كلم شيطانك بصوت عالي

ابليس لما اتفتن ورفض يسجد لآدم طلب من ربنا يمهله ليوم القيامة علشان يثبت قد ايه الانسان لا يستحق هذا التكريم وانه اصله اقل من اصل الشيطان 
وفي سورة الاعراف قال حاجة 
اعوذ بالله من الشيطان الرجيم 
بسم الله الرحمن الرحيم 
ثُمَّ لآتِيَنَّهُم مِّن بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَن شَمَائِلِهِمْ وَلاَ تَجِدُ أَكْثَرَهُمْ شَاكِرِينَ
صدق الله العظيم
تخيل انه جاي من كل ناحية بس الناحية دي مش جغرافيا يعني من قدام وورا ولكن من الماضي والمستقبل من المساعد واللي بتتسند عليه
من اللي بتخاف عليه واللي بتخاف منه
الشيطان مش حييجي بنفسه ويتعب نفسه معاك
هو بس يخوفك من اللي جاي
ويحزنك على اللي راح
ويشكك من اللي بيساعدك يعني دراعك اليمين
ويوديك شمال هاها
خلوا بالكم منه
انا متعودة ازعق له بين وقت والتاني
باكلمه بصوت عالي ساعات علشان افكر نفسي بوجوده