده لن تستطيع الوصول الى شيء اخر اليد هي اللي بتغل في الحالة دي ولا تبسطها كل البسط يعني تفتحها للاخر وفي الحالة دي مش بتحتفظ باي حاجة ولكن بتصرف كل ما لديك فتقعد يعني حالة تدل على الحسرة انك تقعد تراجع نفسك وانت محسور ولكن ملوما دي جاية من ان اكيد الناس اللي انت مسئول عنهم حيلوموك انك بتصرف كل حاجة وبالتالي لوم وحسر...

وَإِمَّا تُعْرِضَنَّ عَنْهُمُ ابْتِغَاء رَحْمَةٍ مِّن رَّبِّكَ تَرْجُوهَا فَقُل لَّهُمْ قَوْلاً مَّيْسُورًا . الكلام ده احنا محتاجينه اللي مش قادر تعمل له اللي هو عايزه سواء مستني منك حسنة او مستني مساعدة او مضطر انك تسيبه لازم تقول له قولا ميسورا ميسورا يعني ايه سَهْلٌ سَمْح قليل التشديد . لازم تقول لهم كلام سهل يتفهم وبابتسامة حلوة وده ينطبق على الاهل كمان مامتك قالتلك اعملي حاجة وانت مش قادر علشان وراك حاجة كلمة حلوة سهلة على قلبها باباك قال لك وصلني لحتة وانت مشغول يبقى كلمة سهلة حلوة واحد جاء يستلف منك يبقى اعتذار بكلمة سهلة حلوة المهم القول الميسور

في امريكا عاملين طريقة حلوة قوي للحفلات علشان الصوت ما يعملش ازعاج اللي بيحضر الحفلة بيسلموه سماعات بدون سلك wireless headphone والدي جي بيعمل الاغاني والحاجات دي كلها وهو كمان لابس السماعات وتنتهي العملية ان محدش سامع الا الناس اللي حاضرة مش عارفة هي ينفع نعمل كدة ياريت علشان محدش يشتكي من الصوت

إِنَّ الْمُبَذِّرِينَ كَانُواْ إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورًا . المبذر اخو الشيطان طيب ليه الشيطان عايزك تغلط له وسائل كتيرة لانك تغلط واهمها انك تقول ما فلان بيعمل طيب اللي معاه فلوس وبيعمل ماشي واللي معاه صحة وبيعمل ماشي لكن اللي مش معاه بيبقى عايز يعمل ومش قادر فبيسرق او يستلف ويعجز عن السداد وتبتدي ديلمة التهرب والهروب وغيرها اللي في النهاية لو ربنا اراد له بعض المغفرة حيتسجن والتبذير مش بس في الفلوس يعني اللي بيصرف من صحته على البنات والهلس ده برضه بيبقى مثل يحتذى لذوي النفوس الامارة بالسوء والضعيفة ويفضل يحاول هو كمان يعمل ويعمل زيه بكدة هم اخوان الشياطين

وَآتِ ذَا الْقُرْبَى حَقَّهُ وَالْمِسْكِينَ وَابْنَ السَّبِيلِ وَلاَ تُبَذِّرْ تَبْذِيرًا . . القريب له حق والمسكين وابن السبيل له حق كل واحد من الثلاثة دول له حق عليك بس احنا في مجتمعنا مش حاطين طريقة كويسة للحقوق دي القرايب مش مشكلة لان الناس بتعرف بعضها لكن المسكين وابن السبيل المسكين ممكن يكون موظف او تاجر تجارته صغيره او صاحب صنعة لان الناس دي مش بتاخد حقها بالحلال وبالنظام بتاخد حقها بالفهلوة والاستنطاع يعني لو المسكين عايش عيشة كريمة تقدر تزعق له لو اخد اكتر من حقه ولكن لو هو مش عايش اساسا والا عيشته ضنك فهو بيتصرف بدون الوازع الاخلاقي والديني وبيبقى صعب عليه انه يحط حدود واضحة في الماديات لانه بيعتبر انه محتاج كل لقمة زيادة وانه اللي يعوزه البيت وبيحط لنفسه ذرائع كتيرة تخليه يـاخد منك ومن غيرك لازم نعمل طريقة ونفكر فيها لكي يحصل الانسان المصري على حياة كريمة تمنعه من التحايل والفهلوة

حسبي الله ونعمل الوكيل في كل واحد عامل نفسه دي جيه او هو دي جيه بحقيقي ومعلي الصوت ومش مهتم بالناس اللي بتتضايق وبالذات جنب مساكن الناس وفي وسط البيوت وكمان مرة حسبي الله ونعم الوكيل وكمان مرة حسبي الله ونعم الوكيل وكمان مرة حسبي الله ونعم الوكيل

من ضمن الشعور الشديد بحب الله ان المياه تضرب في الحمام وكمية المياه اللي طالعة ممكن يغرق البيت كله ( خصوصا ان فوقي 7 ادوار ممكن كلهم يشغلوا الغسالات بتاعتهم ) وتلاقي السباك كان موجود في العمارة ييجي في ساعتها في اقل من نصف ساعة احمدك يا رب

صباح الفل يا جماعة النهاردة الست اللي بتساعدني في البيت قالتلي ان في الريف عندها في قرية في البحيرة فيه مجموعة من الناس او حكماء القرية اجتمعوا وقرروا يفوتوا على بيوت الناس كلها ويعملوا جلسات ويطلبوا من المقتدرين انهم يوفروا في جهاز بناتهم علشان ما يسنوش سنة ان البنت تتجوز بجهاز كتير يعني في الريف البنت لازم تتجوز بغسالتين واحدة لهدومها وواحدة للاطفال وثلاجة وديب فريزر والدواليب لازم تتملى هدوم واطقم الحلل بالخمسة والستة والفوط والملايات بالمئات وهكذا يعني الناس دي ممكن تع مل فرق في القرية وعلى الاقل اذا كان ده رأي الحكماء على الاقل البنت اللي مش في مقدروها ممكن تتجوز على قدها ويبقى مش مسكوفة من اللي جايباه على الاقل تقول للناس ان ده اللي اتفقنا عليه اتمنى اننا في كل قرية حكماءها يعملوا السنة الجميلة دي وانهم يفوتوا على اغنياء وفقراء القرى ويتفقوا على عدم المبالغة ويتفقوا على جهاز معين يطلب من العروسة ونبطل التباهي بالموضوع اللي دخل رجالة كتير السجن بسبب بناتهم

رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأَوَّابِينَ غَفُورًا . الاواب هو كثير العودة لله تعالى او كثير التوبة والاستغفار الاواب يعني واحد مش بيبعد عن ربنا كل شوية يرجع له ويفضل كل ما يعمل حاجة غلط يرجع له تاني وتالت يعني على طول راجع لربنا الاواب اتقالت كتير على انبياء الله انه اواب يعني داوود كان كثير العودة الى الله وغيره اتمنى ان كل منا يكون عنده الرغبة انه ما يبعدش عن ربنا ويبقى اواب كل شوية حتى لو غلط يرجع تاني لربنا وكل شوية يرجع له ربنا يجعلنا من الاوابين

وَلاَ تَجْعَلْ يَدَكَ مَغْلُولَةً إِلَى عُنُقِكَ وَلاَ تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا. . ولا تجعل يدك مغلولة الى عنقك تعبير جامد على الانسان لما يبخل كانه مكتف ايده في رقبته ورمز ان الايد هي اللي بتصرف رغم ان الدماغ هي اللي بتقرر ولكن انا درست السنة اللي فاتت كورس عن تـأثير اعصاب اليد في سلوك الانسان وبالذات في الصرف يعني لو انت مش بتشتغل بايدك كويس يعني مش بتكتب بقلم او بترسم او بتستخدمها ايا كان استخدامك فهي بتتسبب في ان اعصاب الايد بتضعف وبالتالي المخ يبتدي يشعر بان الطريق مش سالك ويبتدي يخاف من انه عنده مشكلة ويبدأ المخ في الشعور بالتهديد وان اول رد فعل يعمله في هذه الحالة انه يحتفظ بما لديه خوفا من ان يده لن تستطيع الوصول الى شيء اخر اليد هي اللي بتغل في الحالة دي ولا تبسطها كل البسط يعني تفتحها للاخر وفي الحالة دي مش بتحتفظ باي حاجة ولكن بتصرف كل ما لديك فتقعد يعني حالة تدل على الحسرة انك تقعد تراجع نفسك وانت محسور ولكن ملوما دي جاية من ان اكيد الناس اللي انت مسئول عنهم حيلوموك انك بتصرف كل حاجة وبالتالي لوم وحسرة

انظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلآخِرَةُ أَكْبَرُ دَرَجَاتٍ وَأَكْبَرُ تَفْضِيلاً . يعني لو فاكر انك في الاخرة كلنا زي بعض تبقى غلطان ربنا بيقول شوف اللي فضلنا بعضهم على لعض في الدنيا الآخرة برضه حيكون فيه درجات وتفضيل وصحيح مش حيكون فيه غل بس حيكون في تفضيل من ضمن التفضيل اللي مش بيحسه اللي عايشين في الدنيا وهي اكبر نعمة هي رؤية الله عز وجل تصوروا اللي خلق الجمال البديع لما تشوفه هو لا اله الا هو ده بيختص بيه ناس وناس يارب اجعلنا من اللي بتتجلى عليهم لو قبلتنا عندك في الجنة

لاَّ تَجْعَل مَعَ اللَّهِ إِلَهًا آخَرَ فَتَقْعُدَ مَذْمُومًا مَّخْذُولاً . مش كل واحد فاهم ازاي يكون مع الله اله اخر فيه واحد بيعتبر ان ذكاؤه ده هو اللي وداه وجابه وهو اللي عطاه وخلاه يعني بيبقى عاطي لحاجة من العطايا الربانية صفة اكبر من قيمتها وينسب لها كل حاجة في حياته ده بيعتبر بيشرك بربنا شرك خفي وواحد يتكلم يقول لك انا تاجر شاطر انا ما ادخلش في صفقة الا واخلصها ويتكلم عن شطارته وان فلوسه دي كلها من شطارته في التجارة ويحط التجارة في درجة المعطي وده شرك خفي برضه اعرف ان كل حاجة ممشياك ببركة ربنا ومشيئته بجد ولو ما عرفتش كدة ابقى شوف بقى لما تعجز وذكاءك يقل والا شطارتك تروح والا زي الوليد بن طلال تلاقي الدنيا قلبت عليك حتعمل ايه ساعتها

اولاد العيلة كانوا بيقولوا ياريت كوكا مامتنا بنتي كانت تقول لهم ما تتخدعوش شوفوها وهي متنرفزة وبتربينا #بلاش_اونكل_كوكا_ماتنفعش

جئنا للمهم الاية اللي كلنا حفظناها بسم الله الرحمن الرحيم وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا (23) . اولا ان ربنا قضى يعني امر بالتنفيذ اننا ما نعبدش غيره ثم بعد كدة على طول نحسن لوالدينا وطبعا الاحسان مش بس يعني نعمل الحاجة احسن لان الاحسان يعني وانت بتعامل اهلك تعمل حسابك ان ربنا شايفك وعارف اللي بتعمله الاحسان في الدين ان كل اللي بتعمله بتبقى شايف ربنا قصادك ودي صعبة وبالتالي مش ناس كتير بتعملها انها بتستحضر ربنا في حياتها كل يوم وكل ساعة ومع كل واحد ولكن لو عرفت تعمل كدة يبقى كسبت حب الله على طول ولما يكبروا نحترمهم وما نتضايقش منهم بشكل ملاحظ وقدامهم نعبر عن الضيق ولما يكبروا ما ننهرهمش يعني ما نغضبهم ونزجرهم وخلي بالك النهر قريبة من النهر اللي هو الماء الدافق يعني تتكلم وتعاتب وتقول وراء بعضه مش بس بلاش لا تنهر يعني تعاتب وراء بعضه زي المية النازلة وبعدين تقول قول كريم ط...

في كل مملكة هناك الملك وهناك المستشارون وهناك المحارب او المنفذ للخطط في مملكة الجسد الملك هو القلب والمحارب هو العقل وهناك المستشارون وهم الدين او العقيدة والعرف والقانون اما الشعب فهو الضمير الذي يوافق ويرفض ما يقوم به القلب فتجد العقل ينفذ الاوامر التي وافق عليها القلب بعد استشارة الوزراء ان ما يعجبك وقلبك يميل له تتحمس له وتأمر عقلك فعندما يكون مباحا تسعد الشعب كله وتجد انك نشيط وسعيد وانه لا اعتراض من اي من اجزاء الجسد ولكن حين يكون عملا يرفضه الدين او العرف او القانون ولكن القلب يريده فيجبر العقل على تنفيذه فيسيتيقظ الضمير ويمرض الشخص بامراض اما عضوية او نفسية او عصبية وهناك من الامراض التي تظهر على اعضاء من الجسد مثل الصداع او القلب او الازمات الربوية وتلك الاعراض حين لا يكن لها سببا من ميكروب او عدوى تكن في الغالب رفضا جسديا لموضوع يقلق او يضايق او يؤرق الضمير حاول ان تتبع مستشاريك في رأيهم لكيلا تحصل على عقاب من ضميرك يؤذي جسدك

بدأت تكثر المقولات عن استقرار وضع حسني والعك اللي احنا فيه طيب قولولي اول اسباب العك اللي احنا فيه هو الاقتصاد هي اقتصاد حسني كان بيعتمد على الصناعة او الزراعة لا كان بيعتمد على السياحة ومكانش كمان بيدعم كل اطرافها كان بس بيكبر في شرم الشيخ والسياحة الشاطئية في خلال حكمه ما عملش مستشفى ولا مدرسة عليها القيمة بالعكس سمح للفساد داخل وزارة التربية والتعليم والمباني التعليمية حتى المدارس اللي بتتهد مش بتتبني تاني في خلال حكمه المصالح الحكومية تراخت الى حد ان مرافق المياه والكهرباء والصرف الصحي تخلت عن الجودة والعمل واصبحت زي الجمعية الخيرية اللي بتدي الموظفين اعانة شهرية دون متابعة اعمالهم واصبح فيه شبكات فيها تلوث زي عند النجوع اللي باروحها ونسبة الاملاح اعلى من المسموح به صحيا في خلال فترة حكمه الصناعات كلها انحدرت ولم يكن هناك اي دعم لها الزراعة لم ينظر لها والخدمات الملحقة بها كلها عفا عليها الزمن وشاخت البلد لم يكن لها حكومة ولا يعرف من يعمل بها ان عليه ان يرقى بها بل شعر ان عليه ان يقضي ست ساعات على مكتبه وهذا ما هو مطلوب منه الخصخصة قامت ببيع كل ما يمكن ان يساع...

في مسند الإمام أحمد عن عبد الله بن عمرو قال رسول الله صلى الله عليه وسلم : وَالَّذِي نَفْسُ ‏ ‏مُحَمَّدٍ ‏ ‏بِيَدِهِ إِنَّ مَثَلَ الْمُؤْمِنِ ‏ ‏لَكَمَثَلِ النَّحْلَةِ أَكَلَتْ طَيِّبًا وَوَضَعَتْ طَيِّبًا وَوَقَعَتْ فَلَمْ تَكْسِر ولم تُفْسِد .ْ صححه الشيخ أحمد شاكر والشيخ الألباني . بمناسبة اننا في سورة النحل الرسول عليه الصلات والسلام بيحلف ان المؤمن زي النحلة وورانا هي بتعمل ايه انها بتاكل الطيب وتضع الطيب ولو وقعت لم تكسر ولم تفسد انا سمعت محاضرة نعمان على خان بيتكلم على الحديث ده وكانت محاضرة من اجمل المحاضرات اللي تنفع في الدراسات الاجتماعية والتنمية البشرية المحاضرة بتتكلم ازاي الانسان ما يبقى في جمال اخلاق النحلة انصحكم تسمعوها هي للاسف مش مترجمة باللغة العربية وانا حاحاول لو ربنا قدرني اترجمها هي بالانجليزية

وَأَوْحَى رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتًا وَمِنَ الشَّجَرِ وَمِمَّا يَعْرِشُونَ .. . النحل بالذات ربنا بيوحيله يعمل ايه ويروح فين وفي الحديث الرسول بيقول ان المؤمن زي النحلة فيه دراسة بتقول لو انتهى النحل اللي في العالم يبقى فاضل للعالم اقل من يوم وينتهي يعني النحل علامة الحياة الطبيعية السليمة النحلة من علاماتها انها ما تقفش على زهرة وقفت عليها نحلة تانية نهائي النحلة ما تهجمش الا تحت تهديد النحلة ما تكسرش الزهرة اللي واقفة عليها النحلة لا يمكن تقف على زهرة غير سليمة او معطوبة المؤمن اللي زي النحلة ما ياكلش الا الطيب ما يطلعش منه الا الطيب المؤمن يعطي وياخد المؤمن ما يكسرش حد وبالاخص اللي بيتعامل معاهم المؤمن ما يهجمش الا على اللي هجم عليه المؤمن يشارك الناس في رزقه ما يخافش عليه ليخلص

B a B Be a Bee من هنا ورايح ده شعاري

الشيطان ما يروحش لواحد متسامح ويقول له ازاي ده يعمل معاك كدة يروح له ويقول له ازاي خليته يعمل كدة انت السبب في انه خرج عن طوعه وعمل كذا . . خلي بالك مش كل فكرة سامية جاية منك هو الشيطان عايزك تفقد الثقة في نفسك وفي الله وبالتالي تفقد توازنك وتقع في حضنه يلعب بيك زي ما هو عايز اي فكرة تزعلك سواء من الناس او من نفسك وراها شيطان ما عايزك تزعل

سورة النحل بتتكلم عن الحلفان وان الحلفان ده فيه ناس بتاخده سكة علشان تصدقها كذا اية بتتكلم عن الايمان . وَأَوْفُواْ بِعَهْدِ اللَّهِ إِذَا عَاهَدتُّمْ وَلاَ تَنقُضُواْ الأَيْمَانَ بَعْدَ تَوْكِيدِهَا وَقَدْ جَعَلْتُمُ اللَّهَ عَلَيْكُمْ كَفِيلاً إِنَّ اللَّهَ يَعْلَمُ مَا تَفْعَلُونَ . . الحلفان ده عهد بينك وبين ربنا وبالذات الحلفان الغليظ والتأكيد عليها لان انت حطيت ربنا في المعادلة اللي بينك وبين الناس . وَلاَ تَكُونُواْ كَالَّتِي نَقَضَتْ غَزْلَهَا مِن بَعْدِ قُوَّةٍ أَنكَاثًا تَتَّخِذُونَ أَيْمَانَكُمْ دَخَلاً بَيْنَكُمْ أَن تَكُونَ أُمَّةٌ هِيَ أَرْبَى مِنْ أُمَّةٍ إِنَّمَا يَبْلُوكُمُ اللَّهُ بِهِ وَلَيُبَيِّنَنَّ لَكُمْ يَوْمَ الْقِيَامَةِ مَا كُنتُمْ فِيهِ تَخْتَلِفُونَ . اللي بيحلف ويرجع في كلامه زي اللي بيغزل حاجة متينة ويروح مفتتها وفاككها بعد ما يعملها يعني انت عملت عهد بينك وبين حد بالحلفان ده لما قلتله والله حارجعالك بكرة وهو صدقك وانت ناوي تاخده خالص او بتماطل على ما تستفيد منه للاخر فكدة انت بوظت على نفسك وربنا بيقول لنا انما يبلوكم الله به وقوة ال...

يَوْمَ تَأْتِي كُلُّ نَفْسٍ تُجَادِلُ عَن نَّفْسِهَا وَتُوَفَّى كُلُّ نَفْسٍ مَّا عَمِلَتْ وَهُمْ لاَ يُظْلَمُونَ . . اجمل حاجة يوم الحساب ان مفيش ظلم لا واسطة ولا محسوبية انت وكتابك والملائكة اللي بيحسبوا اعمالك يعني تجادل وتقول مكانش قصدي لا طبعا ما ينفعش لان نيتك محسوبة . انا في العادة باحضر ملف حياتي علشان لما اقابل ربنا وفي الاخر ربنا هو العالم باللي باعمله يعني لو انت نيتك في العمل الخير واتلخبط منك لاسباب خارجة عن ارادتك يبقى انت من الاصل النية كانت سليمة والعمل للاخر وهكذا المهم محدش حيتظلم كله حياخد حقه

إِنَّ إِبْرَاهِيمَ كَانَ أُمَّةً قَانِتًا لِلَّهِ حَنِيفًا وَلَمْ يَكُ مِنَ الْمُشْرِكِينَ . . ان ابراهيم كان امة الكلمة دي االلي كانت دايما بتخليني عايزة ابقى زي سيدنا ابراهيم ما ابقاش لوحدي ابقى انا واولادي كلهم في حب الله وبنسير على خطى ارضاء الله كنت دايما عايزة ابقى زيه ولما باعمل الخير اقول يارب لو كان لوجهك الكريم رده لي في ذريتي حنيفا يعني ماشي لقدام مش بيعوج مستقيما وخاضعا لله يعني قانت ولم يك مشركا مع الله اي شيء هو اصل الاديان اللي دلوقتي اغلب البشرية ماشية عليها سواء الاسلام او المسيحية او اليهودية هو اصلنا كلنا   شَاكِرًا لِّأَنْعُمِهِ اجْتَبَاهُ وَهَدَاهُ إِلَى صِرَاطٍ مُّسْتَقِيمٍ . تكملة اية سيدنا ابراهيم انه كان شاكرا لأنعم الله يعني حنيفا قانتا شاكرا وبكدة ربنا اختاره وهداه الى الصراط اللهم اجعلنا مثله واهدنا بهداه وجمعنا معه يوم القيامة

إِنَّمَا جُعِلَ السَّبْتُ عَلَى الَّذِينَ اخْتَلَفُواْ فِيهِ وَإِنَّ رَبَّكَ لَيَحْكُمُ بَيْنَهُمْ يَوْمَ الْقِيَامَةِ فِيمَا كَانُواْ فِيهِ يَخْتَلِفُونَ . . Nagwan Ayoub صديقتي الحبيبة كانت كتبت مقالة صغيرة على السبت ومافعله اليهود في السبت لما منعوا من العمل وربنا اختبرهم بسمك ييجي السبت بس فتحايلوا وحطوا الشباك علشان السمك يمسك فيه يوم السبت وهم من غير ما ينزلوا المياه وقالت ان الحركة دي تحايل على شرعهم وان ربنا عاقبهم عقاب كبير فقط انهم تحايلوا على الشرع ولم يعملوا ضده والحقيقة ان التحايل على الشرع بالنسبة لهم فعلا كبير لانهم كانوا بيجادلوا في كل شيء وسيألوا ويتسائلوا على سبيل المثال البقرة اللي أمرهم يذبحوها في سورة البقرة سألوا وسألوا وسألوا علشان يتحروا على ما تأكدوا ان فيه بقرة معينة ودائما وابدأ دي طريقتهم ولذلك ربنا بيقيم عذابه عليهم شديد من كثرة شدتهم في تأمين انفسهم او العمل في شريعتهم وهنا ربنا جاب سيرة السبت بعد سيدنا ابراهيم لان حسب التفسيرات ان كان سيدنا ابراهيم بيقول ان الجمعة هي اليوم الراحة والمفرغ للعبادة ولكن اليهود اختاروا السبت ونتيجة جدالهم ...

ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ . . دي اجمل اية في السورة وهي ان ربنا بيطلب مننا الدعوة الي سبيل الله بالحكمة والموعظة الحسنة اولا الدعوة حسب اجتهاد نعمان علي خان لا تكن لعدو انما لصديق وبالتالي لا تدعوا احدا وانت متجهم وسخيف ولكن قم بالابتسام والحب للناس اللي بتدعهم الى سبيل الله ثانيا اللي بتدعوه كصديق لازم تكون كريم معاه كأنك واخده بيتك الحكمة دي قصة كبيرة مين صاحب الحكمة وايه هي الحكمة وواضح ان الحكمة دي مش بتتولد بيها انما تأتي اليك ومن يؤت الحكمة فقد اوتي خيرا كثيرا وتعريف الحكمة كما قرأتها "الحكيم هو شخصٌ عاقل يرجح الامور نحو الصواب بما امتلكه من خبرات عبر تجاربه في الحياة " يعني تجارب الحياة هي اللي بتضيف الحكمة وبالتالي الشخص اللي بيقعد بس يقرا من غير ما يمارس الحياة عادة بيفتقد الحكمة في العمل والموعظة الحسنة يعني مش التهديد والوعيد وانك داخل النار كدة كدة اللي بتخلي الناس تقول ما ه...

سُبْحَانَ الَّذِي أَسْرَى بِعَبْدِهِ لَيْلاً مِّنَ الْمَسْجِدِ الْحَرَامِ إِلَى الْمَسْجِدِ الأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ الْبَصِيرُ . في سورة الاسراء اولها ان ربنا ارسل سيدنا محمد بالليل من المسجد الحرام الى المسجد الاقصى وكلمة الذي باركنا حوله دي حاسة انها فرض من ربنا ان المنطقة كلها مباركة مش بس المسجد الاقصى يعني لما الصهاينة يحفروا تحت المسجد علشان يهدوا المسجد ويسيبولنا اللي هم عايزينه ده ما يمشيش معانا المسجد الاقصى كله مبارك وحواليه كمان يعني التبة كلها مباركة وربنا يعيده لنا سالما يارب هو وكل المقدسات الاسلامية والمسيجية من تحت ضرس الصهاينة يارب

وَآتَيْنَا مُوسَى الْكِتَابَ وَجَعَلْنَاهُ هُدًى لِّبَنِي إِسْرَائِيلَ أَلاَّ تَتَّخِذُواْ مِن دُونِي وَكِيلاً . بنو اسرائيل دول حكاية كبيرة قوي تعبوا سيدنا موسى في رسالته وكانوا كثيري الجدل كثيري الطلبات متشككين في كل ما يقوله ولا يعطون احتراما لاحد ولكن من الواضح انه في مقابل ذلك من يتمسك منهم بدينه فيكون قوي جدا في دينه لان بعد كل هذا مش معقول ربنا يحبهم ويبعت لهم بدل النبي مئات وهم بهذا السوء ولكن في السورة دي ربنا بيكلمنا عنهم في ايات تانية لدرجة ان فيه مصاحف تسمى فيها سورة الاسراء بسورة بني اسرائيل وانا لما شفتها في الحرم استغربت واتخضيت الصراحة وقلت معقول قرآن مختلف داخل الحرم وفي الاخر عرفت ان تسميتها كانت اما الاسراء واما بنو اسرائيل

وَقَضَيْنَا إِلَى بَنِي إِسْرَائِيلَ فِي الْكِتَابِ لَتُفْسِدُنَّ فِي الأَرْضِ مَرَّتَيْنِ وَلَتَعْلُنَّ عُلُوًّا كَبِيرًا (4) .فَإِذَا جَاءَ وَعْدُ أُولاهُمَا بَعَثْنَا عَلَيْكُمْ عِبَادًا لَّنَا أُولِي بَأْسٍ شَدِيدٍ فَجَاسُواْ خِلالَ الدِّيَارِ وَكَانَ وَعْدًا مَّفْعُولاً(5) في الكتاب ربنا قال لبني اسرائيل كدة انتم حتعلوا علوا كبيرا بعد ما تفسدن تخيل ربنا بيقول لك حتفسد وتعلوا وبعديها باية حيقولهم انه حيبعت لهم ناس تعاقبهم لا حول ولا قوة الا بالله الناس دي جبارة يعني يفسد ويتعاقب عادي يعني مش نخاف من ربنا وحابعث عليكم ناس اولى بأس المهم احنا ولله الحمد ما عندناش الجبروت ده وربنا يديم علينا نعمة الايمان

وَأَنَّ الَّذِينَ لاَ يُؤْمِنُونَ بِالآخِرَةِ أَعْتَدْنَا لَهُمْ عَذَابًا أَلِيمًا . الايمان بالآخرة مهم جدا يعني هنا ممكن يتعذعذاب اليم بيوجع علشان مش مؤمن انه راجع لربنا الايمان بالاخرة هو ايمان بالثواب والعقاب وان اللي بتعمله مسيرة يرجع لك الايمان بالآخرة يعني ايمان ان اللي خلق الكون ما خلقوش هباءا منثورا ولكن خلقة علشان اللي يعمل خير يلاقيه واللي يعمل شر يلاقيه الايمان بالاخرة رادع لناس كتير في الدنيا ومانع من الانغماس في الحرام

وَيَدْعُ الإِنسَانُ بِالشَّرِّ دُعَاءَهُ بِالْخَيْرِ وَكَانَ الإِنسَانُ عَجُولاً . الدعاء بالشر اعتقد انه مش مقصود به ان الواحد عارف انه شر وبيدعي انه يجيله ولكن بتحصل ان الانسان يدعوا الله بشيء ولا يعلم كم من الشر سيأتي اليه من وراء هذا الدعاء انا علمت بقصة حقيقية لبنت ارادت ان تتزوج شاب مليونير يعيش في امريكا من اقاربها وكانت تدعوا الله ليلا ونهارا حتى انها طلبت من احد اصحابها الذين ينغمسون في الصوفية لدرجة انهم يقومون باعمال تعتبر شرعا مكروها ومحرمة قامت الفتاة بكل الوس ائل ولان الله اراد فالشاب اتى الى مصر وطلب ان يتزوجها بالفعل وكانت تطير من السعادة سافرت امريكا معه وعادت بعد عدة شهور حطام انسان كان شاذا ويقوم بالشاذ من الافعال ورأت علي يديه كل انواع الاهانة البشرية لم تكن تعلم ان دعاءها ان تتزوجه واعمالها التي تغضب الله من اعمال قد تودي بها الى التهلكة لو دعت ان الله يهدي لها الخير ويزوجها بمن يراه يحفظها في دينها ودنياها لكان افضل لها ولكنها رأت ان المال والشباب هما ما سيسعدها وكان ما كان الانسان لا يجب ان يدع الله بشيء خاص ابدا ادع الله ان يجلب لك الخير و...

الف زوجة مستنية من زوجها ابتسامة وشكر على ما تفعله له كل يوم من رعاية للبيت والاولاد ولا واحدة من الالف بتبتسمله كل يوم وبتشكره على تحمله مسئولية هذا البيت والعمل بعبء المسئولية كل يوم حتى لو بتشتغلي لو انتي المسئولة بتحسي بالعبء اكثر الف مرة من انك بتسندي اكبر عبء على الانسان انه ما يكونش عنده رفاهية الهروب

وَكُلَّ إِنسَانٍ أَلْزَمْنَاهُ طَائِرَهُ فِي عُنُقِهِ وَنُخْرِجُ لَهُ يَوْمَ الْقِيَامَةِ كِتَابًا يَلْقَاهُ مَنشُورًا . محدش يقول حظي كدة انت اللي بتحدد حظك اللي بيعمل حاجة تلبس فيه ما يطلعهاش في حظ ولا كلام من ده يوم القيامة حتاخد كتابك وحتلاقيه منشور . يعني اللي عملته مع فلان او في فلان منشور تخيل حاحة كدة زي الفيسبوك انا قلت على فلان انه ... وفلانة ,,, واخذت فلوس مش من حقي في الموضوع الفلاني وايه ربنا يعافينا اكيد حتبقى ساعتها خايف من المستخبي هو كتاب حيطلع منشور

لعل الله يعطينا الحكمة ان نفهم ما يفعله الاخرين بانفسهم ولعله يعطيهم الهدى ليصلوا الى ما هو في صالحهم

تدور حياة المرأة حول التضحية لمن تحب وتدور حياة الرجل حول مسئوليته عمن يحب

كم من فرح حضرته مصروف عليه جامد قوي وباظت بعدها الجوازة وكم فرح حسيت فيه بالحب الجامد بين الناس وعمرت الفرح مش دليل على ان الجوازة حلوة الفرح بيوري مقدار حب الناس لبعض وحب المعازيم لاهل العروسة او العريس حاولوا تخلوا المعازيم الموجودة اللي نفسها تشوفكم سعداء مش اللي عايزين تثبتولهم ان معاكم فلوس

امريكا ضربت السعودية بالسعودية وضربت قطر بالسعودية ومصر والامارات وضربت السعودية بقطر وعمال شيطانهم ماسك الشوكة وبيضحك ويضحك واحنا شغالين هري

مَّنِ اهْتَدَى فَإِنَّمَا يَهْتَدِي لِنَفْسِهِ وَمَن ضَلَّ فَإِنَّمَا يَضِلُّ عَلَيْهَا وَلاَ تَزِرُ وَازِرَةٌ وِزْرَ أُخْرَى وَمَا كُنَّا مُعَذِّبِينَ حَتَّى نَبْعَثَ رَسُولاً . في الاية دي ثلاث حاجات وكل واحدة اهم من التانية ان الهدى والضلال بيعودوا عليك انت وده للي فاكر انه كويس علشان بيرضي اهله والا بيفسد علشان يرضي اصحابه وفي النهاية حيرجع عليه هو محدش غيره الحاجة التانية ان لا تزر وازرة وزر اخرى يعني محدش بياخد ذنب غيره محدش بياخد ذنب ابوه او جده او امه كل واحد شايل ذنبه ومحدش بيشيل عن حد والحاجة الثالثة ان ربنا مش حيعذب الا لو كان فيه رسول من ربنا يعني ناس ما عرفتش حاجة عن الاديان ولا حد قال لها مش حيعذبها الجهل بشيء تماما لا تحاسب عليه يارب اجعلنا ممن يهتدوا ولا نضل ابدا

وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا . الانسان المترف هو الـمُتَنَعِّمُ الـمُتَوَسِّعُ في مَلاذِّ الدنيا وشَهواتِها . الفِسْق : العصيان والترك لأَمر الله عز وجل والخروج عن طريق الحق لازم نخاف من المترفين الناس اللي عمالة تعتبر ان الرقي هو الترف ولبس الغالي واكل الغالي ناس غلطانة الرقي هو الانسان اللي بيحافظ على اللي حواليه حتى لو كان على حساب نفسه الرقي هو احترام الغير والاعتراف بالفضل لاصحابه الانسان اللي معاه فلوس تملا جبال ولما يتصرف بطريقة فيها قلة ذوق وغرور على طول بتعرف انه مش اصيل ولا راقي الناس المترفة اللي بتتنعم بشهواتها لما يعصوا ربنا ويتركوا اموره بيستدعوا التدمير لبلادهم احنا شايفين بلاد بتتدمر لاخرها وعمالة الدائرة بتزيد ارجوكم حاولوا تبعدوا عن الترف انا مش باقصد الزهد في الدنيا ابدا بالعكس الانسان لازم تبان عليه نعمة ربنا ولازم يشكر ويصرف ولكن التوسع في ملاذ الدنيا وشهواتها هي دي اللي مش مطلوبة يارب لا تعاقبنا بما يفعله سفهاؤنا

وَمَنْ أَرَادَ الآخِرَةَ وَسَعَى لَهَا سَعْيَهَا وَهُوَ مُؤْمِنٌ فَأُولَئِكَ كَانَ سَعْيُهُم مَّشْكُورًا . ربنا بيقول من اراد الآخرة اكيد اللي مؤمن بيها عايزها تيجي في صالحه لكن بيقول سعى لها سعيها السعي عادة بيدل على الحركة فيه ناس مقضياها دعاء وهي قاعدة وصلاة في بيتها من غير ما تتحرك لغيرها هي عايزة تعمل الخير بس الخير اللي مفيهوش حركة كتير تلاقي جايلك رسالة وفيها دعاء ويقولك ابعته لكل اصحابك علشان تاخد اجره ده مش سعي السعي ان انا ابحث بنفسي عن الناس المحتاجة اللي ممكن اساعدها وحتى انا سمعت عن الفرق بين اهل الجنة والناس العادية يقولك ان اهل الجنة بيفرح باللي بيطلب منه حاجة اكتر من الناس العادية اللي بتفرح لما يجيلها حاجة يعني بيطلب من ربنا يبعت له المحتاج او المتضايق علشان يساعده انا مرة واحدة خليجية قالتلي يا بختكم يا مصريين الزكاة والصدقات بين ايديكم سهلة اول ما تعوزي تتصدقي على حد بتلاقي تصوروا ان ده مش من الحاجات اللي احنا حاسين بيها ده انت تقدر تتصدق بسندويتش والا زجاجة عصير والا حتى شوية مياه الحمد لله وربنا يتقبل سعينا وسعيكم للاخرة يارب ارجع تاني ...

كُلاًّ نُّمِدُّ هَؤُلاء وَهَؤُلاء مِنْ عَطَاء رَبِّكَ وَمَا كَانَ عَطَاء رَبِّكَ مَحْظُورًا . يارب يا كريم بيقول انا بادي المومن والعاصي وربنا مش بيحظر عطاؤه ياريت نمتثل للمقولة دي فيه ناس لما تغضب على حد توقف عطاءها له فيه ناس لما تستتقل دم واحد ما تعطيهوش ربنا مش بيحظر عطاؤه عن حد بالعكس بيمد لهم من عطاؤه من يريد العاجلة أو من اراد الاخرة زي الايتين اللي قبلهم في سورة الاسراء

ده البيت اللي احفاده صبيان منه لله اللي اخترع الهالويين انا باخاف اروح الحمام بالليل