الكبائر تظل كبائر

ارجوكم يا جماعة
الكبائر تظل كبائر حتى لو العالم كله وافق عليها
الشذوذ تسبب في ان قوم لوط اتخسف بيهم الأرض واتعذبوا دنيا وآخرة
التباهي بالكبائر غلط
محدش يفخر انه بيشرب خمرة ولا بيزني ولا انه شاذ و لا أنه قاتل ولا انه بيرابي
كل اللي فات مش شطارة ولكنها خطيئة
لكن محدش كمان يتشفى في الموت
الموت يظل موتا
الانتحار من وجهة نظري كفر لاني بآخد الروح اللي ربنا حطها لي بنفسي ولو مؤمنة بربنا يبقى انتظر قضاءه
والمنتحر ربنا هو اللي بيحاسبه مش احنا
لكن برضه يظل مات على كفر
وكلمة الله يرحمه او يرحمها اللي الناس زعلانة عليها لا هي اللي بتدخل الجنة ولا هي اللي بتطلع من النار
محدش يخلي مهمة حياته ان الانسان المجاهر بالمعصية لازم يكرم ويتقال عليه انه شجاع واظهر شجاعته
لو واحد تباهى انه خمورجي والا بتاع ستات والا شاذ والا قاتل والا مرابي يبقى انسان يحتاج اعادة القيم له ولو هو عملها ما يبقاش شجاع
يبقى بجح
يبقى متشكك في ربنا
وارجع تاني واقول مش انا اللي احاسبه
بس كمان ما اقولش عليه شجاع انه واجه المجتمع بخطيئته
الشجاعة انه يواجه ربنا بعد الموت ويقول له انا كنت فاكر ان الحياة الدنيا هي النهاية وان انا مش راجع لك
يقف قدام ربنا ويقول له انا ما اهتمتش باللي طلبته مني ولا عملت لك حساب
ربنا يرحم الجميع ويبعدهم عن الشر والخطأ والكفر وكل الذنوب ويهديهم للخير دائما وما نسكتش على الخطأ ، على الأقل بقلبنا