لماذا نحن ولماذا هنا

واحد دكتور من بنجلاديش كنت باشتغل معاه في سلطنة عمان لما كنت في دائرة تخطيط مسقط وكان مش بيحب المصريين
جاء لي مرة وانا استغربت انه بيزورني في مكتبي سمعت منه
جاء اولا يعتب علي اني قعدت مكان السكرتيرة ايام ما اخذت اجازة واشتغلت سكرتيرة للدائرة لمدة اسبوعين او حاجة باكتب الجوابات وارد على التليفونات وده لان مدير المكتب المصري كان لازم ياخد اجازة علشان مراته كانت بتزرع كلية ومحدد موعد العملية بعد ما كانت السكرتيرة حتاخد اجازة والسكرتيرة رفضت تغير الموعد بتاعها والراجل كان حيموت وانا قلتلهم ولا يهمكم انا حاقعد سكرتيرة ومديرة مكتب لغاية لما هي ترجع من اجازتها وهو يطمئن على مراته
الدكتور البنجلاديشي كان زعلان ان انا كدة قللت منهم وقعدت مكان السكرتيرة ازاي وانا زميلته في المكتب وواخدة شهادات عليان وحاجة لها وضع يعني راسي براسه
سمعت وسكت وقلتله الناس لبعضيها
دخل على الاستفسار التاني وقال لي انا قرأت في جريدة ان واحد مصري كان بيضرب مراته بالكرباج وانها بلغت عنه في القسم
هو عندكم عادي الرجالة تضرب زوجاتها
قلتلها ما دام نزلت في الجريدة يبقى اكيد حادثة غير عادية ولكن دي تعتمد على الرجالة الناقصة ودول كتير
اخر حاجة بقى كانت واقفة في زوره سألني
هو ليه لما مصر يحصل فيها حاجة والا المنطقة بتاعتكم الدنيا كلها تقوم
احنا في بنجلاديش فيه ناس بتحارب ناس وناس بتموت ناس وناس بتاخد ارض ناس ومفيش اي غطاء اعلامي نهائي اشمعنى انتم يعني

انا بالفعل ما كلمتوش كتير على الموضوع لان ساعتها كان دخلني في مواضيع كتير ما كنتش مركزة على دي بالذات لكن بالفعل ان الاجندات الصهيونية هي اللي بتحدد مين اللي يتحط عليه الميكروسكوب ومين اللي الاخبار تدور حواليه
الاعلام صهيوني يبحث عن ما يضر بالصهيونية او يفيدها ولا يعنيهم اي نقطة اخرى في العالم غير المنطقة الخاصة بهم وهي الشرق الاوسط
التركيز على كل ما يحيط باسرائيل والنيل منهم فرادى او مجتمعين
الحرب والبحث عن ارض الميعاد موجودة ومش حتنتهي
الرغبة في الحصول على ارض الميعاد لن تنتهي