رامبو بزيادة

-
Image may contain: 1 personانتقدوا فيلم الممر وقالوا أحمد عز عمل دور رامبو بزيادة وبطولة خارقة وغير منطقية
أحب أقول لهم أحمد عز قام بدور البطل الشهيد العميد ابراهيم الرفاعى
قائد الفرقة 39 قتال 🎖
وده ما كانش رامبو ولا هركيليز ده كان بيتفسح بين خطوط العدو كإنه شبح لا يراه أحد. اللى شوفتوه في فيلم الممر جزء من مجلد بطولي للشهيد العميد/ إبراهيم الرفاعي 🥇🎖رحمة الله عليه
وهذا جزء من بطولاته 👇
🔹ضرب خزانات الذخيرة اللى خدوها سنة ٦٧ من الجيش المصرى
🔹 عرف ان اسرائيل وصلها نوع صواريخ جديد
الشهيد الفريق /عبدالمنعم رياض كلمه قاله عايزين صاروخ من الجداد ف مهمة شبه مستحيلة راح جابله 3 صواريخ ورجع كأنة داخل سوبر ماركت مش داخل خلف خطوط اسرائيل
🔹راح خلف خطوط العدو جاب بطل الجيش الإسرائيلي فى المصارعة "دانى شمعون" و رجع بيه ع القاهرة
يوم استشهاد عبدالمنعم رياض، عبد الناصر طلب منه يعمل عملية قوية عشان الجيش ميتهزش ب استشهاد عبدالمنعم رياض
خد فرقته و راح الموقع اللى اتضرب منه عبدالمنعم رياض قتل كل اللى فيه "٤٤ ظابط و عسكرى إسرائيلى" و رجع عادى جداً جداً
🥇في سجله أكثر من 180 عملية عبور خلف خطوط العدو وعبور المانع المائي وخط بارليف الحصين ذهاباً وإياباً خلال حرب الاستنزاف
أستشهد في الثغرة يوم ٢٣ رمضان و هو صايم
و احتفلت إسرائيل باستشهاده
"أعتقد ديه الحاجة الوحيدة اللى أحتفلوا بيها ف الحرب" من كتر ما هو كان راعبهم.
🎖البطل الشهيد ابراهيم الرفاعى🎖
من أعظم المصريين فى تاريخ مصر "رجال صدقوا ماعاهدوا الله عليه"
رحمة الله على الأبطال
(منقول)

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد