انا كنبة انا كنبة انا كنبة

-
ماذا يقول حزب الكنبة
- سيبوهم يشتغلوا ويصلحوا البلد
- عرفنا ان فيه ثورة كفاية بقى خلوها تعمر
- ما هم قالوا حيمشوا في يونيو استنوا لما يونيو ييجي
- الجيش هو عماد البلد من غيره تقع
- الدنيا بتولع لما الناس دي بتنزل الميدان
- هم فاكرين ان شوية العيال اللي واقفة تمنع رئيس الوزراء من الدخول لمكتبه دي حتمشي البلد كلها
- الاعتصامات دي بتخلي البلطجية تيجي وتعمل بلاوي مفيش داعي للتجمعات دي
- حرقتوا تاريخ البلد بحاله منكم لله
- اللي ينزل عايز يموت يستاهل اللي يجراله

وتسأله
- انت عارف هم واقفين ليه ... لأ
- انت عارف طنطاوي والمجلس الاعلى عايزين ايه من البلد .... لأ
- انت عارف ان لو الثورة نجحت يبقى ممكن نحاسب القادة على ما فعلوه ويمكن حبسهم
- انت عارف ان الثوار عمرهم ما بدأو اي معركة في السنة اللي فاتت كلها
- انت عارف ان التحرير ده مش بتاع الجيش ولا الشرطة ده بتاعنا احنا
- انت عارف ان الشرطة لو استعادت شراستها فمش حتلاقي ناشط سياسي واحد في الشارع
- انت عارف ان الخنوع والخضوع دول اسهل بس الثوار اختاروا يموتوا عشان تقدر تتكلم
- انت عارف ان السياحة مضروبة عشان البلطجية اللي الشرطة والجيش مش عارفين يلموهم من الشوارع وان البلطجية دول اللي رماهم في الشارع هم البوليس
- انت عارف ان الجيش دلوقتي بيجيب البلطجية وبيلعب لعبة البوليس بس بغشومية الجيش

شوية العيال اللي واقفين حاطين عمرهم على ايديهم عشان خاطرك انت وللاسف كمان مش عاجبك
انا لما قامت الثورة كنت باقول للشباب اهدوا شوية عشان الدنيا تمشي واللي عايزينه يتحقق وكانوا بيقولولي مش حيتحقق لو هدينا وكل اللي انجزته الثورة كان بضغط من الشارع ولما الضغط حيوصلنا لقمة الهرم في الفساد بدأ الجيش يظهر نابه الازرق ويتلوى كالحية ولو لها الف رأس فنحن لا نهاب الموت
وعلى راي اللي قال الجيش اقسم يحمي ممتلكات البلد والكنب من الممتلكات فلذلك كل واحد قاعد في بيته لما يدخل عليه واحد يقبض عليه والا على مراته ويسحلها يبقى يقوله
انا كنبة انا كنبة انا كنبة

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد