نعمة البكاء
النهاردة كنت عايزة اتكلم على نعمة مهمة بس احنا مش شاعرين باهميتها وهي البكاء
انا زمان وانا صغيرة كنت بابكي على اي حاجة لدرجة ان مامتي كانت بتقول لي يا دمعة
حاليا مش باقدر ابكي خالص
لا في الحزن ولا في التأثر
البكاء اصبح مستحيل بالنسبة لي
وبالتالي اصبح التأثر والحزن يترجم داخل جسمي بتدمير ذاتي
البكاء وسيلة لإخراج المشاعر المختلفة سواء فرح او حزن او ضيق او تأثر او خشوع
وكل المشاعر دي لو ما طلعتش بشكل ايجابي تؤثر سلبي على الانسان
البكاء يرطب العين ويرطب على القلب وينفس عما يجيش في صدرك
في القرآن جاء ذكر البكاء في اماكن كثيرة واغلبها في مربوط بالسجود
ولكن ذكر مرة في سورة يوسف لما اخواته جاءوا يبكون علشان يداروا على فعلتهم لما سابوا اخوهم في البئر
كانت تمثيلية علشان تتظبط انهم زعلانين
البكاء عند الخشوع هو ان الانسان بيستشعر وجود قوى اكبر منه ويتوافق معها وتزداد الطاقة داخلة لدرجة انه بيبكي ليخرج بعض من تلك الطاقة
في سورة التوبة ربنا بيتكلم على الناس اللي مش مصدقة وبيضحكوا من الذين امنوا فبيقول لهم اضحكوا شوية بس حتبكوا بعدين
وفي سورة الدخان ربنا بيتكلم على قوم فرعون ان ربنا استبدلهم وما بكت عليهم السماء لانهم كانوا في حالة من الطغيان الشديد
وهو ده اللي الواحد بيخاف منه ان ربنا يستبدله من غير ما الدنيا تشعر بعدم وجوده او تبكي عليه
وفي النهاية ربنا هو الذي أضحك وابكى
حاحط لكم كل الايات اللي ذكر فيها البكاء
(1) سورة التوبة - سورة 9 - آية 82
فليضحكوا قليلا وليبكوا كثيرا جزاء بما كانوا يكسبون
(2) سورة يوسف - سورة 12 - آية 16
وجاؤوا اباهم عشاء يبكون
(3) سورة الإسراء - سورة 17 - آية 109
ويخرون للاذقان يبكون ويزيدهم خشوعا
(4) سورة مريم - سورة 19 - آية 58
اولئك الذين انعم الله عليهم من النبيين من ذرية ادم وممن حملنا مع نوح ومن ذرية ابراهيم واسرائيل وممن هدينا واجتبينا اذا تتلى عليهم ايات الرحمن خروا سجدا وبكيا
(5) سورة الدخان - سورة 44 - آية 29
فما بكت عليهم السماء والارض وما كانوا منظرين
(6) سورة النجم - سورة 53 - آية 43
وانه هو اضحك وابكى
(7) سورة النجم - سورة 53 - آية 60
وتضحكون ولا تبكون
تعليقات
إرسال تعليق