لا خلاق لهم

اسوأ شعور ممكن يصيب انسان الا ينظر اليه احد وبالأخص الأهل والأكثر الام يعني مثلا لو زعلت مامتك وقعدت تزعق لك حتزعل ولو ضربتك حتزعل اكثر لكن لو قررت انها تشيلك من دماغها وتتعامل معاك كالغريب دي اسمها قهر وشعور بالفناء
شوفو كدة امتى ربنا بيعمل معانا كدة
يعني مش بيكلمنا
في الآيتين الجايين
اسمعوا الآية 174 من سورة البقرة
اعوذ بالله من الشيطان الرجيم
بسم الله الرحمن الرحيم

ان الذين يكتمون ما انزل الله من الكتاب ويشترون به ثمنا قليلا اولئك ما ياكلون في بطونهم الا النار ولا يكلمهم الله يوم القيامة ولا يزكيهم ولهم عذاب اليم
صدق الله العظيم
او آية 77 من آل عمران
اعوذ بالله من الشيطان الرجيم
بسم الله الرحمن الرحيم

ان الذين يشترون بعهد الله وايمانهم ثمنا قليلا اولئك لا خلاق لهم في الاخرة ولا يكلمهم الله ولا ينظر اليهم يوم القيامة ولا يزكيهم ولهم عذاب اليم
صدق الله العظيم
في الاتنين ربنا يوم القيامة مش حيكلمنا ولا يزكينا
الحالة الاولى في سورة البقرى ان الانسان بيكتم ما انزل الله ويشتري بيه حاجة تانية ممكن يكون متعة لنفسه او غرض دنيوي وفي الحالة دي اللي بيشتريه بيه بتبقى زي النار داخله
الحالة التانية في سورة ال عمران اللي بيخالف ضميره يعني بيشتري بعهد الله والإيمان به يعني بيبيع دينه كله ده بقى له خمس انواع من العقاب
لا يكلمه الله
لا ينظر اليه
لا يطهره
لا خلاق له يعني مالوش في الاخرة ولا حاجة خالص لان الخلاق هو النقطة اللي بتعلم على الصخرة وفيها مياه تخيلوا نقطة المياه لما تتجمع على صخره
ولهم عذاب اليم
يعني عذاب بيوجع وانا اعتقد انا مفيش يوجع اكثر من ان ربنا سبحانه وتعالى ما ينظرش ولا يكلمناش ويكلم الخلق كلهم