حجرة الامان

في سورة الانبياء لما قوم سيدنا ابراهيم كانوا بيبعدوا اصنام وهو قال لهم يا جماعة الاصنام دي مش بتعمل لكم حاجة وكسر لهم التماثيل اللي كانوا بيبعدوها ولما ما عرفوش يردوا عليه قالوا الولد ده بيتكلم على الهتكم حرقوه مش احرقوه لا قالوا حرقوه يعني افضلوا ولعوا فيه وحطوه في النار اللي قعدت كذا يوم والعة من كتر الحطب والخشب اللي في المكان اللي حطوه فيه
وده اوقات كتير جدا بيبقى شعور ناس عندها اصنامها مش لازم تماثيل بتتعبد ولكن ساعات بتكون فكرة متمسك بيها وحاسس ان فيها امانه وحياته وارتباطه وقلبه وعقله ساعتها بيتشل ولما بتكلمه على الفكرة دي وتحاول تهز ايمانه بيها بيبقى عايز يولع فيك لان ما عندهوش الحجة اللازمة والطريقة اللي يقنع نفسه بيها هو مش عايز يتحرك من مكانه
ساعات اتخيل انه حاسس انه قاعد في حجرة آمنة وعنده شعور انه لو طلع منها كل العالم بتاعه وامانة حيختفي وبالتالي بيبقى عايز اللي قدامه يختفي علشان يظل على اعتقاده
من اخطر ما يكون ان تتمسك بفكرة او شيء لدرجة انك لا تستطيع ان تناقش حتى نفسك فيها
اللهم احفظنا من الشرك الخفي والتمسك باي شيء سوى الله
الفكرة دي جاءت لي لما واحد ايام الثورة قال اللهم ابعثني على الاخوان
تخيلوا انه اختصر الدين كله في الفكر الاخواني
ربنا يعافينا