كيف تفقد ايمانك

سورة الحديد

اعوذ بالله من الشيطان الرجيم

بسم الله الرحمن الرحيم

يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انظُرُونَا نَقْتَبِسْ مِن نُّورِكُمْ قِيلَ ارْجِعُوا وَرَاءَكُمْ فَالْتَمِسُوا نُورًا فَضُرِبَ بَيْنَهُم بِسُورٍ لَّهُ بَابٌ بَاطِنُهُ فِيهِ الرَّحْمَةُ وَظَاهِرُهُ مِن قِبَلِهِ الْعَذَابُ (13) يُنَادُونَهُمْ أَلَمْ نَكُن مَّعَكُمْ ۖ قَالُوا بَلَىٰ وَلَٰكِنَّكُمْ فَتَنتُمْ أَنفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الْأَمَانِيُّ حَتَّىٰ جَاءَ أَمْرُ اللَّهِ وَغَرَّكُم بِاللَّهِ الْغَرُورُ (14) فَالْيَوْمَ لَا يُؤْخَذُ مِنكُمْ فِدْيَةٌ وَلَا مِنَ الَّذِينَ كَفَرُوا ۚ مَأْوَاكُمُ النَّارُ ۖ هِيَ مَوْلَاكُمْ ۖ وَبِئْسَ الْمَصِيرُ (15)

صدق الله العظلم

الاية دي بتورينا ازاي بنفقد ايماننا ونستهين بالدين وينتهي الحال بنا اننا نكون بلا نور يوم القيامة

الاية بتتكلم عن المنافقين او الناس اللي يهمها الناس اكتر من ربنا والايمان بتاعها حسب الظروف

يوم القيامة بيكونوا من غير نور يمشوا فيه وبيروحوا للي معاهم يقولولهم ادونا من نوركم يقولولهم دوروا على نوركم انتم وينتهي ان فيه باب بيتقفل بينهم والباب ده من ناحية عذاب ومن ناحية رحمة وده اللي بيحصل عقاب المنافق بوشين زي ما هو بوشين وكان رد الناس عليهم لما قالولهم احنا كنا مع بعض ازاي انتم عندكم نور واحنا لا وبيقول لهم

حصل لهم الحاجات التالية

1- فتنتم انفسكم

2- تربصتم

3- ارتبتم

4- غرتكم الاماني

الخطوة الاولى انكم بتحط نفسك في فتنة يعني بتخلي نفسك تروح في حتة فيها فتنة وفاكر انك اكبر من الفتنة وانك تقدر تقاوم وبالتالي مع الوقت بيفقد الشعور بالخطأ حجمه الطبيعي وانتشار الخطأ بيخلي الناس تستسيغه

الخطوة الثانية

لما تبدأ في الخطأ بتماطل في التوبة والرجوع عنه وبالتالي بتعمل الخطأ وتقول ان شاء الله على رمضان حابتدي اصلي او من اول السنة وغيرها من اسباب المماطلة وييجي الوقت اللي حسيت ان ذنوبك كتيرة وانك مش حتقدر عليها وان مش حترجع تاني وبالتالي بدل ما تغلط نفسك تعمل الخطوة الثالثة

الخطوة الثالثة

التشكيك في الدين وفي اهل الدين وفي كل ما تراه من حولك لدرجة انك تكفر او تلحد او تعتبر ان الدين كله معيوب وايه هي الاحاديث وايه الشريعة ومين قال ان انا حادخل النار وغيرها من التشكيك وتنغمس في الدنيا بشكل كبير وتدخل في الخطوة الرابعة

الخطوة الرابعة

الشعور بان الدنيا هي ما تمتلك وتغتر بنفسك وبما تفعله وتصبح حياتك هي ما تعيشه وتتمحور حول اشياء كلها بعيده عن الله وعن دين الله ولكن احيانا الناس تلاقيهم بيكملوا الشكل الديني بتاعهم علشان اهلهم او اصحابهم او غيرهم من الوسط المحيط وساعتها النور جواهم بينطفي تماما مع انهم محاطين بناس قد تكون عادية ولكن يوم القيامة يلاقوا نورهم مالي المكان وبينوروا للي حواليهم

سورة الحديد سورة رائعة

#اشحن_بطاريتك_ارجوك

#ابعدوا_نفسكم_عن_الفتن