رجالة التنمية

-
التنمية بتقول ان الناس بدل ما تستنى تشحت وتاخد فلوس لما تحتاج
التنمية انك توريها ازاي بشوية فراخ على معزة على مكان مهيء تقدر تبقى منتج
النجع كان مفيهوش الا كام بطة والست اللي بتربيهم بتنزل اسكندرية علشان تلم العيش من الزبالة علشان تلاقي اكل للبط
النجع حاليا بيتزاحم عليه تجار الفراخ لان جودة الفراخ بتاعتهم مختلفة
وصل الانتاج لاكثر من عشرة الاف فرخة
النجاح مش بس ان الناس تعرف يعني ايه انتاج
النجاح ان يكون فيه ناس واقفة معاهم لغاية ملا ينجحوا
اهم دعائم التنمية في نجع عون هو رؤية واضحة لدى القائمين على المشروع من داخل النجع والاشراف المباشر والدائم للاسر ودعمها الفني المستمر والبداية الناجحة واعطاء الثقة للمنتج ان الطريقة الافضل للعمل بدون غش هي الطريقة الانجح
فراخنا من غير هورمونات ومع ذلك التاجر عايزها يعني المزارع بتجيب له الفرخة اكبر انما مين هو عارف ان الفراخ بتاعتنا حاجة تانية
انا باشكر رجب ربيع Ragab Rabiaa وفريق العمل بتاعه وخصوصا حسن لانهم وقفوا جنب الناس واعطوهم المعلومة ولم يبخلوا عليهم واعطوهم الدعم كل يوم واوجدوا لهم سوق البيع وساعدوهم في التسويق بالاخص "حسن" رجل التنمية الكبير اللي كان في الاول بياخد الفراخ ويدور بيها على القرى علشان يبيع للناس بنفسه ودلوقتي عندنا تجار عارفة وبتيجي بنفسها تاخد
ربنا يبارك لهم في انتاجهم
ويبارك لهم في صحتهم
ويبارك لرجب وفريقه كله في صحتهم وحياتهم
ويقف جنب مصر كلها علشان تاخد ما تستحقه
مصر بناسها ما ينفعش تجوع لازم ترجع في اعلى مراتب الدنيا

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد