صورة قرآنية

 ربنا سبحانه وتعالى بيحط صور في القرآن توصل الفكرة و في الاية دي ربنا بيقول اللي بيعمل خير و يمن على اللي عمل لهم الخير واللي بيعمل الخير مجرد رئاء و رغبة منه في ان الناس تقول انه رجل خير وجميل زي واحد بيزرع على صخر عليه تراب و لما ييجي المطر التراب يروح ويفضل الصخر اللي مش حيقدر يخلي البذور المرمية تنمو لان الصخر ده صلد

وبالتالي البذرة اللي بترميها علشان تنمو لان بتعطي صدقة لا تنمو

في مقابل اللي بيرمي البذرة وبيعطي الصدقة مرضاة لله

هو بيرميها على ربوة ( خلوا بالكم من ربوة ) يعني حتة عالية يعني المياه اللي بتنزل لا تتراكم اسفل الزرع والجذور تبوظ

دي بقى يجيلها المطر او الطل زي ما بيقولوا الندى بتاع الصبح

كل ده بيخلي البذور تتزرع وتنموا

الصورة دي بتوضح للي بيعمل الخير و يمن على الناس بيه

او يعمل الخير علشان الناس تقول عمل

ربنا يجعل نيتنا خالصة لوجهه يارب و يجعل الصدقات اللي بتتعمل حوالي للناس كلها بذور تنزل على ربوة وتنمو مدى العمر و مدى الحياة

اعوذ بالله من الشيطان الرجيم

بسم الله الرحمن الرحيم

يَا أَيُّهَا الَّذِينَ آمَنُواْ لاَ تُبْطِلُواْ صَدَقَاتِكُم بِالْمَنِّ وَالأَذَى كَالَّذِي يُنفِقُ مَالَهُ رِئَاء النَّاسِ وَلاَ يُؤْمِنُ بِاللَّهِ وَالْيَوْمِ الآخِرِ فَمَثَلُهُ كَمَثَلِ صَفْوَانٍ عَلَيْهِ تُرَابٌ فَأَصَابَهُ وَابِلٌ فَتَرَكَهُ صَلْدًا لاَّ يَقْدِرُونَ عَلَى شَيْءٍ مِّمَّا كَسَبُواْ وَاللَّهُ لاَ يَهْدِي الْقَوْمَ الْكَافِرِينَ

وَمَثَلُ الَّذِينَ يُنفِقُونَ أَمْوَالَهُمُ ابْتِغَاء مَرْضَاتِ اللَّهِ وَتَثْبِيتًا مِّنْ أَنفُسِهِمْ كَمَثَلِ جَنَّةٍ بِرَبْوَةٍ أَصَابَهَا وَابِلٌ فَآتَتْ أُكُلَهَا ضِعْفَيْنِ فَإِن لَّمْ يُصِبْهَا وَابِلٌ فَطَلٌّ وَاللَّهُ بِمَا تَعْمَلُونَ بَصِيرٌ

صدق الله العظيم