ايامنا اغمق من ايامكم
الشباب بيقولك احنا شفنا ايام غامقة من يوم ما وعينا على الدنيا
والعواجيز بيقولوا حطوا فوقهم اربعين سنة كمان من نفس الكاس با باشاوات ما بين ثورة و حرب و نكسة و حرب تانية و ديون علشان الحرب التانية وبعدين الصوت يتقطع و نقف محلك سر لمدة ثلاثين سنة والديون تروح لواحد كان عايز ياخد الدولة كلها بديونها في جيبه
لكن اللي شايفاه ان الغلا على الكل و المفروض نوقف نزيف الدولار باننا نشجع التصدير و المشروعات الخارجية علشان يدخل لنا دولار من برة
اول تشجيع انا باعمله اني ان شاء الله في منطقة البحيرة حول نجع عون حيبقى فيه انتاج حرير يضاهي الصيني اللي بنجيبه من برة
الحرير ده ان شاء الله جزء منه حيروح يطلع سجاجيد تضاهي الايراني و يبقى لها سمعة برة و صناعة السجاد كان ينقصها الايد العاملة واحنا مستعدين نعلم كل بنات القرى و النجوع وافتحوا مصانع سجاد يدوي في ابيس كلها لو تقدروا
وبالنسبة للخضار العضوي احنا بنطلع من المواسير باقل مياه ممكن يعني لو المياه شحت نقدر نطلع خضار برضه و عملنا تجربة بتحيلة مياه المصارف و طلعت مياه و ان كان المصارف بيكون فيها مبيدات فممكن نستبدله بمياه البحر ونزرع حتى الارز في المواسير
بالنسبة للحوم الفراخ والغنم احنا بنكثر الثروة الحيوانية بوجود معزة في كل بيت علشان تنموا و الجديان للاكل و العلف حاليا بنعمل حاجات علشان نطلعه مخلوط بالحاجات اللي زرعناها هناك زي الازولا و المورينجا مع الذرة و غيرها
ما تخافوش على مصر
لو كانت بتموت كانت ماتت من زمان قوي
مصر تبقى لنهاية التاريخ ان شاء الله
بس نرجع عنصر العمل الجاد و حب الوطن و التضحية للاخرين و النخوة و نرجع المصريين بتوع الاف السنين اللي فاتت قبل التلوث بحضارات شالت مننا الفطرة السليمة اللي ربنا خلقنا بيها
تعليقات
إرسال تعليق