منقولة عن طريقة نطق الانجليزي في مصر

-
منقول............
.
.
ولد صغير إبن صديقة ليا قالي من كام يوم يا طنط مافيش حد في مصر بينطق إنجلش صح شكلكو يضحك وانتو بتنطقوه
_وماله يا حبيبي ماهو كمان مافيش حد في انجلترا ولا فرنسا بينطق عربي صح
_اه بس هما شعوب متقدمة
_التقدم والتخلف ملهوش علاقة بطريقة نطق اللغة يا حبيبي عندك مثلا الشعب الألماني متقدم جدا ومع ذلك بيرفض يتعامل بأي لغة غير اللغة الألمانية فهل ده معناه انهم جهلة
_بس يا طنط ماما بتقول اني مش محتاج العربي في حاجة وبصراحة شايفها لغة مش مهمة خالص
_حبيبي انت بتصلي ؟
جاوب في ارتباك
_اه بصلي ساعات
_بتقول ايه في الصلاة
_بقول الله اكبر واقري سور من القرآن
_طيب ممكن تقولي اية من فضلك
_بسم الله الرحمن الرحيم انا ازجلناه في ليلة الغدر
_بس بس يا حبيبي ايه اللي انت بتقوله ده ده مش عربي
_ماما قالت ربنا بيسامح لو حد نطق غلط
_يعني ربنا هيسامحنا لو نطقنا القرآن غلط وانت وماما مش هتسامحونا لو نطقنا انجلش غلط
عزيزتي الأم والأب اللي زرعتو الكلام ده في دماغ عيالكم مش هكلمكم بالدين
هكلمكم بالهجايص اللي بتفهموها
كون الشعوب العربية بتنطق الأنجلش غلط ده مش غلط يا بهوات ده اسمه تأثير لكنة اللغة الأم ومش احنا لوحدنا اللي كده الفرنساويين والطلاينة لكنتهم غالبة عليهم وشعوب الشرق الأدني نفس الحال يعني ده مش عيب فينا
العيب انك تدققي قوي في نطق ابنك للغة غربية وتخليه يتكلم عربي بالطريقة المتخلفة دي
الشعوب القوية هي اللي بتتمسك بلغتها وانتي واللي زيك اللي خلونا شعوب ضعيفة وتابعة
عربية ومعتزة بلغتي الأم وهلبخ في الأنجلش زي ما يعجبني طالما مش بكتب بحث علمي ولا مقدمة علي وظيفة
هاتولي واحد انجليزي بينطق عربي صح وانا انطق انجلش صح
#صباح_النعناع
منقول

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد