روحانيات السعادة

-

 النهاردة عايزاك تتخيل حاجة معايا حتفرق معاك في كل حياتك

تخيل ان كيانك ده اناء ممكن يتملأ ويفضى
الجزء الاول فيه هو الجسد
الجسد ده بتحط فيه اكل بيتحول الى حركة و نمو و بيحافظ على كيانه
الجزء الثاني هي الطاقة الحيوية او نقول النفس البشرية
انت مش شايفها وهي القوة الروحانية اللي بيحتاجها الانسان مش الجسد علشان تفضل تتحرك وتبني و تشتغل وتعمل اللي المفروض انها نازلة الارض علشانه و هي انها تكون خليفة لله
الجزء الثاني لو انت حياتك مادية فقط تدور حول سد احتياجاتك الجسمانية بانك بتاكل وتلعب رياضة و تنام حتلاقي الجزء الروحاني فاضي و مع الوقت بتقل قدرتك على الاستمتاع بالحياة لانك حتحس انك في دائرة و مش حتلاقي حاجات تسعدك وساعتها بتتحول الى وعاء ياكل بشره و يمارس المتعة الجسمانية بشره و تدور حياته حول شهواته
اما اذا كنت بتغذي الطاقة بروحانيات عالية فتبتدي تشعر بالقدرة على التواصل مع الناس و العطاء و حتلاقي فيه نقط بتسعدك بعيد عن السعادة الحسية
ملء الطاقة الحيوية سهل جدا وربنا خلاه اسهل كمان وسماه الحسنات يعني كل ما تعمل حسنة تملا حتة منك بطاقة حلوة ولو زودت تلاقي قدرتك على العمل و الانتاج والبناء اكبر و تخيل لو مليت نفسك كل يوم مش حيحصل لك زي ما بيحصل للجزء المادي انك تمرض او تتحول الى الشراهة
بالعكس حتلاقي كثافة الطاقة بتزيد وقدرتك على الانجاز و العطاء زادت و تبدأ الهالة الايجابية تنتشر من حولك بحيث انك و انت واقف تلاقي اللي واقف جنبك اخذ هو كمان يعني بتنشر الحسنات وانت مش عارف
انت ما تقدرش تعمل كدة في الجزء المادي يعني ما ينفعش تشبع وتقف مع واحد يقوم يشبع بالعدوى لكن لو انت فرحان و مبسوط و عندك طاقة ايجابية ممكن اللي جنبك ياخد من طاقتك و ينبسط ويفرح
دي دعوة مني انك كل يوم الصبح تنوي انك تملأ طاقتك الحيوية بحاجة ربنا عايزها
ابتسم للي حواليك
عامل الناس زي ما تحب انهم يعاملوك حتى لو كانوا وحشين لان ربنا وعدنا انك لو عملت اللي هو احسن حيتحول العدو الى صديق
وزع الزيادة من رزقك
كل مع الناس مش لوحدك
اجبر خواطر
اشعر باللي حواليك و تعاطف
بس فيه حتة مخيفة حبتين
انك لو بتعمل حاجات وحشة الطاقة دي بتخلص يعني ما تضمنش انك ما تعملش سيئات فتاخد الحسنات منك
يعني النميمة تاخد لك حبة حلوين من اللي عمال تحطهم و ترجع تلاقي نفسك في حالة من الخواء النفسي و الروحاني
حافظ على اللي بتحطه علشان تفضل ايجابي
ودع الخلق للخالق
عليك بنفسك
زي ما بتحدد الاكل و الشرب و الرياضة بتاعتك
حدد الروحانيات اللي حتدخلها في طاقتك علشان تفضل سعيد

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد