مين الخسران

الخاسرون في القرآن بيتكلم عليهم ربنا في ثلاث حاجات اول مرة ذكرهم فيها قال بيعملوا ثلاث حاجات
بينقضوا عهد الله
بيقطعوا ما امرهم ان يوصلوه
وبيفسدوا في الارض
هو بيخسر لانه فاكر انه لما يقطع عهد هو قطعه على نفسه قدام ربنا سواء هذا العهد له دعوة بعلاقته بالله او العهد بتاع الجواز بينه وبين مراته او اي عهد هو قطعه لانه شايفه واقف عليه بخسارة والحقيقة انه هو الخسران
والتاني اللي بيقطع رحمه ويقرر ما يكلمش عمه او خالته او ابن عمه او بنت عمتها كل دول بيقطعوا حاجة ربنا عايزها موصولة لان لو اتوصل الرحم من ايام سيدنا ادم كان زمان كل الناس بقت قرايب
والثالثة هي الافساد في الارض
والافساد في الارض مش بس قتل النفس التي حرم الله ولكن كمان ان ابوظ تربة الناس بتاكل منها عيش او ارش مبيد يموت النحل او اعلي صوت يقلق منام جاري او اشتم جارة واطلع عليها اشاعة
الافساد في الارض هو ان انا ما اعملش المطلوب مني يعني العيش بيفسد لما ما اقدرش اكله والافساد في الارض ان انا ارفض اني اكون خليفة الله في ارضه واعمل ضد ما هو مطلوب مني
ربنا ما يجعلناش مفسدين في الارض ويجعلنا خلفاء له ان شاء الله ويتقبل خير ما نعمل ويتجاوز عن شر ما نعمل
#رمضان_كريم