تقارير ابليس

-
قرر شيطانا جهنميا العام الماضي انه مش حيلعب في الفاضي حيلعب في المليان وبدل ما ياخد واحد ضعيف تعبان يروح يدور على عالم شديد يلف عليه زي التعبان وفعلا اختار واحد شديد مش واخد الدين لعبة لا بيشتغل زي القطر وبياخد باله من بيته وعياله والصبح في الكلية بيعمل ابحاث ويدي محاضرات وبعد الغذا يقعد على المكتب يكتب ويقرا وبالليل اخره توك شو
قالك الراجل ده لو عرفت اجيبه معايا يمين شمال حاخد تقرير كويس اترقى فيه ابقى ابو الاباليس
يهديك تعالى اتفرج على بنات عريانه
لا مش فاضي اشوف التليفزيون الا مع مراتي
تعالى عاكسلك كام بنت
مفيش وقت لازم اروح البحث لازم اقدمه في ميعاده في المؤتمر
سابه منه وراح لواحد شاب
فين في 24 يناير
الواد متروق وحاسس ان البلد ضايعة
قاله بص بكرة تظبط نفسك مع بنت الجيران وميل دماغها
بنت الجيران قالتله انا طالعه مظاهرة بكرة
المظاهرة بتاعة الفيسبوك
ماشي انا كمان طالع
حط جيل في شعره وربط حتة ديل الحصان الجميل وليس تي شيرت مستوردة وياللا بينا
يا اهالينا انضموا لينا
مشيوا وهو بيبص لها بطرف عينه والشيطان مين قاعد مزقطط
وفي لحظة الضرب اشتغل والبنت خافت ورجعت لورا وهو بص للعسكري التعبان ابو عصاية
قاله اختشي انت حتضرب بنت
راح واخد عصاية في دماغه
والواد وقع والشيطان اتنفض وقال رحت بلاش
وراح ناطط في ودن العسكري وقال له
ايه العيال المايصة اللي عايزة تضيع البلد اديها اكتر
ونزل العسكري بالعصايا وكل ما يلا قي عسكري ساكت يجري في ودنه
اديله
اديله ما ترحموش
وقفز الشيطان بين العسكر يمين ويسار وفي 31 ديسمبر كتب تقريره وصعد الى الريس الكبير وقاله شفت انا خليتهم يموتوا بتاع خمسين ويشوهوا ويكسروا ويبوظوا مباني
ايه رأيك اترقى
مسك ابليس التقرير وقال له
روح العب بعيد
قول له انت عملت ايه يا شيطا اصل انا مخلفتش الا شيطا الواد الخلبوص
شيطا قاله لا
انا ما العبش على المكشوف ابدا
انا مسكت واحد من اياهم خليته مع الثوار وفي وسطيهم
واهو دلوقتي مليون واحد في حزب الكنبه بيلعن الثورة وسنينها
وكل اللي انت موتهم حيروحوا بلاش
بكى الشيطان بكاءا شديدا وقرر ان
يسقط يسقط حكم العسكر 

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد