عتاب في زمن الكورونا

هي :

انت مش بتفسحني ليه يا عبعال

هو :

ليه انا مش لسة واخدك اوضة السفرة والا بتنسي

هي :

لا مش ناسية بس انا اللي حاسبت على المشاريب ، انا اللي عاملة الكركدية والبسكوت

هو :

طيب ما تزعليش بكرة حاخدك البلكونة

هي :

لا مش حينفع ما عنديش لبس ينفع

هو :

حيرتيني قوليلي اعملك ايه طيب

هي :

ما هو لو كنت مهتم كنت عرفت لوحدك

هو :

خلاص اللي عايزاه حاعمله

هي :

انا سايبك واروح لماما

هو :

ماما معاها الاولاد في الاوضة التانية مش حينفع تروحي معاهم

هي :

خلاص بكرة نروح الصالون نغير جو بس الساندويتشات عليك المرة دي