الفرق بين المصري والجرادة

بدأت توضح عندي شوية فلسفات اشارككم فيها

اولا : ليه حشرة زي الجرادة لما تتجمع ممكن تكون سلاح قاتل يشيل اللي قدامه
ثانيا : ليه المصريين دونا عن شعوب العالم عملوا حضارة ما زالت تحير العالم
ثالثا : ليه النمل ممكن يبنى لنفسه بيت زي اللي في افريقيا طول بني آدم يعني بالنسبة لنا قد ابراج دبي

الاجابة في الروح الجماعية
طيب ازاي بتتم عندهم او عندنا زمان
ان يكون فيه واحد قائد نسلم له امرنا وهو يقرر يعمل ايه وكلنا معاه وبالتالي افضل الجيوش هي تعود الى قائدها
ولكن هذا القائد يجب ان تكون له مواصفات والمحاربين معه يجب ان تكون لهم مواصفات
في الجراد القائد يقرر ان ياكل كل ما يراه
في المصريين القدماء يقرر ان يعيش للعالم الآخر هو وشعبه واصبحت المقابر التي يعيش فيها افضل من القصور واصبح الفرعون يبحث عن اكبر مقبره في العالم تعيش آلاف السنين
في النمل القائد قرر الحفاظ على النوع وبالتاي بنى اعشاش يعيش فيها كل النمل ويتكاثر

يعني ربنا لما اصر ان احنا نصلي جماعة علشان الروح الجماعية عندنا تقوى وتبقى الصلاة في جماعة يعني الوقوف جنبا الى جنب مع ناس كتير علشان تقدم فروض ولاءك لربنا عنده احسن ما تقف لوحدك وتقول يارب وكلنا خلف امام يجب ان يكون اعلمنا في الدين والدين الذي هدفه ان نتكاثف معا ونعمر الارض معا

يبقى في اي عمل الجماعة افضل من الفرد والتجمع والتكاتف افضل من الفردية

طيب ليه في مصر مفيش روح الجماعة وعندنا الفردية طاغية
1- لان القائد عندنا بيتقدس ويتعامل باحترام اكثر من البشر وبالتالي اي واحد يحب يبقى قائد علشان كلمته ما تنزلش الارض ويبقى حاجة كبيرة كدة وبالتالي اصبحت القيادة مطمع وكل واحد نفسه يكون هذا الشخص
2- لان ذكاءنا وابتكارنا يعطينا الثقة سواء الزائفة او الحقيقية اننا نستطيع ان نكون هذا القائد وبالتالي لا نسلم القيادة بسهولة ونحارب وندمر ونقاوم كل من يأتي لاننا اقدر منه على ذلك
3- لان عندنا عقد كتيرة موروثه ومتراكمة ومزروعة من التربية منها
 ا- الشعور بالدونية لان الشعب عاش عمره تحت الاحتلال وبالتالي دايما حاسس بالقهر وان لم يكن احتلال اجنبي بعد الفراعنة فهو احتلال مصري من اشخاص اصبحوا آلهة علينا
2- الشعور بالتفوق الزائف واننا افضل من غيري في عمل هذا واعتقد ان هذا لتغطية الشعور بالدونية
3- المادية والرغبة في الحصول على ما اشعر انه سيجعلني محبوبا اكثر ومقبولا اكثر من الآخرين

والخلاصة اننا علشان نتقدم لازم نبعد عن المادية ونبحث عن التكامل مع بعضنا مع بعض ونخلي حاجة واحدة تلمنا ونختار القيادة المناسبة ونضع الهدف الواحد ونسلم امرنا لله ويد الله مع الجماعة وعندها شوفوا المصريين حيعملوا ايه