ذكرى الانسان

 سمعت خطبة لنعمان علي خان جميلة جدا و بتعلل حاجات كتير بتشوفها حاليا

الخطبة بتتكلم عن سورة الانسان

وهي سورة بداياتها بتتكلم ان الانسان في البداية او حين من الزمان لم يكن شيئا مذكورا

و من هنا يبان ان الانسان و تذكره و ذكراه من الحاجات اللي في حياتنا بتؤثر فينا و منها نلاقي وسائل التواصل حاليا بتشغل دماغ الناس كلها

بيستني اللايك و الشير بيبص مين شاف اللي كاتبه ومين مهتم ومين مش مهتم

تلاقي واحد قتل مراته و مستني التليفزيون ييجي يصور

اصبح تحت صوابعه انتشار لم يكن موجود

المحاضرة كانت في كاس العالم لكرة القدم و جاب نقطة فلسفية عميقة

قال الناس اللي في كاس العالم شافوا الويل و اتمرنوا وتعبوا وجاهدوا علشان يكونوا في كاس العالم علشان يذكرهم العالم و لكن اللي بيحضر مش بيفتكر الا اللي جاب نتيجة و بالتالي الذكرى في الحياة بترتبط بالنجاح

ولكن الحقيقي ان الوحيد اللي حيذكر كل اعمالك سواء الاجتهاد او الفشل او النجاح و يعطيك اجره هو الله

سيذكرنا الله ان شاء الله عنده و يجازينا على كا ما نعمل

وبالتالي لو كنت تبحث عن الذكرى الدائمة فلا تبحث الا على علاقتك بالله فهو الذي سيذكر كل ما تعمله و تظل ذكراك معه ان شاء الله