اللي نشن في الشباب

سلمية
سلمية
اللي رمى قنبلة والا عمر بندقية
والا حرق قسم والا كسر عربية
مش معانا في القضية
اللي ضرب على الشهيد
خرطوش وحسرنا عليه
واللي نشن في الشباب
و اللي ضيع نور عينيه
واللي حط رصاص جديد
وطخ قلبه مش ايديه
واللي عرى واللي سحل
واللي ضرب واللي قتل
كل دول في يوم حييجوا للشهيد
للشهيد يتحايلوا عليه
مش بعيد يبوسوا ايده
مش راسه ، ممكن رجليه
يقولوله سامحنا عشان
رب العزة واللي بيدينا الحنان
مش حيرضى يسامحنا ولا يدينا الامان
الا لما ترضى عنا وتسامحنا على اللي هان
علينا وافتكرنا انه بايدينا
نحيي واحد وبايدينا نقضي عليه
ربي قادر يخلي روحكم تتمنى العذاب
تتمنى موتها بس يرضي ربي عنها
اذا كان القاضي منكم مش قادر عليهم
والنيابة مانعة عنه كل حاجة تدين ابوهم
شوفوا امتى يمشوا رافعين رؤوسهم مهطعين
مستنيين رحمة تنزل عليهم بس فين
ربك العدل الرحيم