منقولة

-
منقولة
الحياه مش سبق محتاجين نوصل فيه لخط النهايه
مش حاجات لازم تعملها ولازم تحققها
الحياه منهجيه بتعيش بيها بصرف النظر عن النتايج
هو ده اللي حقيقي بيخلي الانسان عايش بينجز بس من غير ضغوط
مش لازم توصل خط النهايه ولا تحقق كل الحاجات المهم تعمل الصح
١-جدد نيتك في كل عمل بتعمله عشان تعرف انت ابتديت ليه وعايز توصل لايه واخلصها اوي لله اوي اوي كمان لان لو دخلت فيها الناس هتتاثر بتغير الناس لكن خلي وجهتك الحي القيوم
٢-اعمل اي خطوه ولو بسيطه ناحيه هدفك
ولو تليفون تسال
ولو حد من صحابك تاخد رايه
ولو ادوات هتشتريها
ولو جدول هتعمله وتكتب فيه اللي وراك
ولا تحقرن من المعروف شئ
٣-متعطلش نفسك بالتقييم المستمر لنفسك وللنتايج ولردود افعال اللي حوالليك لما تحتار استخير وكمل طريقك النتايج ساعات بتاخد وقت وانت محتاجه تتطمن لاختيارك باستخاره اللي خلقك واقرب ليك من حبل الوريد
٤-تصدق باللي بتحبه
فلوس
وقت
خدمه
ومتخافش من نقص مواردك سيد الخلق عليه الصلاه والسلام قال
ثلاث اقسم عليهم منهم
ما نقص مال عبد من صدقه
وكان الله في عون العبد ما دام العبد في عون اخيه
٥-اتعلم شويه معلومات عن التغيير بوجه عام
زي مثلا
ان الانسان عدو ما يجهله
وان المخ بيقاوم التغيير بدليل انك لو غيرت طريقه قعدتك بتحس انك مش مرتاح وبيبقي عندك رغبه رهيبه انك ترجع تاني للقديم
ان تغييرك ممكن يسبب عدم راحه وخوف للي حوالليك ويحاولوا يرجعوك تاني زي ما كنت بطرق سلميه ولا سلميه وان ثباتك وتركيزك علي نفسك هو اللي هيقلل مقاومتهم ليك ودي سنه الحياه
انك مش معني انك اتغيرت ان اللي قصادك هيتغير فخلي توقعاتك واقعيه ومضيعش وقت ومجهود في محاوله تغييرهم لو حسيتهم بيقاومو سيبهم ساعات بيبقوا محتاجين يشوفوا نتايج عشان يتحمسوا لفكرتك خلق صراعات بينكم مش هيفيد بالعكس ده هيزود التمرد
واخيرا انت لو بذلتش مجهود في تغيير اللي مضايقك هتبذل مجهود اكبر في التأقلم علي وضع عمرك ما كنت تتخيل انك تتحط فيه 😣
٦-حب نفسك واحلم بحياه احسن متقعدتش تقول لتفسك مين السبب في ده ومين المفروض يغيره ياسيدي رزقك انت الثواب ده والسعي ده وفي الاخر النتايج الايجابيه هتعود عليك انت وانت اللي هتجني ثمار ده واوعي تقول ايه اللي ممكن يتغير وازاي ممكن اغير كل ده
دي مش قصتك انت خالص
ده وعد رباني انما يوفي الصابرون اجرهم بغير حساب 💓💓💓
اللهم ارزقنا واياكم الصبر علي التغيير
والجزاء بغير حساب 😍😍😍
ويبقي الاثر
#ويبقي_الاثر

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد