اسمع الكلام من غير مناقشة

من اكتر الفتن ان الناس تفتكر انها عارفة حكمة ربنا في المنع او العطاء 
حكمة ربنا عند ربنا احنا لما نجتهد ونقول لا تعني انها من عند ربنا 
لما حد يقول لك انت بتصوم علشان تشعر بالفقير ده اجتهاد لان ساعتها ممكن واحد يقول لك طب انا فقير يبقى ما اصومش 
الشيطان في سورة الاعراف فتن سيدنا آدم وسيدتنا حواء بانه قالهم ان ربنا منعهم من الشجرة لحكمة معينة 
والحكمة هنا ان الشجرة دي ممكن تخليهم يجيبوا اولاد ويخلفوا وان الخلفة دي لصالح العبادة لان عدد الناس اللي حتسبح ربنا وتعبده اكتر 
هو لعب لهم في حكمة ربنا وسبب الحكمة وسبب المنع وبالتالي اقنعهم ما يسمعوش كلام ربنا 
اعوذ بالله من الشيطان الرجيم 
بسم الله الرحمن الرحيم 
فَوَسْوَسَ لَهُمَا الشَّيْطَانُ لِيُبْدِيَ لَهُمَا مَا وُورِيَ عَنْهُمَا مِن سَوْآتِهِمَا وَقَالَ مَا نَهَاكُمَا رَبُّكُمَا عَنْ هَذِهِ الشَّجَرَةِ إِلاَّ أَن تَكُونَا مَلَكَيْنِ أَوْ تَكُونَا مِنَ الْخَالِدِينَ
صدق الله العظيم 
دايما سيب الحكمة لله واعمل الامر لانه مطلوب منك وخلاص 
مرة واحد من النمسا كان سأل المسلمين عن سبب منع اكل لحم الخنزير وقالوله علشان فيه دوده وعلشان لحمة دسم وحاجات كدة كان بيناقشني فيها ويقول وماله لما تاكلي خنزير مادام نظيف وانتي في مكان بارد 
قلتله محدش قال ان هو ده السبب 
وكمان لو هو ده السبب فانا برضه مش حاكل اعتبرني باتعاطف مع الناس اللي ساكنين في الحر هاها 
#اسمع_الكلام_خليك_شاطر