ان كنت ناسي ...... افكرك

نتيجة عبقريتي الفذة زيما قلتلكم فانا مش باركز وكل شوية اسأل نفسي هو انا عملت كذا ؟ هو انا اخذت منك كذا ؟ هو انا صليت الظهر ؟ واكبر شخص ممكن يعاني معايا هو جوزي طبعا وبالاخص لما اسأله زي ما يكون لازم يمشي ورايا يعرف انا فين وباعمل. ايه وفي زيارة لي لطبيبي الخاص طلب مني احدد اكتر حاجة تقلقني من مرضي قلتله النسيان وعدم التركيز فاعطاني دواء واخذت اسمه ولكن خفت انا مش باحب اللعب في الدماغ انا ما حيلتيش غيرها وفي يوم جاء جوزي ينام الظهر وقبل ما يغمض. عينه سألته هو انا صليت الظهر ؟ قال لي ايوة انا شفتك وانتي بتصلي بالليل وهوبيحط راسه على المخدة قلتله هو انا صليت المغرب قال. لي صليناه جماعة قلتله والعشا قال لي انا صليته في الجامع مش فاكر سالته هو انت عطيتني مصروف البيت لقيته قعد وقال لي انتي مش بتاخدي الدواء اللي الدكتور عطاهولك ليه قلتله ياعم اللعب في الدماغ وحش قال لي لا مش وحش تاني يوم لقيته داخل من برة ومعاه الدواءوقال لي خذيه بدل ما تقعدي كل شوية تسألي فات يوم وانا واخدة الدواء واستنيت لما جاء الظهر وجريت عليه اسكت ده الدواء ده هايل ابتسم زوجي الحبيب وقال لي مش قلت لك رديت عليه انا بقيت افتكر كل حاجة الابتسامة زادت وحس انه بعد كدة ممكن ينام من غير ازعاج كملت. على الباقي وقلتله انت مش فاكر من سنتين لما وعدتني ان احنا نخرج نتفسح لما تخلص البحث اللي في ايدك !!!!!!! انت ما فسحتنيش ليه واختفى الدواء من البيت بعديها في ظروف غامضة